رالف رانجنيك،
عندما نظمت مكتبي!
في البداية، سيب أي حاجة في إيدك دلوقتي، وركز معايا في المقال، مش بس لأنه مهم عن رالف بكل التفاصيل عنه، ولكن لأنه مقال مهم في الكورة بشكل عام،
إعمل لايك وحضر قهوتك وتعالى إقرأ!
ثريد عن قائد الحقبة الجديدة لكرة القدم، رالف رانجنيك..
عندما نظمت مكتبي!
في البداية، سيب أي حاجة في إيدك دلوقتي، وركز معايا في المقال، مش بس لأنه مهم عن رالف بكل التفاصيل عنه، ولكن لأنه مقال مهم في الكورة بشكل عام،
إعمل لايك وحضر قهوتك وتعالى إقرأ!
ثريد عن قائد الحقبة الجديدة لكرة القدم، رالف رانجنيك..
الكورة عبارة عن إتجاهات، مدارس لكل شعب وبيخرج من الشعب ده مدربين كبار ومفكرين إستنادًا للمدرسة اللي الشخص آمن بها وإستند بها في كل أفكاره وتطبيقاته، ده كلام معروف للجميع، تعالى بقى نتكلم عن الإتجاهات دي كأساس، ونبدأ نفرّع من الأساس ده اللي إحنا عايزينه،
الكورة عبارة عن 3 إتجاهات، الثلاثة كانوا أساس كل المدارس التدريبية وكل مدرسة بتحتاج نوع معين من اللاعبين؛ الإتجاه الأول هو 'الإتجاه البسيط'، علميًا إسمه 'Simple Direction'، من إسمه تقدر تستنتج بشكل سريع إنه أول وأقدم إتجه عرفته الكورة، لكن فيه جزء أهم تعالى نخوض فيه،
إتجاه البساطة هو إتجاه سير أليكس فيرجسون وبعده كارلو آنشيلوتي ومورينيو وإتجاه إتشرّس بعد كده وتم إقتباسه في الهوية الإيطالية والكاتيناتشو الدفاعي في إيطاليا، وإتجاه زيدان حديثًا، لاحظ هنا إني بقول 'إتجاه' مش 'مدرسة'، لأن الإتجاه زي ما قولت هو الأساس، والمدارس إتفرعت منها مع الوقت
أغلبهم أو كلهم زي ما لاحظت -بإستثناء السير- دربوا ريال مدريد بمختلف مدارسهم وأساليبهم، ريال مدريد هو أكتر فريق بسيط في العالم، وفي كل حقبة زمنية في تاريخه إختار الإتجاه ده، ونقطة قوة من نقاط قوى بيريز إنه حافظ على الإتجاه ده في ظل هيمنة جوارديولا وده شيء تاني هنروحله بعدين.
معظم الناس كانوا بيستغربوا وبيقولوا زيدان ضعيف تكتيكيًا، ده مش موضع خلافنا لكنه بيندرج تحت الإندراج ده؛ ظهيرين فاتحين الخط، مدافع بيلعب برجله كويس ومدافع تاني إستباقي في التدخل، محور in field بينظم اللعب ومحور out field بيوزعه، وإرتكاز قوي بدنيًا، جناحين منهم واحد طرفي، وهكذا...
الموضوع بسيط مش كده؟ تمام، وهو ده المطلوب إثباته، هو ده ريال مدريد وهو ده يونايتد فيرجسون، إتجاه مش بيتطلب بناء ثوري وأفكار معقدة، حتى مش بيتطلب مشروع تفصيلي، نجوم في الإسكواد واللي بيخرج أو يكبر بيكون بديله شاب جاهز ومميز،
وعلشان كده مستحيل تلاقي ريال مدريد مثلًا أو يونايتد السير كانوا بيستهلكوا وقت للرجوع على القمة، وتقدر تشوف هنا تفوق مدريد مع آنشيلوتي في الموسم ده بدون تكاليف مع إبنه ديفيد آنشيلوتي محلل أداء النادي، دفاع إتظبط وتوظيف مثالي للجموعة الموجودة مع تفاصيل تقدر تخدمهم كمجموعة، بس كده!
