#ثريد_يزيد
السعر غالي!!
لو سمحت قلل اسعاركم
لقيت عند غيركم ارخص
وغيرها من المصطلحات اللي نسمعها فالتجارة الالكترونية والتسويق
وممكن هذا الشي يثير الشك في اصحاب المشاريع
في هذا الثريد راح اتكلم عن الجمهور المستهدف والتسعير
وكيف ان الاثنين مكملين لبعض

فالحقيقة اذا مقرر تبدأ مشروعك لازم تعرف مين جمهورك المستهدف اللي فعلا مستعد يشتري منتجك او خدمتك
ومن الصعب جدا تستهدف كل الناس وكل افراد المجتمع
تحديد الجمهور المستهدف مكون من عوامل كثيرة
وهذي ابرزها
-العمر
-الجنس
-ثقافة الجمهور المستهدف
-مستوى دخل الفرد
وغيرها

وهنا اذا تختار الجمهور المستهدف تحدد طبيعة مشروعك ومين الجمهور اللي فعلا مستعد يدفع على المنتجات او الخدمات حقتك
خلونا ناخذ مثال حي على السيارات
مرسيدس:
الجمهور المستهدف:
-مستوى الدخل عالي
-موظفين
-كل الجنسين
-سلوكيات يحبون يقتنون الاشياء الفخمة
-عامل السعر غير مهم احيان

تايوتا:
-الطبقة المتوسطة واقل من المتوسطة
-طلاب وموظفين رواتبهم قليلة
-كل الجنسين
-عامل السعر مهم احيان
هذي مجرد امثلة وغيرها الكثير الموضوع اعمق من كذا بكثير
الخلاصة اعرف مين جمهورك المستهدف ووفر بناء على احتياجه
وتذكر مب كل الناس جمهورك
ومب كل الناس يهمها السعر

مثال لو انت تبيع مرسيدس واتستهدفت جمهور نفس سلوكيات تايوتا
راح يشوفون سعر سيارتك غالي ومب مستعدين يدفعون
ولو انت تبيع مرسيدس واستهدفت جمهور تايوتا ما راح يشترون
لان يهمهم الفخامة والجودة
فالبتالي وصولك للجمهور المثالي الخاص بمشروعك راح يشوفون السعر مقابل القيمة جدا كويس