صباح الخير ، بعض الأخبارة السعيدة إن ولأول مرة في العالم حصل شفاء كامل لمريض سكر type 1 ب استخدام الخلايا الجزعية ، بريان شيلتون هيذكر اسمه في التاريخ انه أول حالة تُشفي من المرض اللعين ده وهيعيش إنسان طبيعي تماما ، وبيدي أمل ل ملايين الناس في العلاج من السكر ❤❤❤❤❤❤
ده حدث ضخم بنفس ضخامة اكتشاف الإنسولين ، واللي ما قبل الإنسولين كان في غرف مخصصة في المستشفيات للناس اللي في غيبوبة سكر عشان يلفظوا أنفاسهم الأخيرة الأخيرة فيها ، تخيل ناس كتير هترجع تعيش حياتها طبيعي ، وأصحاب أمراض كتير هيكون عندهم أمل انهم في يوم هيتعالجوا ..
السكر نفسه هو مرض تقدر تتعايش معاه بشكل ما ، لحد ما يبدأ يظهر مضاعفات ، كل شىء في الجسم بيتأثر بداية من النظر لحد الكلي ، و والله أكثر مرضي كانوا بيصعبوا علي الواحد هما حالات القدم السكري ، بيعيشوا حياتهم بيقطعوا من جسمهم قطعة بقطعة ، ف تخيل هنقدر نجنب ناس كتير كل الألم ده .
أعرف أطفال وشباب كتير مرضي سكر ، والله كان في ناس بتبكي لمجرد إنه نفسه يشرب حاجة مسكرة أو يعيش زي أي حد في عمره ، أطفال بتبكي لأمهاتم انه ليه مش طبيعي وانه مش عايز ياكل الأكل ده أو يشرب كل حاجة سادة ، مرضي السكر هما أكثر ناس موجودين في المستشفيات حالياً ، ف اللي حصل ده شىء كبير .
الفكرة الأكبر ، ان ده مرض مستعصي وتم الوصول لعلاج ، وان العلم تقدم بشكل كبير وبيدي أمل لكل أصحاب الأمراض المستعصية ان هيجي يوم وهيكون في علاج ، ربنا سبحانه وتعالي خلق الداء ومع الدواء احنا بس لسه موصلناش ليه ، شكرا للدول اللي مهتمه بالعلم والبحث العلمي وبتقدمه علي أي حاجة تانية .
الخبر من نيويورك تايمز ، وده الحج برايان هيرجع شباب وزي الفل أهو ، العالم بيتكلم عن عن المعجزة دي ، من الصحف الاوروبية كلها والأمريكية وهما نفسهم مش مصدقين لسه .
ايه فكرة العلاج ؟ البنكرياس هو المسئول عن إفراز الأنسولين عشان يقدر يتعامل مع السكر الكتير اللي في دمك ، الفكرة في type 1 ان البنكرياس بيفرز كمية قليلة أو مفيش خالص ، ف بتضطر تاخد انسولين بشكل منظم ولازم تحافظ وتنظم ومتعداش الحدود ، بس طبعا مش الكل بينظم ..
يتبع ١..
يتبع ١..
العلاج عبارة عن خلايا جزعية هتتزرع جوا البنكرياس تقدر تفرز انسولين بالكمية اللي الجسم محتاجه في الوقت اللي محتاجه ، يعني خلاص الجسم طبيعي وبينظم نفسه بنفسه ، يعني تقدر تقول ده بنكرياس جديد في جسم المريض ، الكلام ده كان خيال من ١٠ سنين واتحقق خلاص ..
هنتكلم عن الموضوع بشكل أكبر في Twitter space ، هيكون زي ندوة عن السكر عموما ، مهم تحضر لو عندك حد من اهلك او في بيتك مريض سكر ..
بقي عندي أمل خلاص يخترعوا حاجة للصلع وقاعد مستنيهم
عارف إحدي مميزات انهم يلاقوا علاج لمرض بالنسبة لطالب طب ، انهم هيلغوا نص الموضوع ك دراسة وهيخففوا المنهج شوية 😂😂
بابا عنده سكر بقاله كام سنة ، وكان دائما بيتكلم عن انه نفسه يلاقوا علاج للمرض ده ، بس دلوقتي بابا مش موجود عشان أقوله انه يمكن يجي يوم ويتعالج ويكون طبيعي .
بمناسبة الثريد ، انا هرجع أكمل فيديوهات علي اليوتيوب والإنستا ، مشروع دحيح صغير كدة علي قدي ، اتمني الاقيكم هناك عشان اول ما ابدأ انزل محسش اني لوحدي ، كان نفسي اقول الجملة دي من زمان فعل الجرس 😂😂.
وده الإنستا :
instagram.com
يوتيوب :
youtube.com
وده الإنستا :
instagram.com
يوتيوب :
youtube.com
جاري تحميل الاقتراحات...