الكيمياء علم أساس، علم بيتم إكتشاف تفاعلات فيه إستنادًا لأسس ومعادلات معروفة ملهاش علاقة بالتفاصيل لأن التفاصيل إستنتاجات، عكس الفيزياء، علم تجريبي، بيتجرب فيه وبعد كده بيتحط قوانين بيتلعب فيها،
علشان كده ببساطة، الفيزياء علم فِكري، الكيمياء علم إستنادي قبل فِكري،
حلو؟ يلا نكمل،
علشان كده ببساطة، الفيزياء علم فِكري، الكيمياء علم إستنادي قبل فِكري،
حلو؟ يلا نكمل،
الإتجاه الثاني هو الإتجاه الألماني، إتجاه وضعه الإنجليز لكن ألمانيا تفردت بيه آخر 20 سنة وإتسمى بهم، أعتقد أنت وصلتلك الفكرة المشتركة بينهم، الإلتحامات البدنية والسرعات، لكن مش هنا الفكرة بس، الفكرة إن ألمانيا وضعت أكتر وأعلى مفاهيم الضغط كأساس لعب، مش الأساس هو البناء أو التهديف
الأهم في الإتجاه ده هو إنه مناقض تمامًا للإتجاه الأول، البساطة مش عبارة عن بناء ومشروع طويل الأمد، مش مشروع تفصيلي بشبكة محللي أداء وكشافين ومستشارين نفسيين وأطباء، عكس الإتجاه الألماني، أدوار المذكورين فيه أهم من اللاعبين والمدرب، الإتجاه ده بيمثل الفيزياء في كرة القدم،
شبكات الجهاز الفني والنفسي والإداري هم اللي بيضعوا الأساس الأمثل بالنسبة لهم، وللمفارقة كل مدرسة ألمانية غير التانية للسبب ده؛ كلوب مدرسة وتوخيل وناجلزمان وفليك لهم مدارس مختلفة، المشترك بينهم إنهم مش بيشتركوا في شيء! أخذوا منهجية الضغط وإنتاج المساحة بطرق مختلفة وبلاعبين مختلفين
الإتجاه الثالث والأخير، واللي شخصيًا بميل له عن البقية، هو الإتجاه الثوري في الكورة، إتجاه الـSexy Football أساسه من الـTotal Football اللي تم وضعه في هولندا عن طريق كرويف، وتم تحويره من إقليم الثورة، إقليم الإنقلاب على كل شيء وفرض المنهجية على أي حد، إقليم كتالونيا، برشلونة.
الإتجاه الألماني مناقض للإتجاه الكتالوني تمامًا، بشكل أوضح، رالف رانجنيك هو النقيض الكامل لبيب جوارديولا، جوارديولا مقتنع بالمهلة الوقتية، إنه هيعمل أي شيء هو مقتنع به حتى لو جملة معينة تم تنفيذها في 70 دقيقة من الـ90،
بيب عنده 10 لاعبين من الـ16 اللي بيعتمد عليهم في إسكواده أغلب الوقت بيلعبوا بالقدم اليسرى منهم كانسيلو، علشان الترحيل، كانسيلو يتضاف في الوسط يلعب بيمينه وهو باديء كظهير أيسر في واحدة من أغرب أشكال الظهير ولكن أكثرها فعالية آخر سنوات، لأنه بيرحّل مكانه للاعب آخر يدخل في العمق،
دائمًا بتلاقي الشكل كده، لاعب يمرر ويتحرك في العمق يسحب مدافع علشان تتكشف الثغرة اللي بيب عايزها، مثلًا هو إختار يلعب بدون مهاجم علشان كده، فودين وبرناردو ودي بروين وغيرهم بيدخلوا العمق مع جناحين فاتحين الخط على آخره علشان يتفوقوا في وضعيات 1 ضد 1 ويتم لعب الكرة الثانية في العمق،
رالف راجل سريع ومباشر، مش بيحب الوقت وبيكرهه، الإستحواذ الأقل يُعني مساحات أكبر للمهاجمين، يعني وضعيات أسهل للمراوغة، عكس الإستحواذ الأكبر، فلسفة الضغط العكسي عنده غريبة، وتعالى أقولك ازاي،
طريقة '3, 5, 10'، تخيل إن الكورة لو مع الخصم فأنت مجبر تقطعها حسب شبكة ضغط معينة في 3 ثوانِ، لو عجزت فلاعب آخر يدخل معاك وتتقطع في 5 ثوانِ، لو عجزتوا فآخر حل إن مجموعة تقطع الكورة في 10 ثوانِ، لو عجزتوا فإتنين من الخمسة اللي تم إستخدامهم كآخر حل هيمشوا من الفريق لأنهم مش مناسبين!
فلسفته حادة جدًا، وعلشان كده بيحب يتعامل مع اللاعبين من سن 17 لـ 23 لأنهم ذهنيًا وبدنيًا أكثر إستجابة من غيرهم، وبالفلسفة دي قدر يصعد بهانوفر للدرجة الأولى بعد غياب 13 سنة، وصعد بهوفنهايم من الدرجة الثالثة للأولى علشان يضع الأساس لناجلزمان اللي أخذ الطريق بعده وإتأثر به..
