رتبها

🔴اذا كنت مهتم بالتداول ضروري تعرف من هم i Genius
من تجربة شخصيه قررت اتكلم وما أكتم الشيء اللي عندي حرصًا على الفئه اللي جالسين يستهدفونهم.

أولًا هم عبارة عن جامعة او منصة تستهدف الطلاب او الفئة العمريه الصغيره،ينص تعليمهم او نظامهم على ٣ باقات اشتراك كل باقه مبلغ وقدره ،اسعار هذه الباقات ارباح لهم فقط بحجه"التعليم"
تسجل معاهم يعلمونك "من الصفر وتصير فاهم التداول من و إلى في اسبوعين فقط"

أنت و انا وكل شخص في التداول او فاهم ولو بشكل بسيط فيه يعرف ومدرك تمامًا ان التداول بحر ولا يُمكن تصير مُلم بكل التفاصيل في اسبوعين،ف يبدأون يدخلونك ميتينق زوم مع شخص عمره جدًا صغير ويبدأ يقص عليك قصه نجاحه اللي بدأت مع ايجينيس

و اللي ترك وضيفته عشان هالمنصه و أنها هي المستقبل و اللي ترك الجامعه لمده عشان يركز بالتعليم،كل هذا تسويق من غير مقاطع التيك توك المنتشره و اللي بتكلم فيها بشكل مفصل بعد شوي

نرجع لسياستهم، بعد ما تشترك بأي باقه كانت محد يذكر لك أنه يوجد اشتراك او تجديد شهري، طبعًا لو رحت سألت احد منهم الأن هذا السؤال بيقولك لا مافيه تجديد شهري، بس هو ما راح يكمل اجابته ويقولك
"مافيه تجديد الا في حال سوقت ودخلت ناس من خلالك هنا كأنه يسقط عنك حق التجديد"
لأن يبي يضمنك

وهذا تفسير جدًا واضح للتسويق و الأنتشار الفضيع لأسمهم في أخر فتره وخاصه في التيك توك، على فكره انا كنت بهذا الموقف و فتحت تيك توك وبدأت اسوق لكن من اول مقطع قررت انسحب حتى لو انا خسرانة فلوس المهم ما ادخل احد بذمتي و اورطة بأي شكل كان.

اي احد منهم راح يشوف هالكلام راح يرسلك صوره ترخيص و اللي كلنا ندري انها كذب،عمومًا انا مو حابة اكثر كلام و ادخل بكل التفاصيل لكن راح انزل لكم بعض الأشياء اللي ان شاء الله تكون مقنعه كفايه

ارجو القراءة،تقدرون تبحثون عن هذا الكلام بقوقل راح يظهر لكم لو حابين تقرأونه كله

هذي إحداهم منزله مقطع ل @A_sh_01

المضحك بالموضوع انه هو نفسه طلع لي مقطعه بعدها بشوي وهو يحذر منهم
شوفوا

اتمنى اني قدرت افيدكم و أتمنى محد يطيح في فخهم المنصوب بكل ذكاء اتمنى ما تسمعون للهبد و خرابيط اي واحد يسمي نفسه كوتش وراح نبني مستقبلك وكل هذا الكلام الفارغ راح احط لكم حسابات ناس واعيه
و "تخاف الله أولًا "وما تبي من الناس شيء بدال هذا الكذب و النصب

@boom873
@A_sh_01

عندكم هذي القناه يوتيوب Q8Three
و ايضًا

فعلًا اصلًا اول ما تشتركون يدخلونكم ميتينق خاص عن كيف تروج لهذا الشيء ويغرونك بفكره انك راح تربح لو روجت وسوقت مع ان كلنا ندري ان المشترك ضحيه و ان الرابح الوحيد هم

ايضًا، وفعلًا ركزوا على نقطه محد يقولك انك تقدر تنسحب خلال عشره ايام الا اذا رحت سألته انت بنفسك