١/٥ أقيم حفل الوداع، وأنجيلا ميركل حتسلم منصبها الإثنين، وتعتزل الحياة السياسية. لما تربوا بناتكن، ما تحكولن عن سندريلا لي لبست فستان ونطرت أمير يلمها. حكولن عن انجيلا لي استلمت المانيا بلد كان لقبه رجل أوروبا المريض، وسلمتها اليوم دولة متربعة عرأس أوروبا، وبدون طلقة رصاص واحدة.
٢/٥ ميركل، دكتورة كيمياء الكم، لي صنفتها فوربس اقوى إمرأة في العالم ١٠ سنوات، استلمت بال٢٠٠٥ بلد فيه عجز ب٩٧ مليار، مع ٥ مليون عاطل عن العمل. بحلول ٢٠٠٧ العجز نزل ل٧ مليار، ومن بعدا تحول لفائض سنوي يفوق ال١٠٠ مليار. الناتج المحلي زاد بأكتر من التلت والبطالة انخفضت بمعدل التلتين.
٣/٥ بأول خطوة الها خفضت الضرائب على الشركات الى نصف ما كانت عليه. ولما نقول شركات ما منعني حيتان، بل ٣ مليون شركة عائلية صغيرة بسموها شركات Mittelstand بتضم ٦١% من القوى العاملة وبتساهم بنصف الناتج المحلي. وهيدا شجع هالشركات تكبر وتستثمر وكان السبب الرئيسي بالنهضة.
٤/٥ مع ازمة ٢٠٠٨ العالمية، اودعت ميركل ٥٠٠ مليار بالبنوك الألمانية وفرضت لأول مرة نظام الKurzarbeit لي بخلي العمال يشتغلوا نص دوام ومعاش، بدل الرفد، والدولة بتعوض الباقي، وهالنظام اعتمدته كتير دول بكورونا. وضلت الدولة الوحيدة بين الG7 لي ما شهدت زيادة بطالة لا ب٢٠٠٨ ولا بكورونا.
٥/٥ بعهد ميركل ارتفعت نسبة الطاقة النظيفة من ١٠% ل٤٠%، وفرضت ١٤ شهر إجازة أمومة للأم أو الأب، وألغت التجنيد الإجباري. بعهدا في دول غطست باليورو، وقدرت تنتشلن وتحافظ عالعملة.
طبعاً بالسياسة ما حدا ملاك، أو كفه ناصع البياض، ولكن شتان ما بين إمراة دولة كميركل وزمرة المهرجين لي عنا.
طبعاً بالسياسة ما حدا ملاك، أو كفه ناصع البياض، ولكن شتان ما بين إمراة دولة كميركل وزمرة المهرجين لي عنا.
جاري تحميل الاقتراحات...