الراجل كان سبب مباشر في إن لايبزيج يوصل لأفضل الأدوار الاقصائية في الأبطال اخر 3 سنوات، وكان السبب في إن شالكة يكتسح إنتر ميلان في 2011 بسباعية لهدفين، علشان يوصل ليونايتد في نصف نهائي الأبطال لكنه خسر بثلاثية لهدف.
اكتشف توخيل، أثّر على كلوب، ناجلزمان، هانزهوتل، هونيس، وغيرهم..
اكتشف توخيل، أثّر على كلوب، ناجلزمان، هانزهوتل، هونيس، وغيرهم..
لك أن تتخيل إن رالف تعاقد في لايبزيج مع الآتيين بأسعار رمزية بشبكة Scouting خيالية بتضم 39 كشاف؛ موكيل - 16 مليون، فيرنر - 14 مليون، نكونو - 13 مليون، فورسبرج - 3.7 مليون، هالسنبرج - 3.5 مليون، سبيتزر - 2 مليون، أوربان - 2 مليون، أوباميكانو - 10 مليون، بولسين - 1.5 مليون،
كولسترمان - 1 مليون، كيميتش - 500 ألف، نابي كيتا - 1.5 مليون، ديميه - 350 ألف، كوناتيه - مجاني.
إكتشف نجوم غيرهم زي نوير في شالكه، ماني، ساني، ماتيب، جورتيسكا، هالاند، أولمو، فيرمينو.
كل ده كان مجهودات 'Ralf Group'، دورهم لا يقل أهمية عن رالف، لأن المدرب مش لوحده اللي بيشتغل.
إكتشف نجوم غيرهم زي نوير في شالكه، ماني، ساني، ماتيب، جورتيسكا، هالاند، أولمو، فيرمينو.
كل ده كان مجهودات 'Ralf Group'، دورهم لا يقل أهمية عن رالف، لأن المدرب مش لوحده اللي بيشتغل.
محلل من شبكة رالف قال إن إحصائيات الأسيست والهدف ظالمة لبقية اللاعبين، وبالفعل تم الأخذ بكلامه وده كان سبب أساسي في تفوق مفهوم المنظومة معاه، إن أهم شيء هو التمرير، الأمر إتطور بعد كده لحساب الجهد المبذول ونسبة نجاحه،
ودي فكرة معاكسة لمعرفة الجميع عن اللاعب البدني؛ اللاعب البدني مش العضلات الكتير، لكن اللي بيجري مسافات طويلة وتحقيق أعلى فائدة منها، مثلا تشافي إتظلم في الجانب ده، لأنه كان بيتواجد في كل الملعب وفي كل مراحل اللعب لكن مش لأسباب عنيفة، بل لأسباب تخدم فكرة إيجاد الثغرة وصنع المساحة،
مثال آخر في تقنية إحصائيات معدل التخطي أو الـ Packing Rate اللي إقترحها المحلل على رانجنيك وتم الأخذ بها، مثلًا التمرير، أهمية كل تمريرة بتتوقف على العدد اللي تخطته من لاعبي الخصم للأمام، ومدى نجاح إيصال الكرة لصانع الهدف أو لمُسجِله،
على سبيل المثال، سجل الارتكاز أعلى معدل جَري (إنطلاقات) في مباراة، بالتالي هيحصل على 4 نقاط، أما صاحب أي هدف يُحسَب له 3 نقاط، وصانعه يُحسب له إثنين، بالتالي هيأخذ الارتكاز عدد نقاط أكثر من صانع الهدف لمساهمته الأكبر فعليًا في الهدف أكبر من صانعه.
