رتبها

بقالي ساعة بقرأ عن العقيدة الدينية للمصريين القدماء و تحديداً عن النتر/النثر👈(جمعها نترو)، و اتضحلي إن مفهوم المصريين عن الإله يختلف جذرياً عن الصورة السطحية النمطية اللي وصفتهم بالوثنية البدائية.
فعلاً إزاي أصحاب حضارة عظيمة زي دي هيكون تفكيرهم بدائي عن مكّون أساسي لشخصياتهم!

موضوع النتر ده فلسفي إلى حد كبير لكن تلخيصه إنه مش مقصود بيه إله مستقل بذاته، إنما هو إما صفة من صفات الإله الواحد، أو بصورة أقرب تجلي من تجلياته في هيئة كيان يقوم بدور معين، فا لما كانوا يعبدوا إله معين، كان لإنه جزء من الإله الواحد أو هو عبارة عن أحد صفاته 👇

و التماثيل كانت جسر مادي للتواصل الروحي، ده بيفسر العناية الشديدة بدقة النحت و التلوين. و تقديس بعض الحيوانات دخه للصفات اللي تميزوا بيها، لأن الصفات مصدرها الإله، هو مش بيعبد الحيوان و لا التمثال ف حد ذاته، و لسة هقرأ تاني .. المهم إن آمين و رع و حورس و غيرهم نترو للإله الواحد.

يقول الفيلسوف الانجليزى أوين بارفيلد:الأوثان فى الفكر الاسرائيلى مجرد صور خالية من أى محتوى أو طاقة روحية،ميته خالية من الحياة، مثل هذه الصور لم تكن موجوده فى مصر القديمة" لم تكن صور النترو و تماثيلهم مجرد شئ مادى بل كانت مثل مركبة تنتقل عن طريقها القوى الكونية من أبعاد الكون.

ليه تكلم أوين بارفيلد عن الفكر الإسرائيلي؟ لإن أغلب باحثي الآثار و التاريخ زمان غربيين (و غالباً أكثرهم يهود) و بالتالي أسرى للفكر اليهودي في الكتاب المقدس،اللي كان أول من نبذ التماثيل في نصوص كتير، و بالتالي كان تفسيرهم للمعتقد الديني كان منظور انها وثنية لإنهم مفهموش المبدأ

يعني النترو مش آلهة متعددة (مش تعددية إلهية) بل هي أشبه بكيانات منبثقة عن الإله الواحد 👈جزء من كل، و كل نتر له دور، و لذلك كان أوقات بيتم المزج بين أكثر من نتر زي ما حصل مع آمين و رع تحول ل آمين رع 👈فهي فلسفة دينية تختلف عن شكل الدين الحالي، لكن مش عبادة أصنام و لا تعددية

ييجي واحد يسألني طب لما آمين مش الإله الواحد بل صفة من صفاته أو كيان منبثق عنه، طب ليه بيتقاله الخالق الأزلي و سيد الأرضين؟
لإن كل كيان منبثق له دور، هناك من قام بالخلق، هناك من يتولى الرخاء و السلام، هناك من يتولى العدل، و هكذا
و كلهم جميعاً يشكلوا قوة الإله الواحد المحتجب.

و بالتالي تلخيصاً، لما تقرأ عن آلهة مصرية زي حورس و أنوبيس و ماعت و آمين و رع و حتحور و إيزيس (إسِت 👈السِت) و غيرهم كتير، دول مش آلهة متعددة منفصلة، دول نترو من إله واحد عظيم محتجب لا تدركه الأبصار، و النتر هو التجلي الإلهي أو الصفة اللي بتقوم ب الخلق/العدل/الرزق/ .. الخ)

زي ماحنا شايفين رمز النتر في الهيروغليفية هو شكل العَلَم
و تقدر تلاحظها في صور نقوش كتير مصرية.

و دي صورة رع و علامة النتر قريبة من رأسه السهم مشاور عليها

المُحاربة العظيمة سخمت سيدة الشفاء محبوبة بتاح و حامية ماعت و عين رع 👈 على رأسها قُرص الشمس المميز للإله رع و ثعبان الكوبرا نلاحظ علامة النتر في أعلى طرف يمين الصورة.