#ثريد الشمس في كل برج في الخريطة الفلكية
#الشمس هي اللي تحدد اقوى صفات شخصيتك تمثل عقلك الواعي قوة إرادتك، غرورك وجهة نظرك لما تتخذ قرارات والدافع لك كشخص
شكل الشمس في الخريطة رمزها هو ☉ ومعناه الجوانب الرئيسيه لشخصيتك.. الحين نتكلم عن شمس كل برج
شمس #الحمل: الحمل شخص يحب التحدي عشان يحقق اهدافه بس يضطر يدخل مواقف كثيره عشان يحققها دايم يكونون صريحين واشخاص مو معقدين ابداً
نقدر نقول شخص نشيط جداً ومايحب يدخل بمواقف تتعبه عاطفياً لفتره طويله
شمس #الثور: اكثر شخص مقاوم للتغيير بأي شكل هو يحب كل شي يمشي زي ماهو مخطط له بدون تغييرات تقدر تعتمد عليه ولما يسوي شي يحب يكون مضبوط
شمس الثور تقول لنا ان الشخص سهل بالنسبه له يطلع فلوس و احسن واحد يمكن ينصح احد كيف يغيرون حياتهم للأحسن
شمس #الجوزاء: فضوله قوي دايم هو في حاجة تحفيز شخص يحب يعبر عن نفسه لكن احيانا يحس انه له شخصيتين تختلف اهتماماته كثير لأنه يحب يشارك هالمعلومات مع الكل
عنده سرعة تكيف مع اي موقف او وضع يعرف كيف يشوف الحياه بشكل ابسط واخف
شمس #السرطان: هو علامة مائيه اساسيه يعني شخص السرطان يعرف كيف يتنقل بين عاطفته و عقله شكله من برا يعطيك شخص جاف بس لما تقرب منه تلقاه شخص عاطفي وحنون
سمعته مهمه جداً مزاجه متقلب و مايحب التغيير الشي اللي يعرفه امن بالنسبه له
شمس #الاسد: اول شي حاكم الشمس هو الاسد يعني هنا عندنا قوه في العاطفه والقياديه يكون كريم وفخور جداً وقوي اوفياء ودايم طموحهم عالي
شخص #الاسد لازم يراقب نفسه لأن ممكن الشمس هنا تأثر على الشخص وتخليه شايف نفسه احياناً
شمس #العذراء: يحب كل شي ملموس و واضح مايحب الكلام بس قوي جداً في التحليل عشان كذا دايم هو قد المسؤوليه بكل شي.. يكون وفي مع الشخص الصح واذا وعد بشي مايخلف فيه ابد
شمس #الميزان: شخص متوازن نلقاه دايم يحب السلام و اجتماعي ويحب الاشياء اللي تشد عقله يحب يعرف اكثر بس ممكن يكون فوضوي وقلق
عشان كذا شخص شمس الميزان لازم توازن في ترددك اللي ممكن يخليك فوضوي ومو فاهم وش تبي بالضبط
شمس #العقرب: شديد كثير ناس يخلطون بين العقرب و الابراج الناريه لانه عنده شغف قوي بس هو علامه مائيه يسحب شغفه وطاقته من العاطفه شخص العقرب دايم تلقاه لما يبي يسوي شي يصير
ما يستسلم بسهوله يحط كل شي يقدر عليه عشان يتحقق اللي يبيه وتركيزه جداً عالي
شمس #القوس: عندهم مشكله بالثقه دايم ثقتهم تكون بالناس الغلط او يثقون بسرعه ويندمون يحب يغامر و يسوي اشياء مجنونه شخص هادي بس نلقاه يعصب بسرعه
اذا كان مضغوط يحب يهرب من الشي اللي مضايقه وياخذ وقته بالتفكير قبل مايقرر
شمس #الجدي: هذا اكثر شخص ممكن نقول عنه واقعي يعرف كيف يسوي الشي ومتى يسويه يعرف كيف يضحك اللي حوله تقدر تعتمد عليه وطموح
احياناً نشوفهم معقدين لانه ممكن يكون بارد و وعاطفي وعملي كلها بنفس الوقت
شمس #الدلو: الاغلب مايبي يمشي بمسار يحس كثير ماخذينه دايم يحب يطلع ويسوي شي جديد لحاله يحب يغامر ماياخذ الشي الامان يحب يطلع عن المعتاد
شخص يحتاج لحريته ومساحته شخص يعرف كيف يندمج في كل مكان تلقى له معارف و وصحبه
شمس #الحوت: تحس احياناً انك في عالمين مختلفين عالمك المثالي و العالم الحقيقي لكن الشمس هنا تخلي الشخص يحقق افكاره اللي بعالمه المثالي لواقع ويحولها لأهداف
#الحوت حساس لكن يقدر يتماشى مع الكل حتى لو الشخصيات تختلف تماماً عن شخصيته.. شخص عاطفي وقد الثقه
جاري تحميل الاقتراحات...