قاليك دكتورة سمحه عرست ليها تاجر خريج ثانوي لكن عشان عندو قروش كثيرة وافقت طوالي بعد 3سنين زهجت من الوضع ومن الدلع والنغنغه وعملت ليها مشاكل كثيرة مع زوجها وللاسف بقت تنقل صورة سيئة عن زوجها لاهلها وحتى جيرانها وصحباتها وعندها اعز صديقه كان بتشكي ليها طوالي وكان تشيل وتحرض فيها
وهي تشيل وتتحمق وتقل ادبها على راجلها ونشرت غسيله لدرجه انو اهلها كرهو لحدي مااتقفل الافق بينهم وفاتت بيت اهلها وماخلت زول مااشتكت ليه حتى طوب الارض المهم اعز صديقاتها لقت الراجل براهو بقت ترسل ليه الغداء في عامود والعشاء وحتى اللقيمات باللبن من صباح الرحمن الراجل اعجب
بصحبة زوجته واتفقو على الزواج والدكتورة ظلت في حالة تصعيد وقالت مستحيل ارجع للراجل ده كان تنطبق السماء على الارض المهم فجأه في يوم من الايام وهي قاعده في صمة خشمها منتظرة راجلها يرجعها تلقى ليك الدعوة حقت زواج راجلها واعز صديقاتها في صالة القصر الملكي صدمت و دقت جرس وجن جنانها و
وحاولت ترجع لراجلها بكل الطرق وفشلت وقدر مانبزت صحبتا لزوجها برضو مافي فايده في الاخير بعد كم شهر رجعا راجلها بعد رضخت واعتذرت لكن بقت رقم 2في حياته بدال كانت رغم واحد في حياته و في استغراب شديد من أهلها بتصرفا الغريب ده وانطبق عليها المثل ..
في الصيف ضيعت اللبن..
في الصيف ضيعت اللبن..
جاري تحميل الاقتراحات...