انتشرت هذي الصورة من باب الضحك لكن برأيي انها مصدر قلق…دفعات الأجيال الشابة والصغيرة سناً أجزم أن حضورها في المجتمع بأعلى وتيرة في تاريخ المملكة هو هذي الفترة قبل 4 سنوات الى 30 سنة قدام…اكثر حتى من فترة مابعد توحيد واستقرار المملكة…كانوا سابقاً يتخطفون في مشاريع فكرية هدامة
=
=
كل ما كثرنا شوي طلع لنا مشروع دولي يتم تجنيد شبابنا فيه بالآلاف…والسبب غياب "المحتوى المحلي" في كل شي…وما ألوم الأجيال السابقة كوننا دولة فتية في طور التأسيس فطبيعي محتوانا الاستهلاكي والثقافي والرياضي والفني والإعلامي كان أغلبه مستورد…وهذا يخلي اي شعب عرضة للتأثر بهذي القوى
الناعمة…اليوم ولله الحمد قاعدين نقاتل بشراسة على احتواء واحتضان الاجيال الناشئة بالدخول والانخراط مباشرة في آلة المشروع السعودي…يفتح الشابـ/ـة عيونه على الدنيا يلقى وطن طموح وحراك تنموي ونقاشات فكرية متضادة لكنها كلها تتمحور حول الوطن…ويلقى خطط مستقبلية يكون مستعد يفني عمره
لأجلها…عندنا محتوى محلي هائل في كل شي…يطلع باسمنا ويجذب الاجيال الصغيرة له بشدة…في مرحلة قادمة راح يجذب دول وشعوب ويأثر فيهم ايجاباً…وعلشان كذا نشوف دول وجهات معادية شغلها الشاغل استهداف الاجيال الصغيرة في وسائل التواصل وغيره لأنهم محل الرهان ومصدر خام لمشاريع المستقبل
مثل حسابات الانمي والكورة ومنصات الافلام وغيرها الي تدعم التطرف…هم ماراح يوقفون وبتتطور اساليبهم لكن في المقابل حنا ولله الحمد تعديناهم بمراحل وصار عندنا محتوانا الي نراهن عليه…يبقون خطر لكن الوعي العام بمجمله بعيد عنهم…سابقاً كنا ردة فعل لهم…اليوم حنا الفعل وهم ردود الفعل
الي ابي أقوله…بما ان تويتر وسناب هو "مجلسنا الكبير"…اذا جيتوا تغردون استشعروا دخول الالاف يومياً من الشباب الصغار من اخوانكم واخواتكم وعززوا فيهم الانتماء للآلة السعودية…الي يحب مهرجان الابل والي يحب المواسم الترفيهية والي يحب الثقافة وغيرها…يختلفون لكن جميعهم في ميدان الوطن
وبنفس الوقت مهوب عيب نسترجع ذكرياتنا معهم في المخاطر والمعاناة الي عايشناها سابقاً من خطر التجنيد العابر للحدود…حتى لو استحينا من أفعالنا وتصرفاتنا…معليش خلهم "يطقطقون" علينا أهم شي يتعلمون من أخطاءنا ومايرجعون يكررونها
اعتذر على الاطالة واعتبروها فضفضة ضحوية🌹
اعتذر على الاطالة واعتبروها فضفضة ضحوية🌹
جاري تحميل الاقتراحات...