سعيد اني قدرت اشوف فيلم "أميرة" أخيرا، واحب اقول رأيي الشخصي في أزمته.
.....
مبدئيا الفيلم ممتاز فنيا، بس انا عارف ان الأزمة مالهاش علاقة بالمستوى الفني، وبالتالي هابدأ الكلام عن الموضوع اللي كل المهتمين بيتجادلوا فيه.. هل الفيلم ده مسئ للقضية الفلسطينية بشكل عام؟ ...١
.....
مبدئيا الفيلم ممتاز فنيا، بس انا عارف ان الأزمة مالهاش علاقة بالمستوى الفني، وبالتالي هابدأ الكلام عن الموضوع اللي كل المهتمين بيتجادلوا فيه.. هل الفيلم ده مسئ للقضية الفلسطينية بشكل عام؟ ...١
ماظنش اي شخص في العالم ممكن يتفرج على "اميرة" ومايتعاطفش مع القضية الفلسطينية. الشعب المقاوم والابطال الأسرى مع ذويهم واحباءهم خارج الأسر، اللي بيحاولوا يحرروا حتة من مستقبلهم، ف حين قوة الاحتلال مصممة تأسر المستقبل زي ما بتأسر الحاضر.
طيب، هل الفيلم بيسيء لفكرة النطف المحررة؟..٢
طيب، هل الفيلم بيسيء لفكرة النطف المحررة؟..٢
تاريخيا، فكرة النطف المحررة بدأت من ١٠ سنين، بينما "أميرة" بيحط فرضية ماذا لو كانت بدأت قبل كده بشوية، قبل ما تقنيات التأكد من النسب تكون متاحة،وهي فرضية درامية تخدم المعنى الكبير والمؤثر اللي اتكلمت عنه فوق، وف نفس الوقت كان حريص داخل الأحداث على تأكيد استحالة حدوث الخطأ الآن..٣
ايضا، "أميرة" بينتصر عبر مأساة ابطاله لانسانية الشعب الفلسطيني، ولعدالة قضيته، اللي دفعت البطلة للتشبث بهويتها النفسية على حساب هويتها البيولوجية، ودفعت الأسير البطل للتسامي فوق الخديعة الاسرائيلية القاتلة وتمسكه بالأبوة النفسية لبنته... ٤
طبعا انا مش فلسطيني، وعمري ماقدر اتماهى تماما مع مشاعر اخواتنا ف الضفة، فضلا عن التماهي مع أسر الأسرى اللي مروا بتجربة النطف المحررة، وبالتالي قد أكون مخطئ في تقديري، لكن من بره، ولو بنتكلم عن تأثير "أميرة" في رؤيتنا لقضيتهم، فبالتأكيد هو يضفي عليهم كل الاجلال والتقدير... ٥
نرجع للجانب الفني لو حد مهتم بيه:سيناريو "أميرة" قوي جدا،النص الأول يكاد يكون من أروع السيناريوهات اللي شوفتها،والنص التاني اقل شوية بسبب صعوبة رسم الشخصية المحورية اللي طبيعي انها تستعصي على اي سيناريست لأنها شخصية مالهاش ريفرنس ف الحياة، عدا كده،فيه عظمة ف رسم باقي الشخصيات..٦
شخصيات الأب الأسير "علي سليمان" والأم العذراء "صبا مبارك" من أجمل الشخصيات اللي ممكن سيناريست يكتبها، وأداء الاتنين الممثلين مدهش من فرط جماله واتقانه.. تصوير رائع، مليان كادرات غاية ف الصعوبة والتفرد عمرك ماتنساها، وشريط صوت عظيم بدون جملة موسيقية واحدة.. ٧
فيلم "أميرة" نموذج للتراجيديا السينمائية القادرة على تفادي فخ المليودراما، وبيثبت مجددا انه محمد دياب مخرج حساس ومتمكن و"عفي"، عنده قدرة يدخل ف تحديات فنية مركبة ويحقق فيها احسن نتايج.. خسارة كبيرة ف رأيي انه الفيلم ده مايتشافش على أوسع نطاق ممكن لأنه بيقدم كتير للفن، وللقضية.
اخيرا، تاني: قراءتي للفيلم باعتباره لا يعكس الا كل تقدير ومحبة ودعم لعائلات الأسرى الفلسطينيين، هي قراءة شخص مش فلسطيني،وادعي انها هاتكون قراءة اي مشاهد في العالم،لكن يشرفني جدا لو حد من اخواتنا الفلسطينيين ينورني بما يراه مسيئا لهم ضمن أحداث وتفاصيل الفيلم.
جاري تحميل الاقتراحات...