رتبها

مساء الخير.....
واللي مش متابع آخبار الكوكب...
واللي مش متابعة آخبار الكوكب...
خليني أقولكوا....
ومطولش عليكوا وقولولي طول.....
♦️ألمانيا....
تعالوا بقا أما احكيلكوا قصة المانيا...
الست الطاهرة أنجلينا ميركل مستشارة ألمانيا ومعشوقة الشعب الألماني حرفيا جت سنة ٢٠١٨ وقالت..

مش هترشح تاني وشكرا خلاص إتعشت كدا وكفاية عليا ١٦ سنة حكم ...
وحصل إنتخابات وفاز اولاف شولتس وزير المالية ف الحكومة الألمانية بالمنصب بس مفزش اوي و الحزب بتاعه ما أخدش اغلبية علشان كدا مينفعش يشكل حكومة لوحدة ودخل ف تشكيل الحكومة الألمانية حزب الخضر اللي هو ولمؤاخذة آرش ملحة مصر.

وعلشان كدا آنجلينا ميركل قبل ما تسلم الحكم ف آلمانيا اول الشهر ده وقعت ل مصر على أكبر صفقة عسكرية ف تاريخ ألمانيا لمصر لدرجة ان صحف العالم كلها إتكلمت عليها والصفقة فيها جزء كبير سري للغاية بس المعلن عنه كام فرقاطة على كام حاجة كدا...

بس أهم حاجة اخدتها مصر من ألمانيا فتاريخها العسكري ....اللي هو إيه بقااا....
ممممم هتلاقوها تحت فكوكب تحيا مصر
وباااس يا سيدي وماسيدك إلا انا...
ومن ساعة ما شولتس ما إستلم ف الحكومة الجديدة وقبل ما حتى يستلم وهو لا على نار ولا على بارد هو وحزب الخضر وآرشين ملحة مصر ...

ومش مصر بس دا حزب الخضر ده معترض تماما على خط السيل الشمالي إتنين بتاع الغاز اللي روسيا عايزة تعمله ويعدي من ألمانيا ووقف العمل فيه وب كدا سبب برضوا مشاكل بين روسيا وألمانيا..
وباااس يا سيدي ....

وقال إيه الخارجية الألمانية قلبها كان مقبوض حبتين قبل يومين من الحكم ف القضية ١٣٥ الخاصة بالناشط عيلاء عبدالفتاح والمحامي بتاعة الباقر وناشط تاني أسم الشهرة اوكسجين وحقوق الإنسان ف مصر وكلام الهجص ده..
طبعا كانوا فاكرين ان مصر هتتهت ببيان الخارجية الألمانية....

راحت الخارجية المصرية ردت عليهم وقالتلهم أبوكوا على أبو اللي جابكوا إحنا بنرفض البيان ده وبنرفض التدخل الألماني ف الشأن المصري و ف آخر البيان قالتلهم والنبي تخليكوا ف وكستكوا وإهتموا بس بالشعب بتاعكوا اللي الكورونا ممبهدله.
آه والله قالتلهم إهتموا إنتوا بس بالشأن الداخلي بتاعكوا.

الدنيا تسكت على كدا.. أبدا
راحت المحكمة تاني يوم طساهم حكم كل واحد فيهم ييجي خمس سنين والقاضي قالهم يبقوا خلوا ألمانيا تنفعكوا.
حقيقي أنا مبسوط إن فوسط مشاغل ألمانيا دي كلها وإنشغلها ب مشاكل الإتحاد الأوروبي و مشاكل الكورونا عندها وروسيا و أوكرانيا.
إفتكرت حقوق الإنسان ف مصر..

بس لو أخدت بالك وركزت ف الأحداث العالمية .... هتلاقي مصر ديما سابقة بخطوات وعارفة اللي هيحصل من وخلصت مع ميركل قبل ماييجي حزب الخضر ودا اللي فقع ...... مممم مرارتهم

وع الناحية التانية من الكوكب....
♦️ليبيا.....
رئيس المفوضية الليبية للإنتخابات إمبارح صحي الصبح كدا وعلى ريق النوم وقام امر بحل كل لجان الإنتخابات قبل الإنتخابات بشهر
مش كدا وبس دا كمان في تحركات عسكرية ف طرابلس وإنتشار للميليشيات المسلحة ف كل طرابلس..
مش كدا وبس...

دا الجيش الليبي الموالي لحفتر طلع بيان وقال لو شوفت اي خيال بيتحرك ف الجنوب او الشرق هضرب ف المليان على طول...
مش كدا وبس...
دا رئيس المجلس الرئاسي الليبي محمد المنفي ف مصر لإطلاع السيسي على آخر التطورات ف ليبيا وإجتمع مع السيسي وعباس كامل وسامح شكري ...

شوفوا ... هتفضلوا تلفوا وتدورو وتعملوا حوارات وف الآخر برضوا اللي مصر رسماه هيحصل ف ليبيا....
وع الناحية التانية من الكوكب.....
♦️إيران....
فشلت مباحاثات ڤينا.....
وهتفشل وحتفضل تفشل والله... ما هي هي نفس المعطيات ف أكيد هتدينا نفس النتايج..

وإيران والغرب عاملين زي الكلب اللي عايز يعض ديله وبيلفوا حوالين بعض....
بس الجديد بقا ان إنجلترا طلعت وقالت ان إيران بتضيع وقت وخلال ٣ شهور هتحصل على قنبلة نووية لو موقعتش إتفاق نووي خلال الأيام دي.... ماشي يا عم وتشكر يا ذوق وكسبنا صلاة النبي

إيران بقا....
عاملة مناورات ضخمة جدا لكل أسلحة وأفرع الجيش الإيراني لدرجة إن حصل إنفجارات ضخمة جمب مفاعل بوشهر وقالت إيران متخافوش دي صواريخ الدفاع الجوي وإيران كدا شكلها مش هتوقع إتفاق ولا نيلة وبتجهز نفسها لحرب ..

