تحذير وزير المالية إن بعد ١٠ سنوات ينهار النفط واحتمال چبير العراق يسرح موظفيه وإنه بعد عام ٢٠٣٠ يتوقف العالم عن صناعة السيارات اللي تشتغل عالبنزين وتتحول عالكهرباء وانه النفط يصير بفلس ونص .
أخبار تسد النفس وتخليك تضرب صفنه ام النص ساعة وتسأل السؤال التالي :
إحنه شلون بينه ؟
أخبار تسد النفس وتخليك تضرب صفنه ام النص ساعة وتسأل السؤال التالي :
إحنه شلون بينه ؟
وشراح نسوي ويه هاي المصيبة اللي كل الدول المنتجة للنفط حسبت حسابها لهيچ أيام سودة وقللـت اعتمادهـا عالنفـط وإللي إتوجه لمشاريع ستراتيجيـة مثل الكويت ، واللي طـور الصناعة والزراعة مثل السعودية ، واللي طور السياحة مثل الامارات ، واللي اشترى نوادي اجنبية وعقارات وأحياء مثل قطر ..
وشلون بينه ، وإحنه صناعتنــه صفـر ، وماعدنه معامل تشتـغل غير بس معامل الدبس و( الموطة ) !!
وشلون بينه وإحنــه زراعتنه صفـر وانتاجنه الحيواني صفر وليومنه هذا نستورد من برة ؟ وشلون بينه وإحنه حتى الرافدين اللي إسم بلدنه مقرون بيهن على وشك الجفاف وطيحان الحظ المعدل ..
وشلون بينه وإحنــه زراعتنه صفـر وانتاجنه الحيواني صفر وليومنه هذا نستورد من برة ؟ وشلون بينه وإحنه حتى الرافدين اللي إسم بلدنه مقرون بيهن على وشك الجفاف وطيحان الحظ المعدل ..
شلون بينه وهذا السلاح التارس الدنيا وذولي الكلچية والسيبندية يصولون ويجولون ، وبلدنا مصنف عالميا" كـ أخــــرا وأنگس وأخطر البلدان العالمية وماكو أحد يوصلنا ولا أكو أحد يستثمر يمنه أو يجي يزورنا ؟
شلون بينه وإحنه لهسه ماگدرنه نخلي واحد إبن أوادم وحليبه طاهر يحكمنه ويمشينه عالصراط المستقيم ويطلعنه من هاي الوحلة اللي راكسين بيها ؟
زين إحنه هسه النفط معلگ والكل مقندرينا وضارطين علينه ومحد محترمنــه ، لعد أذا خـــــرط السوگ شراح يسوون بينه ؟
زين إحنه هسه النفط معلگ والكل مقندرينا وضارطين علينه ومحد محترمنــه ، لعد أذا خـــــرط السوگ شراح يسوون بينه ؟
وإذا هسه الناس وظائف ورواتب ، وواحد إينيچ الثاني وواحد يبـوگ الثاني ، لعد إذا هاي الوظائف راحت شراح يصير بحالنه ؟
زين الحكومة إذا هسه تواجه مشكلة إقتصادية تقترض من العالم أو تجي على رواتب الموظفين وتعيل عليهم وتدبرها ، اذا طار النفط من عدنه منو بحالنا ومنو يشترينه بنعال لاستيك
زين الحكومة إذا هسه تواجه مشكلة إقتصادية تقترض من العالم أو تجي على رواتب الموظفين وتعيل عليهم وتدبرها ، اذا طار النفط من عدنه منو بحالنا ومنو يشترينه بنعال لاستيك
آني اللي أعرف بيه وسامعه إنه الدولة من تستشعر بهيچ خطر تبدي بخطوات جدية وخطوات سريعة وفاعلة لاستدراك الخطر هذا ، لكن الواقع يگول إنه ذولي المناويـــ-ــچ اللي يحكمونه راح يطفرون ويعوفونه لوحدنه وبوكتها صــــدگ الچلاب تاكلنه على گولة السيد أبو هاشم ( أعزه الله ) !
جاري تحميل الاقتراحات...