_ ماهو قولك فيما هو منسوب إليك من أنك تحرضين على الفسق والفجور والتحريض على الرذيلة
_ فسق إيه وفجور إيه ورذيلةانا عملت ده كله
_ ياهانم انت مقبوض عليكي متلبسة وعريانة تماما بدون اي قطعة ملابس
_ متلبسة بإيه انا كنت في الحمام باستحمى هستحمى بهدومي؟
_ واللي بيستحمى يسيب الشباك مفتوح؟

_ الحمام بتاعنا صغير والسخان غاز وبنخاف نتخنق والشباك عالمنور فنسببه مفتوح يهوي
_ والشاب الغلبان القاصراللي تسببت في كسور مضاعفة له وكدت ان تقضي على حياته ذنبه إيه
_ هوكان متعلق عالمواسير بيعمل ايه
_ لا دي حكاية تانية.. كان راجع متأخر وخايف من أبوه فطالع عالمواسير عشان مايشوفوش

_ واناذنبي إيه
_ ذنبك انه شاب قاصرطالع عالمواسيرفي إمان الله بص لقى واحدة بتغريه قالعةملط قال إيه بتستحمى الجدع فقدتركيزه اتزحلق وقع اتدشدش
_ ياعالم ياهوه واحدة في حمام بيتها بتستحمى واحد بص عليها من عالمواسير في المنور اتزحلق وقع ذنبها إيه
_ ذنبها انها لم تحافظ على قيم المجتمع

_ وهي قيم المجتمع الناس تطلع من على مواسير المنور
_ قيم المجتمع مايجرالهاش حاجة اطلاقا طالما مفيش واحدة قالعة أو واحدة بترقص أو واحدة عاملة جاتوه على شكل أعضاء جنسية أو واحدة بتصور قدام الأهرامات وابو الهول بلبس خليع
قيم المجتمع ماتعرفش الا تاء التأنيث
..
سيناريو وحوار
أبو نديم