تقنية الـSoccerBot اللي رانجنيك دخلها اليونايتد من تاني يوم تولى تدريب الفريق فيه، عبارة عن تقنية بتجمع رانجنيك مع اللاعب، والتقنية بترسم اللاعب كأنه في الملعب، ورانجنيك بيقول للاعب هتعمل ايه بالكورة، وبدونها، ومع بقية الفريق، وبعد كده بيتم إدخال لاعبين تانيين مع نفس اللاعب وهكذا
تدريب 'الروندو' هو تدريب أساسي أدخله رالف على شبكات منظومته، تدريب عبارة عن وضع اللاعبين في شكل هندسي زي مثلث أو مربع، وبيتواجد فيه لاعبين أو ثلاثة بيحاولوا قطع الكورة، الهدف منه هو التفكير السريع، مش بس للضغط، لكن للسؤال الأهم، 'هتعمل ايه بعد ما تقطع الكورة؟'
الضغط العكسي أصبح هوس عند الكل، لكنه شيء غير كافي لضمان إستمرارية نجاح أي فري لأنه لو تم كسره هيتم مواجهة المدافعين حرفيًا، بالتالي بيتحسنوا الأول في بناء بنية تكتيكية دفاعيا وبعد كده يتم بناء سياقات كتير، وده اللي محتاجه اليونايتد مع رالف، الرقابة ووقوف المدافعين وكيفية الاستباق
جوارديولا مثلًا مع السيتي، أكتر فريق بيحقق ضغط عكسي في كل حالات ومراحل اللعب من أول الملعب لآخره، لكن مش ده السبب الرئيسي في إنه فريق قوي، بل توظيف المدافعين وأدوارهم في الحالات الدفاعية المتأخرة وتأمين مناطقهم، بالتالي دور الضغط العكسي أصبح ظاهر جدًا،
بايرن أفضل نموذج في العالم في النقطة دي -مع ليفربول-، آخر 3 سنين بايرن إتحولوا لآكلات لحوم في الضغط ومعدلات الجري وسحق الخصم بكل الطرق الهمجية -حرفيًا-،
اللاعبين حتى مش بيمرروا الكورة كتير على الأرض وتحركاتهم كلها على الجول؛
اللاعبين حتى مش بيمرروا الكورة كتير على الأرض وتحركاتهم كلها على الجول؛
لاعب بيتحرك بالكورة وقت التحول الهجومي، و 6 أو 7 وأحيانًا 8 لاعبين بيكونوا في هجمة واحدة في تقدم وبيتحركوا معاه بدون كورة كلاعبين إضافيين له وبينتشروا بعرض الملعب تناسبًا مع تحركاته، بحيث حامل الكورة ده ميفكرش كتير ويمرر للاعب منهم بسرعة، لكن الأمر نفسه بنظام دفاعي وارتداد مثالي.
الحقيقة إن رانجنيك المدرب بالنسبة لي جيد ونجاحاته وعقليته مش في كونه مدرب رغم إنه مدرب ناجح جدا، لكن الأهم هو التوجه المميز اللي أدخله للكورة كعلم وتقنيات حديثة وفريدة من نوعها، رانجنيك بيلعب بخطة 4-2-2-2، تقارب خطوط والكل بيفتح الطرف والكل بينقله في نواحي أخرى في كل مراحل اللعب،
الجناح الـinverse زي سانشو بيفتح الخط، دالوت هياخذ مكانه علشان يضم في العمق ويفتح مساحة مركزية لغيره إنه يرحّل في ناحية أخرى للملعب، مع لاعب سارق للمساحات زي فان دي بيك مع المهاجم المتقدم،
الجناح الـinverse زي سانشو بيفتح الخط، دالوت هياخذ مكانه علشان يضم في العمق ويفتح مساحة مركزية لغيره إنه يرحّل في ناحية أخرى للملعب، مع لاعب سارق للمساحات زي فان دي بيك مع المهاجم المتقدم،
اللعب ده بيهدف لإيه؟ لحِدة الضغط، منع الخصم من التحولات وفعل العكس فيه، قطع الكورة والوصول بها لمناطق الخصم، مع Laying off مثالي، جذب رقابة الخصم لجبهة معينة ومن ثم الترحيل السريع بدون الكورة للجبهة الأخرى الفارغة من الرقابة.
في النهاية، تعيين رالف من الإدارة كان مش مقصود للمذكور ده كله! إوعى تفتكر إن الجلايزرز درسوا الكلام السابق ده وبناءًا عليه تم التعاقد مع رالف، وكلامي ده بالرغم من إني مقتنع بمورتور المدير الرياضي للنادي، لكن أصلًا الخطوة الأولى كانت التعاقد مع إرنيستو فالفيردي لكنها فشلت!
الأهم، إن أخيرًا بقى فيه شخص في النادي دارس لكل قرار بيعمله، وعلشان كده فترته كمستشار النادي والمتحكم في صلاحيات كل شيء خاص بكرة القدم هو أهم بالنسبة لي من فترته كمدرب، هو ده التوجه المميز اللي كان لازم يحصل بعد السير، لكن أن تأتي متأخرًا خيرٌ من ألا تأتي أبدًا!
شكرًا! 🙌
إنتهى الثريد!
شكرًا لوقتكم 🙏🏻
إنتهى الثريد!
شكرًا لوقتكم 🙏🏻
جاري تحميل الاقتراحات...