ثريد
هل استحق بيدري جائزة الجولدن بوي؟
اغلب جماهير كرة القدم بيكونو عاطفين وأغلب احكمهم بتكون سريعة و مبنية على أسباب أغلبها بتكون عاطفية اكتر من كونها منطقية
تقيم لاعب مهاجم بأنة سجل كام وصنع كام فقط، هو غير منصف و عادل بالمرة فما بالك بلاعب خط وسط
هل استحق بيدري جائزة الجولدن بوي؟
اغلب جماهير كرة القدم بيكونو عاطفين وأغلب احكمهم بتكون سريعة و مبنية على أسباب أغلبها بتكون عاطفية اكتر من كونها منطقية
تقيم لاعب مهاجم بأنة سجل كام وصنع كام فقط، هو غير منصف و عادل بالمرة فما بالك بلاعب خط وسط
في الثريد دا هقيم بيدري بطريقتين، الأولي هي من الناحية التكتيكية واللي أغلبها مش بيظهر في الأرقام والإحصائيات، والتانية هي من ناحية الأرقام والإحصائيات اللي بيتم بيها تقيم لاعب خط الوسط في النهاية هنعرف مدي جودة بيدري كلاعب وهو في انهي
مستوي وسط أبرز لاعبي خط الوسط في العالم
مستوي وسط أبرز لاعبي خط الوسط في العالم
بيدري ممتاز في عملية بناء اللعب والخروج بالكورة لأن مشاركتة بتكون مؤثرة جدا لأنها بتدي أفضلية لية ولفريقة حتي لو مستلمش الكرة تحركاتة بتكون ذكية
هنا مثلا بيدري بينزل عشان يشارك في بناء اللعب ويسحب معاه لاعب ودا الي ادي حرية للطهير انو يستلم الكرة ويتقدم بيها
هنا مثلا بيدري بينزل عشان يشارك في بناء اللعب ويسحب معاه لاعب ودا الي ادي حرية للطهير انو يستلم الكرة ويتقدم بيها
في نفس الوقت بيدري بعد ما سحب اللاعب معاه من خلال قدرة على تغير الاتجاه بشكل سريع بيلف وبيتقدم علي لاعب الخصم ودا اللي بيخلية خيار متاح للتمرير بعد الهروب من الراقبة والخروج بالكرة، ولاحظ هنا اننا بتكلم عن لاعب مبدع ومؤثر بشكل كبير مع فريقة ( بدون كرة) وهو لسة في سن ال18
التمركز بين الخطوط برضو هي من مميزات بيدري وقدرتة علي الاستحواذ على الكرة والحفاظ عليها لمدة طويل
هنا مثلا بيدري متمركز كويس جدا بين خط الدفاع وخط الوسط وبيستلم ناحية الشمال
هنا مثلا بيدري متمركز كويس جدا بين خط الدفاع وخط الوسط وبيستلم ناحية الشمال
بعدها بيحتفظ بالكرة لحد ما سحب حولية لاعبي الخصم وفي الوقت المناسب بيقرار يحول اللعب ناحية اليمين
و النتيجة ان سبع لاعيبة من منتخب البرتغال بقو متواجدين علي الناحية الشمال ودا اللي خلق ثغرة ناحية اليمين تقدر من خلالها تهدد مرمي الخصم
مثال تاني علي الاستحواذ على الكرة وتحويل اللعب وبيدري هنا بيحتفظ بالكرة لفترة طويلة عشان يجذب لاعبي الخصم حوالية
في الاخر يلعبها الناحية التانية للاعب القدم من الخلف وهو خالي تماما من الرقابة
بيدري كمان بيمتلك رؤية ممتازة للملعب وعنده قدرة علي تمرير الكرات الطويلة الكسرة لخطوط الدفاع اللي بيقدر من خلالها يكسر كل خطوط دفاع الخصم و وضع المهاجم أمام المرمي
بيدري علي الرغم من ان عنده القدرة علي الاحتفاظ بالكرة لفترة طويل لكن برضو بيلعب من لمسة واحدة وبرتم سريع، بختصار علي الرغم من صغر سنة لكنة مكتسب خبرة و واعي سابق سنة وعارف امتي بيحتفظ بالكرة وامتي يلعب من لمسة واحدة
هنا مثلا بيدري قبل ما يستلم الكرة بيعمل مسح بعينة علي تمركز اللاعيبة وبكل ثقة بدل ما يحتفظ بالكرة ويتقدم قرار انو يلعبها بلمسة واحدة لميسي اللي بيستلمها بين الخطوط
بيدري علي الرغم من أنو مش بيتملك معدل اسيسات عالي لكنة بيقدر يخلق فرص كتير وفي اغلب الأوقات فرصة مش بتترجم لأهداف سواء مع برشلونة أو مع المنتخب
من الناحية الدفاعية بيدري ممتاز دفاعيا علي الرغم من أن أغلب مشاركتة في اللعب بتكون في مرحلة بناء اللعب والهجوم لكنة لاعب عنده واعي دفاعي وممتاز في الضغط ويقدر يجبر لاعب الخصم على التمرير في المكان اللي عايزة
