موضوع الكادر التعليمي والتعليم ياليت تفصل فيه وش السلبي فيه بالضبط ؟ — ورقة و قلم واكتبي معايا يا ست الكل بسم الله ثريد : curiouscat.qa
أول شيء تستفتح مشوارك بالتخصص مع ٢١١ الي محتكرها دكتور واحد، أغرب دكتور ممكن تدرس عنده و من شدة صعوبة اختباراته يخليها اوبن بوك و مستحيل تستفيد ولا ١٪ من السلايدز و النوتس الي انت جايبها معك، ما فيه اي شخص باخر ٣ دفعات جاب عنده A+ و غير كذا يسقّط رغم ان المادة ذي تفتح لك التخصص
طبعًا باستثناء مواد الاعداد العام الي ما تستفيد منها ولا ١٪ تاخذ مواد زيادة ساعات فقط و هي ريض١٠٦ (تكامل) فيز١٠٣ (حركية) و فيز ١٠٤ (كهربائية)، اشياء تافهه وما منها أي فائدة نهائيًا، و ٩٩٪ تخسف بمعدلك و تصفقه بالارض لانها مواد غثيثة بالذات ١٠٦
من أكبر عدد الساعات "حرة" في الجامعة بواقع ١٩ ساعة (باستثناء مادتين سلم موضوعه ضمن الخطة الاساسية كمادة تخصص) ولا المجموع الاصلي ٢٣، المواد الحرة تختار ٣ مواد من اصل ٨ في كلية العلوم و كلها مواد صعبه، أحياء دقيقة و كيمياء حيوية و تفاضل و تكامل و فيزياء رياضية و غيرها
و تختار ٣ مواد من اصل ١٦ من الكلية، و اخيرًا تختار مادتين سلم من اصل ٩ مواد، هذي اكبر السلبيات في خطة الطالب و طريقة العمل فيها الحين نجي للنقطة الأهم الي هي العملية التعليمية و كيف هي من أسوأ التخصصات
التخصص بنسبة ٧٠٪ معتمد على كيف تقنع الدكتور بأن حلك صح، ما فيه كلمة والله قريتها بالسلايدز بتجيني نفس ما هي، مستحيله الا في حال الدكتور كان ما يبي يخلي الطلاب يحملون و يعطيهم ٥ درجات وسخ لصق من السلايدز، التخصص معتمد بشكل كبير على الآراء و طريقة فهم الدكتور للمواضع الدراسية
فرضًا انا و خويي مسلمين اسايمنت ٤ صفحات وريته حلي و وراني حله قبل التسليم، مره مره مره متشابهين لكن بسبب انه نسى كلمتين اخذ ٦.٢٥/٧.٥ وانا اخذت ٦.٧٥/٧.٥، و مره في اختبار مادة تخصص و انا حلي كان زباله والله طالع وانا اقول بجيب ١٣ هالحدود
ولكن بنهاية الاختبار قلت خلني احاول اقنع الدكتور باجاباتي قدر المستطاع و الحمدلله جبت ١٨/٢٥ هل سكت ؟ لا طبعًا رحت للدكتور بمكتبة و قعدنا انا وياه ربع ساعة قعدت اقنعه باشياء باجابتي و اقتنع و عطاني ٢٠/٢٥، حرفيًا التخصص الي انا فيه علته الاساسية انه معظم مواده ىا فيها اجابة صح
ما فيه شيء صح ولا فيه شيء غلط لكن الدكتور دايم يبي الأصح و الأمثل، و هو هذا الشيء الصعب فيه و الي صعب انك تجيبه، الدكتور ما راح يشرح لك شيء، بيقرأ من السلايدز و يعطيك مثال عليه بأرض الواقع و على كلامه انت تكتب الي فهمته بالاختبار
٩٩٪ من مهنة مهندس البرمجيات تعتمد على الفهم من متطلبات العميل للبرنامج الي هو يبيه، اذا انت شخص تعتبر نفسك تقدر تفهم وش يبي العميل من السلبيات الي بنظامه الحالي و المتطلبات الي يبيها و هو يقولها لك بصيغة سالفة انت هنا راح تكون شخص ممتاز بالتخصص هذا و راح تنحح فيه ان شاء الله
وما اقولها مزح او مبالغة، جديًا الموضوع كله قصص، هذا اسايمنت اخذناه الترم هذا، حله في مليون ورقه، هل راح تكون مبرمج ؟ ممكن لكن تركيز التخصص مب على البرمجة نهائيًا، هندسة البرمجيات هي المهنة الفاصلة بين نجاح المشروع و فشلة (بإدارته) لذلك لازم تعرف التخصص وش هو بالضبط قبل لا تدخله
والأهم من هذا كله، يرحم والديكم أرجوكم رجاء، لكل الطلاب المقبلين على مرحلة اختيار التخصص، لا تختار تخصصك بناء على نسبة القبول فيه، نسبة قبول عالية ما تعني أنه تخصص ممتاز و أنه بيكون هو الأفضل لك، رح للتوجه الي انت تبيه و التخصص الي انت تميل له
كمية الطلاب الي اشوفهم معي يعانون بسبب انهم اختاروا تخصصهم بناء على النسبة كبيرة مرة، تشوفه كل ترم يحذف لك مادة ولا يحذف الترم كامل، الموضوع ماهو بسيط ابدًا، لازم تعرف توجهك و شغفك وين عشان تقدر تختار التخصص الي يناسبك، والله يوفقنا وياكم
جاري تحميل الاقتراحات...