الفرق بين الصورتين ٤ شهور و ٣٠ كيلو
من اكتر الانجازات اللي فخور بيها في حياتي
من اكتر الانجازات اللي فخور بيها في حياتي
في الوقت ده في حياتي كنت جبت قاع، كنت خارج من علاقة ٧ سنين استثمرت روحي فيها بمعنى الكلمة. مكانش في اي شئ بيعالج الالم اللي كنت حاسس بيه، و اتشخصت باكتئاب. ماكنتش عارف استقبل حب ولا قادر أشوف اي حاجه حلوه في الحياة، ولا حب الناس إللي حوليا، ولا انجازات في الشغل
ولا كان في جوايا اي ايمان ان حتى في المستقبل ممكن ارجع طبيعي تاني. كنت محتاج شئ ملموس يقولي ان في امل حقيقي مش اي كلام أحاول اقنع نفسي بيه و خلاص.
كنت محتاج احس اني قدام نفسي على الاقل بعمل اللي عليا، مش سايبني انهار و بتفرج. اني اخسر وزن كان بالنسبالي علاج. كرست وقت و اللي كان فاضل فيا من طاقة اني اعمل ده بشكل يومي.
مكانش معايا نطام غذائي امشي عليه بس غيرت نظام اكلي بشكل عنيف، منعت السكر و الكارب تماما، بس سبت الفول و الحمص، منعت اي اكل محمر او فيه زيت كتير، و كان اليوم الفري باكل بس اكل مشوي بس بكميات اكبر.
مكانش ليا اي علاقك بالرياضة بقالي ييجي ٨ سنين، ابتديت اجري و body weight training في البيت. الجري كان هو آكتر حاجه بتحسسني اني عايش، كل يوم قادر أعمل رقم جديد لحد لما قدرت اجري اول نص ماراثون بعد ٣ شهور.
لما التغيير الكبير ده حصل و الناس ابتدت تشوفه، حسيت بالانحاز شويه. ده معالجش الالم ولا الإكتئاب، بس اداني ايمان ان في امل و ان في حياه بعد ما تفقد حد مهم في حياتك.
طريقتي في فقدان الوزن مش هقدر انصح بيها حد و الاحسن انك تكون ماشي مع متخصص. بس كل إللي عايز اقوله لحد واقف في نفس المكان، ان في امل جواك انت مش في اي حته تاني. مفيش حاجه هتحصل براك هتعمل فرق، لو في تغيير او شفاء، فهو لازم يحصل من جواك، ساعاتها ختقدر تستقبل مساعده و حب من بره.
حاسس اني exposed سيكا، بس حقيقي نفسي اقول من كل قلبي لكل واحد ان
There's life on the other side
There's life on the other side
جاري تحميل الاقتراحات...