هنا مثلا بيدري بيطبق الضغط على حامل الكرة و بيقطع علية زاوية تمرير متاحة وبيجبره كمان انه يمرار الكرة بسرعة، ودا اللي خلي اللاعب يقوم بالخيار الأصعب للتمرير ودا خلي بيكية يقدر يعترض التمريرة وبرشلونة يستعيد الكرة
مثال تاني برشلونة بيلعب وعنده لاعب مطرود وتمركز بيدري دفاعيا بيقطع علي حامل الكرة زاويتين تمرير عشان يجبرة علي لعب الكرة علي الأطراف عشان عقبال ما اللاعب يستلم الكرة ويحاول يدخل للعمق يكون فريقة قدر يقفل علية اللعب
لاحظ اني كل دا ذكرت امثالة ومميزات للاعب بيدو انو لاعب ناضج وبيمتلك خبرة مش مجرد لاعب لم يتجاوز ال 18 سنة
تعالي بقي نتكلم عن الإحصائيات الي من خلالها نقدر نقيم لاعب خط الوسط وتعرفنا علي جزء أخر من مميزات بيدري وهو فين وسط أبرز لاعبي خط الوسط؟
تعالي بقي نتكلم عن الإحصائيات الي من خلالها نقدر نقيم لاعب خط الوسط وتعرفنا علي جزء أخر من مميزات بيدري وهو فين وسط أبرز لاعبي خط الوسط؟
هنبص الاول على إحصائيين من أهم الإحصائيات لتقيم لاعب خط الوسط من الناحية الهجومية
الأولي هي ال XGchain و دي بتقيس مساهمة اللاعب في الفرصة اللي يتتحول لتسديدة علي المرمي واحتمالية تحول التسديدة دي لهدف، لكن الإحصائية دي بتكون مفيدة للاعيبة اللي بتسجل كتير علي المرمي
الأولي هي ال XGchain و دي بتقيس مساهمة اللاعب في الفرصة اللي يتتحول لتسديدة علي المرمي واحتمالية تحول التسديدة دي لهدف، لكن الإحصائية دي بتكون مفيدة للاعيبة اللي بتسجل كتير علي المرمي
ودا يخلينا نروح للإحصائية التانية وهي ال XGBuildup ودي بتقيس مساهمة اللاعيبة اللي في الخلف زي المدافعين اللي بيساهمو في بناء اللعب و لاعبي خط الوسط اللي مساهمتهم بتكون بعيد عن المرمي
وهنا بقي المفاجأة لأن علي حسب إحصائيات موقع understat معدل ال XGBuildup و XGchain لكل 90 دقيقة أعلي من جورجينهو و كروس ومودريتش وكاميتش وجندوجان و بيرناردو سيلفا وأعلى كمان من دي بروين باستثناء ال XGchain دي بروين متفوق بمعدل بسيط لأن دي بروين بيسدد علي المرمى اكتر من بيدري
بالنسبة للتمريرات هنلاقي أن بيدري ممتاز فيها و بيجيد كل انواع التمرير تقريبا
اما الاستحواذ هنلاقي انو ممتاز في الاستحواذ على الكرة بالإضافة للي ذكرتة في الأمثلة السابقة ان قرارتة خلال الاستحواذ واداءة ممتاز
دفاعيا فبيدري معندوش معدل تدخلات عالي ودا ليه سببين الأول طبعا لأنه بيلعب في فريق ومنتخب بيستحوذ علي الكرة بشكل كبير، والسبب التاني راجع لأسلوب لعب بيدري والي ذكرت منه أمثلة وهو انو بيضغط وبيقفل زوايا التمرير علي لاعب الخصم لإجباره علي خيارات أصعب واستعادة الكرة
بالنسبة الضغط فهنا المفاجأة بيدري بيمتلك معدل عالي جدا من الضغط، والمعدل دا أعلي من لاعيبة زي كانتي وجورينهو وكاميتش و كروس ومودريتش و رودري وفيراتي وكاسميرو ولاحظ أن فيهم لاعيبة أغلبهم الادوار الدفاعية هي مهمتهم الأساسية و من الأفضل في العالم وبنقارنهم بلاعب لايتجاوز ال 18 سنة
طبعا انا مش بقول ان بيدري احسن من كل اللاعيبة الي ذكرتها، لكن تفوق بيدري عليهم في بعض الأمور بالإضافة الي انو بعيدا عن الإحصائيات ومن ناحية التأثير علي أرض الملعب فهو لاعب بيمتلك خبرة كبيرة فدا شئ بيوضح قد اية احنا قدام مواهبة فريدة من نوعها واستثنائية
هل بيدري استحق الفوز بالجولدن بوي؟ الإجابة هي نعم واستحقها بكل جدارة، ودا يخليني انبة لحاجة اخير وهي أن الجايزة دي اللاعيبة اللي بتكون مرشحة ليها لازم تكون اقل من 21 سنة، ودا يخلي لاعيبة كتير تخرج من المنافسة زي هالاند و فودين و فينسيوس.
انتهي الثريد واسف علي الاطاله
انتهي الثريد واسف علي الاطاله
جاري تحميل الاقتراحات...