خلونا نتكلم عن موضوع مهم و طبائع البشر.
والدتى رحمة الله عليها قالتلى مره كل انسان له مفتاح لو ملكته حتقدر تتعامل معاه و حتقل اوى اختلافاتكم.
وقتها و كنت لازلت سن ١٥ سنه مافهمتش اوى كلامها...لكن مع الأيام و تراكم الخبرات بدأت افهم...
١

النصيحه:
لو حسيت ان اللى اودامك عنيد اوعى تواجهه بعنده و اوعى تفهمه اساسا انك بتنصحه.
دايما التزم بجمله من ذهب ما اعرضه هو رأيى.
ابتعد تماما عن اللوم فى الوقت اللى بتسمع فيه مشكلة غيرك و حاول تبسط الامور...لا تهول و لا تهون...اسمع و لا تعقب حتى ينتهى الشخص من الحديث...
٢

بعد ما سمعت ما تتكلمش كأنك صاحب المشكله لان من المؤكد ان تعاطيك مع امر حيختلف عن تعاطى الشخص اللى بيكلمك.
حاول تكون حيادى تماما...انت زى اللى بيتفرج على دور شطرنج ممكن يشوف نقلات لا يراها اللاعبون و ممكن تفكيرهم يكون ارقى او ادنى منك...
و لا تنصب نفسك حكما على الامور...
٣

اذا تكلمت فأرفق...و زى ما قلت استخدم المفتاح الذهبى "رأيى الشخصى"
و لما تنتهى تقبل مقاومه الشخص اللى اودامك و دايما قل له انت صح...و لكن...
يعنى انت مقتنع بتصرفه و لكن لك تحفظات...حاول وقتها ان تحفظاتك حتى لو هو غلطان تكون فى صيغه اقرب انه لما تصرف كان فاكر اللى اودامه حيفهم...
٤

وصل اللى اودامك انه لو غلطان هو اللى يستشعر خطأه او يتيقن انه كان صح و ليس الخطاء فى فعله و لكن فى ردة فعل من امامه...
تعامل دائما من منطلق نقطتين...طبع من امامك...و قدرك عنده...و أفترض دائما ان هناك أمور لن تستطيع ان تغيرها...
باكر بئا نتكلم عن العند...
#تم