قبل ٦ سنين تقدملي واحد من قرايبنا زواج تقليدي وانا كنت رافضة الموضوع تماماً بس ماما أصّرت شوفي الولد يمكن يعجبك.. جلسنا مخطوبين شهر واحد وما تحملت سذاجته ما يعرف شي في الحياة ولا عقلياتنا متوافقة.. كلمت بابا وقلت ما ابغاه ما ينفعني انتا تبغاني اتزوج عشان اتطلق ولا اتزوج واستمر؟ ١
سألني ايش السبب وقلت مااشوف مستقبل لهذه العلاقة أبدا.. اول كم سنة بتعدي بس في السنة الثالثة حبدأ استوعب حجم الفجوة الفكرية اللي بيننا واشوف مستوى احاديثنا اليومية واكتشف اني كنت غلطانة في قراري بالزواج من هذا الشخص خاصة انو ماعندي مشاعر من قبل واتطلق فعلى ايش الزحمة من البداية ٢
بابا اقتنع اما ماما وضعها كسائر الامهات اللي تشوف انه هذا مو سبب كافي ولا مقنع عشان افسخ خطوبة من شخص بمقاييسها كويس على عكس رأيي تماماً أول القصيدة كفر.. قلي لا تشتغلي اول كم سنة خلينا نجيب اطفال وبعدها عادي بخليك تشتغلي and I was like dude تخليني؟! وأطفال ؟! انتا قاريني غلط ٣
جلست تزّن وانا اقول ما ابغى بتقولوله يحل عني ولا اقوله انا؟
بابا قال خلاص قفلو السالفة انا بقول للولد مافي نصيب وخلاص.. الجدير بالذكر انو الشخص دا مو كان عليه رد فلاق بس دا كان الرد فلاق بكبره.. ماادري اللي كان يسويه شوره ولا شور اهله والا كلاهما معاً.. في كلتا الحالتين ماينفع ٤
بابا قال خلاص قفلو السالفة انا بقول للولد مافي نصيب وخلاص.. الجدير بالذكر انو الشخص دا مو كان عليه رد فلاق بس دا كان الرد فلاق بكبره.. ماادري اللي كان يسويه شوره ولا شور اهله والا كلاهما معاً.. في كلتا الحالتين ماينفع ٤
أولها هرجة الشغل اللي بيسمحلي بيه وبعدين الأطفال اللي يبغاهم بعد الزواج طوالي وكمان يوم الشوفة العُرف حقنا انو اذا البنت عجبتك تهديها اسورة سعرها حول الفين الى ثلاثة مو تجيب لها طقم شبكة هذا غير الطقم اللي بيجيبه بعدين😧
الحركة الاخيرة دي خلت في رأسي علامة استفهام كبييييييييرة ٥
الحركة الاخيرة دي خلت في رأسي علامة استفهام كبييييييييرة ٥
احنا كعائلة مانسال عن راتب العريس وهل يقدر يفتح بيت ولا لا لان اهلي يستحو من هذا سؤال وأنا أصريت اعرف لان عندي اعتقاد داخلي انو اللي يصرف بزيادة في البدايات معناته فيه طعة في الاخير يحاول يخبيها بكرمه المخالف للعرف السائد ولا من متى المعرفة عشان يجيب ذا الطقم وغالباً انه شور سِت٦
ماما رفضت تسأل رغم انها حكتني بعدين انو امه وقحة لدرجة سألتها عمارتكم كم شقة؟ وكلها مؤجرة ولا لا؟ وتأجرو الشقة على كم؟😑
وهيا اصلا ساكنة في مدينة ثانية يعني مابتأجر عندنا عشان تسأل سؤال زي كده في شوفة ولدها.. احساسي كان يقول انها تسأل عشان تشوف اهلي بيعطوني شقة أسكن فيها معاه٧
وهيا اصلا ساكنة في مدينة ثانية يعني مابتأجر عندنا عشان تسأل سؤال زي كده في شوفة ولدها.. احساسي كان يقول انها تسأل عشان تشوف اهلي بيعطوني شقة أسكن فيها معاه٧
