إفتتاح طريق الكباش انهردة هيتم فيه إعادة إحياء مراسم عيد الأوبت الخاص بالمعبود أمون، الي كان بيقام في الشهر التاني لفصل الفيضان، و هو شهر بابة في التقويم المصري، و لكن هل تعلم إن مراسم هذا العيد لم تنقطع قط قبل كدا ؟ و لكن كل ما حصل إنه اتغير اسمه لمولد سيدي أبو الحجاج الأقصري
ملخص الاحتفال و أهم مظاهره كان بيبقي خروج مسيرة موكب طويل خاص بالثالوث العائلى المقدس بطيبة (آمون، موت، خونسو) بيتم فيها تجسيدهم علي هيئة زوارق مقدسة بتزين مقدمة و مؤخرة كل مركب رأس المعبود الخاص بيه،و بتحمل الزوارق المقدسة علي الأعناق من معبد الكرنك شمالاً لمعبد الأقصر جنوبًا
الجدير بالذكر بقي، و المعلومة الغاية في الروعة، ان مولد ابو الحجاج كان أهم مظاهره هو الأخر حمل الزوارق علي الأعناق و بيلفوا بيها شوارع الأقصر كلها، و دي حالة أنثروبولوجية فريدة لمحاولة تكييف المصريين معتقدهم الإسلامي مع تراثهم الحضاري و اضفاء صبغة مصرية مبهجة عليه 😁
زي كحك العيد و فوانيس رمضان و أمثلة كثيرة لعادات ممكن تكون مرتبطة في أذهاننا دلوقت بأعياد و موالد إسلامية و لكن ما هي الا تخليد لتراث أجدادنا، حتي لو بشكل غير واعي.
الحاجات الي زي دي، حافظوا عليه و امسكوا فيها بإيدكم و سنانكم لإنها الدليل القاطع علي إننا الوحيدين، و دونًا عن غيرنا من حرامية التاريخ، ورثة هذه الأرض، و هذه الحضارة، و هذا الإرث الإنساني، تراثك، أو ما تبقي منه، هو الدليل الوحيد أنك يومًا ما "كنت"
اتفرجوا علي الفيديوا من الدقيقة ١٨ و انتم هتفهموا كل حاجة، و لكن حاول ان تحبس دموعك علي مسؤوليتك الخاصة youtu.be
مولد سيدى ابو الحجاج الاقصرى أو عيد الؤبة"Ⲡⲁⲱⲡⲉ"
عيد ثالوث طيبة
إتفرجوا علي هذا الجمال و هذه الأصالة...
عيد ثالوث طيبة
إتفرجوا علي هذا الجمال و هذه الأصالة...
youtu.be
شوفوا ده كمان، ساعة من التراث المصري الخالص اللي لسة عايش في عاداتنا لحد دلوقتي، ومن ضمنهم مولد ابو الحجاج
شوفوا ده كمان، ساعة من التراث المصري الخالص اللي لسة عايش في عاداتنا لحد دلوقتي، ومن ضمنهم مولد ابو الحجاج
لو ليك جد أو جدة في الفلاحين هتلافيهم لسه بيستخدموا التقويم المصري القديم، بابة/باؤبة/آبة الي بتعني حرفيًا عيد أمون "الآوبت"
و زي ما ستي بتقول: بابة خُش واقفل الدرابة 😁
و زي ما ستي بتقول: بابة خُش واقفل الدرابة 😁
في حالة الثريد انتشر ارجوا تنوروني و تاخدوا لفة في باقي ثريداتي 🌹
جاري تحميل الاقتراحات...