ركزوا فى الوشوش اللي فى الصور دي كويس على قد ما تقدروا.. دول طلبة كلية طب جامعة الزقازيق دفعة خامسة طب قديم 2020.. الشاب اللي في صورة لوحده ده إسمه "أشرف خطاب" من ضمن الدفعة.. الدكاترة دول شغلهم وتدريبهم كلهم بيكون زي باقي دفعات كلية طب فى المستشفي الجامعي الحكومي..
وطبعاً زي ما كلنا عارفين حال المستشفيات الحكومية اللي فيها عدد الناس اللي عايزين يتعالجوا فى الليمون، وده غير قوائم الإنتظار اللي مش بتخلص.. وطبعاً وأكيد وإتكرر كذا مرة إن بسبب قلة عدد السراير والأجهزة فيه ناس كتير بتموت.. "أشرف" قرر مع باقي زمايله فى الدفعة إنهم يجمعوا مع بعض
ا فلوس عشان يشتروا أجهزة ناقصة للمستشفي الجامعي!.. طيب يا عم إنت مالك إنت وهما، هو مش فيه إدارة للمستشفي والجامعة هما اللي المفروض يعملوا ده؟.. قال لك طيب وهو الطبيعي إني لما أشوف واحدة بنت بتتخطف فى الشارع أقف أتفرج عليها وأقول ده دور الشرطة؟..
وهو الطبيعي لما أشوف واحد خابطاه عربية أقول لما تيجي الإسعاف تبقي تسعفه؟.. وهو الطبيعي أقول وأنا مالي وطز فى الناس!.. إحنا بنعمل اللي علينا وبنحاول نعمل ونسد ونزق باللي نقدر عليه.. مش هنسيب الناس تموت يعني.. حلو.. الدفعة اللي بعدهم خامسة طب جديد2021 لما سمعوا بالحوار قالوا هنجمع
إحنا كمان مع بعض.. هوب دفعة رابعة طب 2022 لما عرفوا قالوا إحنا كمان هنجمع معاكم.. هوب دخل معاهم على الخط دفعة تالتة طب 2023.. عظمة.. الـ 4 دفعات جمعوا كام؟.. مليون و٢٠٠ ألف جنيه!.. عملوا بيهم إيه؟..
جابوا في المستشفي جهازين غسيل كلوي.. جابوا جهازين تنفس صناعي.. جهاز منظار للمعدة.. جهزوا ٤ سراير للعناية المركزة بشكل كامل.. الشباب دول لا تابعين لا لجهة ولا تبع حد ولا بيعملوا ده علشان شو.. دول ولاد وبنات بلد جدعان مش منتظرين حاجة من حد غير دعوتين تلاتة وتحفظوا اسماءهم
منقول
منقول
جاري تحميل الاقتراحات...