وع الناحية التانية من الكوكب...
♦️روسيا.....
برنس الكوكب.... شبح المنطقة بوتين...
طلع وقال ....
والله والله والله تلات أيمانات بالله ما عايزين نحارب أوكرانيا وانا مش بحلف كدب علشان مش عايز اصوم تلات ايام...
إنما لينا طلبات مشروعة وعايزين ضمانات وتعهدات إن...

اوكرانيا متنضمش لحلف الناتو ولا تنضم للإتحاد الأوروبي علشان ملاقيش النيتو على حدود روسيا ولو دا حصل هصوم تلات أيام كفارة اليمين وهجتاح اوكرانيا وهديكوا ب اوسخ جزمة ...
و ورحمة امي اللي عمري ما حلفت بيها كدب لتصحى أوكرانيا على وجود ١٠٠ الف عسكري روسي ف قلب العاصمة الاوكرانية...

دا مش كدا وبس دا بدأ يقلل تدفق الغاز فخطوط الغاز المغذية لأوروبا فعز إنخفاض درجات الحرارة ف دول أوروبا ودا معناه بداية إعلان الحرب لو ما وافقتوش على شروطي
وع الناحية التانية من الكوكب.....
♦️إسرائيل...
رئيس الأمن القومي الامريكي ف إسرائيل ....
وضرب مفاعلات إيران بات قريبا جدا..

وع الناحية التانية من الكوكب.....
♦️إنجلترا....
رئيس وزراء إنجلترا بيحذر الشعب الإنجليزي من الكورونا وبيقولهم احتمال لو فضلنا بالشكل ده لحد اعياد الميلاد والعدد وصل ١٠٠ الف لحد دلوقتي هنقفل ونعمل إغلاق تام...

راح رادد عليه كل الشعب الإنجليزي وقالوله والنبي تتوكس إحنا عايزين نكون زي مصر شوف مصر عملت إيه وإعمل زيها.....
آه والله قالوله كدا نتمنى ان نكون مثل مصر....

وع الناحية التانية من الكوكب ....
♦️السودان.....
الحمدوك طلع وقال انا عيل وبيهدد بالإنسحاب من الحكومة وبيلوي دراع الجيش السوداني وليلة كبيرة هناك...

وع الناحية التانية من الكوكب..... كوكب تحيا مصر🇪🇬🇪🇬
♦️ ميركل قبل ما تسلم الحكم ف اول ديسمبر وقعت بالموافقة على أكبر صفقة عسكرية المانية لمصر...
دا مش وقعت وبس لا دي علشان عارفة ان اللي جاي بعدها مبيحبش مصر ف أخدت كل الموافقات القانونية و الأمنية والبرلمانية والحكومية عليها..

علشان اللي ييجي بعدها ميعرفش يوقفها.... لدرجة ان الخارجية الألمانية إعترضت عليها بس برضوا معرفوش يوقفوا الصفقة
طب الصفقة دي عبارة عن إيه ...!!
المعلن ف الصفقة عبارة عن فرقاطات...
بس أهم وأعظم حاجة مصر قدرت تاخدها من ألمانيا هو نظام الدفاع الجوي الألماني متوسط المدى وطويل المدى😍

ودا حاجة مرعبة
مصر كانت عايزة تاخد S400 من روسيا بس كانت هتعادي اوروبا وامريكا بسببه ف اخدت بدالة من ألمانيا الأقوى من S400 وهو نظام صواريخ دفاع جوي متوسط وطويل المدى بالمناسبة يعني محدش بيستخدم النظام ده فالعالم غير ألمانيا وإيطاليا علشان فيه أجزاء متصنعه منه ف إيطاليا ....

وألمانيا مبتفرطش فيه بالساهل كدا ومبتصدرهوش لحد ف العالم.
بس ميركل قالت للسيسي والنبي ما اعزه عنك ياسي عبدالفتاح..
بالمناسبة برضوا.
من اقوى وأعقد أنظمة الدفاع الجوي ف العالم هو نظام الدفاع الجوي المصري ودا بشهادة فورين بوليسي وإسرائيل نفسها واللي ف الجيش عارفين الحزام الإسود..

مفيش ناموسة بتعدي منه غير لما بتترصد وبتكون فمرمى الصواريخ.....
ممممم حتى إسألوا الإنجليز عن درة التاج الملكي الشبح F35 حصلها إيه ومحدش عارف هي فين ولا إيه اللي حصلها ووقعها....ممممم يلا خدت الشر وراحت وفدت ضفر الملكة وابنها !!!

كمان ف كوكب تحيا مصر ...
المنطقة الصناعية اللوجستية لقناة السويس وقعت عقود لإنشاء مصانع بولي إيثيلين ب ٢.٦ مليار دولار...
خد بالك ان مصر مبقتش تعرف المليون بقت كله بالمليارات 🔥🔥

كمان فكوكب تحيا مصر......
إيراد قناة السويس السنادي ٦ مليار دولار ودا أعظم رقم حققته فتاريخها ....
ايه دا أنا طولت أوووي
تقعدوا بالعافية بقا 🤍
» لايجب على دولة بحجم مصر أن تقلق «
"عبدالفتاح السيسي "
والسلام عليكم ورحمة الله وبركاتة
تحيا مصر🇪🇬
تحيا مصر🇪🇬
كونت دي مونت كريستو

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة