مهم والله ❤️
يوم الخميس بيكون عندي سكشن من الساعة 5 وبيكون مهم جدا المغرب طبعاً بيأذن 5 أو 4:55 خرجت أصلي وصاحبتي مرضيتش تطلع معايا عشان الشرح ميفوتهاش المهم طلعت وكان الدكتور لسه مدخلش روحت المسجد بدأت صلاة حسيت إني بسرع في الصلاة عشان ألحق السكشن استحيت من الله وفي حاجة جوايا

همست لي " ما الحاجة التي ستفوتك وأنتِ أمام قاضي الحاجات " كدت أبكي حياءاً من الله والله وتمهلت في صلاتي كالمعتاد صليت الفريضة وقولت هطلع ألحق زمان الدكتور بدأ ومش هفهم ولا حاجة بسبب اللي فاتني نفس الحاجة همست جوايا تاني " ما الحاجة التي ستفوتك وأنتِ أمام قاضي الحاجات " تعوذت من

إبليس وصليت السنة الحمدلله وطلعت من المسجد فرحانة أوي أني غلبت شيطاني الحمدلله بفضل منه 😂❤️ بسرع بقى في خطواتي عشان ألحق أفهم أي حاجة سبحان الله أدخل المدرج ألاقي الدكتور مدخلش وصاحبتي اللي مطلعتش معايا تقولي ده أنتِ ربنا بيحبك الدكتور أتأخر خلصت جملتها وبتقولي والدكتور دخل

بعدي بدقيقة أو دقيقتين لاقيتها بصت ليا بإندهاش كده وتقولي عشان فضلتِ الصلاة سبحان الله يدخل هو متأخر يا ليتني كنت صليت معاكي ..
الموقف يكاد يبان بسيط بس حقيقي بقيت قاعدة مندهشة وأقول سبحان الله واستغفرت ربنا على إني تعجلت في أول الصلاة
الصلاة أولاً ثم يأتي كل شيء ❤️

اللهم ارزقنا نفس لوامة تلومنا كلما قصرنا في حقك وفي عبادتك فنعود إليك نستغفرك ونطلب العفو منك ❤️🇵🇸
كلما تعجلت في صلاتك اهمس لنفسك " ما الحاجة التي ستفوتك وأنت أمام قاضي الحاجات ؟! "