إمرأة متزوجة من رجل بخيل ، بيوم جاهم ضيوف وراعي البيت بالمراعي يسرح مع الحلال ، الضيوف كانوا حول عشرة او ١٣ رجال ، هلت ورحبت راعية البيت بالضيوف وقلطتهم المجلس وقامت وجابت جدي كان قريب من البيت وذبحته وسلخته واشعلت النار ونادت للضيوف دونكم ذبيحتكم اشوو وتغدو ،
⤵️

وتراها مو من قدركم وقامت على الدلال بتجهز القهوة للضيوف والضيوف يشوون وياكلون من لحم الذبيحة مع جيت المعزب ، انصدم من الموقف شلون تذبح ذبيحه ( بخيل ) ، شولكم بطول السالفة كضم المعزب غيضة ورحب وهلا بالضيوف، ونامو ليلتهم والصبح سرو من فجة الضو ،
⤵️

المعزب بعد خروج الضيوف قام على راعية البيت وضرب من جنب وطرف ويصيح ١٣ رجال تذبحيلهم ذبيحه إثر في اثنين من الضيوف متلحفين وبعدهم ما طلعو صحو على صوت صياح الرجال وضربه للحرمة، صاحو عليه يارجال الله يهداك لا تضرب الحرمه والله انها راعية واجب قدامة خير اخت رجال ...
⤵️

هان الحرامه صاحت وتقول لا خله يضرب انا استاهل اضرب ، الضيوف تفاجئو من ردة فعل الحرمه وقالولها شلون مخطيه وانتي قمتي بالواجب قالت : رجلي يقصد انه شلون اذبح بس ذبيحه وحدة ل ١٣ رجال لازم ذبحت ثنتين و ثلالثة ... صاح الضيوف بيض الله وجيهكم ، أكرمكم الله الين ما قصرتوا.
⤵️

الحرمه مها كان زوجها لابد إنها تستر ما تشوف منه ، ولا تحط من قدره.
#اركي_ربابتك