المهم ماكذبت خبر سألت بنفسي الولد واتعلثم وقال ليش تسألي؟ اللي لك انك لو طلبتي شي يجيك.. قلتلو من حقي اعرف طالماً بتقعدني في البيت كم سنة عشان اجيب اطفال عشان لو راتبك مايخارج اقولك مايناسبني وخلاص كل احد يشوف حاله.. سوى نفسه مشغول وقلي مضطر اقفل عندي شغلة اخلصها واكلمك بعدين ٨
طبعاً البعدين دا ماجا.. قعدت على لينكد ان ادور على ناس شغالين في نفس شركته ولقيت واحد ابن حلال ماقصر وكب العشا.. سويت نفسي بشتغل عندهم وخرطت عليه مؤهلات نفس مؤهلات خطيبي وقلت لو بدأت شغل كم بيكون راتبي؟ وبعد سنتين خبرة كم بيكون؟ طلع بعد سنتين ٧ الالاف ريال فماادري ليش كان متفشل ٩
قبل ٦ سنين وغلاء المعيشة ٧ الالاف تفتح بيت كويس بس بدون اطفال واحتياجاتهم.. بس فكرة انو ما قال مدري متفشل أو مسوية سر حربي ما ريحتني.. وفهمت ليش جاب الهدية الغالية لان احنا عائلة كلنا دكاترة فبالتالي وظائفنا بتكون ذات راتب عالي فهو حب يبين انه كريم ومعطاء عشان أتخم واوافق عليه ١٠
طبعاً بلعت الهرجة عشان مااحرجه وفضّلت اني اسيبه من سُكات وقلت لبابا مايناسبني.. بابا كلمه وقلو مافي نصيب عصب وراح دق عليا قال ليش ماقلتيلي بنفسك بدال ماترسلي ابوكي.. وهنا نجي للدرس الثاني اللي كان لازم يتعلمه.. قلت انت يوم جيت خطبت كلمتني ولا كلمت ابويا؟ قال ابوك بس مالها دخل ١١
قلتلو الا لها دخل.. لو احبك وتحبني انتا اول واحد بقوله كل شي بس حالياً مالك رصيد عاطفي عندي وحتى في الشهر دا اللي قعدنا فيه مخطوبين ماحاولت تصنع لك رصيد مشاعر فماني مدينة لك بشيء عشان اكلمك قبل مااكلم اهلي.. انت جيت عن طريقهم فالله يسهلّك برضو عن طريقهم انا مو مُطالبة اني اراعي١٢
بابا رفضو ورجعله الذهب وبقي بس علبة عطر نسيها قال في نفسه يرجعهم له لمن يرجع دحين مو فاضي وسافر وهنا طلع الخدمي اللي جواته.. جلس طول فترة سفر بابا يدق عليه ابغى هداياي وابغى هداياي وبابا يقوله تبغى الستات يطرفوها لك من الباب مو مقامك انا ارجع وانشالله نتقهوى واغراضك تجيك كاملة ١٣
صجنا الين ستي الله يرحمها طفشت من غباءه وراحت جابتلك عطرين فوق عطره المخيس ورجعتهم عشان يفُكونا من الحركات البيئة.. ومن بعدها اتعلمت درس مهم عمري ما اركز على البدايات مهما كانت جميلة ولا مخيسة العبرة دائماً بالنهايات وانه الوحده لازم تفتعل مشاكل كذبية بس عشان تشوفه في الخصومة ١٤
طوّلت عليكم بدي القصة اللي اطول من حياتي 🤣
بس جا في بالي لانه مااتزوج من ٢٠١٥ ولا خطب بعدي احد تقليدي.. والاسبوع اللي فات اتزوج وحده من بره العيلة تشتغل معاه في شركته أغلب الظن انها حبيبته.. فنبسطت له انو فعلاً سمع كلامي وراح حب وحده وصنع رصيد عاطفي في قلبها يخليها تستحمله ❤️❤️
بس جا في بالي لانه مااتزوج من ٢٠١٥ ولا خطب بعدي احد تقليدي.. والاسبوع اللي فات اتزوج وحده من بره العيلة تشتغل معاه في شركته أغلب الظن انها حبيبته.. فنبسطت له انو فعلاً سمع كلامي وراح حب وحده وصنع رصيد عاطفي في قلبها يخليها تستحمله ❤️❤️
جاري تحميل الاقتراحات...