دا الثريد حيكون مخصص للي داخلين اختبار البارت 2 في تخصص الجراحه العامه
اول شي احب اباركلكم وصولكم لهذي المرحله واكيد ما وصلتولها الا لأنكم تعبتو على نفسكم واستحقيتو انكم تكونو في دا المكان
الاختبار بشكل عام يعتبر من متوسط إلى سهل فا لحد يخوفكم انو صعب ومدري ايش من الكلام الي مالو فايده لكن الاختبار ما حيكون سهل إلا إذا حضرتو كويس
انا حكتب طريقتي ونصايحي ، قد تناسب البعض والبعض لا فا كل واحد ليه طريقه فالتحضير ، خذو الي يناسبكم
طبعا ار ٥ بالكامل حيكون عباره عن stressss، فا شي طبيعي الي حتمرو فيه، زي زياده فالوزن او شعركم يطيح وتسيرو عصبيين، جوده النوم تسير سيئه، كل ما تذاكرو شي تحسو انكم مو فاهمين او يومين وتلاقو نفسكم ناسين كل شي، لكن كل دا يعتبر طبيعي جدا
اول شي لازم تسووه لمن تدخلو ار ٥ انكم تتخلصو من الأشياء الي تفيدكم تركيزكم، زي الأمور العائليه مثلا ممكن اذا فيه اشياء تتاجل، الأفضل تاجلوها إلى بعد الاختبار
الأمور الاكاديميه زي مثلا متى حتتفرغو من الدوام المفروض تتكلمو فيها مع الار تي بي من بدري ، بغض النظر عن ايش حيكون القرار لكن كويس انكم تكونو عارفين من بدري، عشان تعرفو كيف تنسقو جدول المذاكره، في اسوء الأحوال المفروض ما تداومو في سبتمبر (انا ماني جالس احرشكم😅)
انا على سبيل المثال الار تي بي حقي قالي انو ما يبغاني اتفرغ بس للمذاكرة في البيت، لا يبغاني اجي المستشفى عشان افرغ الطاقه السلبيه واجدد نشاطي فا كانت الخطه في آخر ٣ شهور فالبورد اني اداوم اسبوعين واريح اسبوعين مع ٢-٣كولات الين سبتمبر وبعدها خلاص ما داومت
هل الطريقه صح او لا ؟!
هل الطريقه صح او لا ؟!
ما اقدر اقول لانو الي يناسب معايا مو شرط يناسب معاكم فا عشان كده المفروض تجلسو مع الار تي بي وتشوفو ايش المناسب لكم
نجي لموضوع ثاني مهم جدا كيف حتذاكرو ومع مين وقد ايش ومتى تبدأو خصوصا مع الدوام والكولات وبوست كول تعب وصداع
ناخدها وحده وحده
ناخدها وحده وحده
اول شي نحنا سويناه انو اخترنا study partner
انا مثلا كان معايا ٢ وانا ثالثهم وانا اشوف انو لا تكونو اكثر من كده ولا تذاكرو لحالكم
مهم جدا مين حتختارو!
انا مثلا كان معايا ٢ وانا ثالثهم وانا اشوف انو لا تكونو اكثر من كده ولا تذاكرو لحالكم
مهم جدا مين حتختارو!
دايما اختارو ناس في نفس مستواكم
اول شي اختار شخص تمون عليه ويمون عليك لانو حتجي ايام سوده وصعبه والواحد أخلاقه تجاريه يمكن يسب الثاني او يسوي أشياء تزعل فا لو تمونو على بعض محد حيزعل من الثاني وحتمشي الايام
اول شي اختار شخص تمون عليه ويمون عليك لانو حتجي ايام سوده وصعبه والواحد أخلاقه تجاريه يمكن يسب الثاني او يسوي أشياء تزعل فا لو تمونو على بعض محد حيزعل من الثاني وحتمشي الايام
الشي الثاني ، في احتمال تجي ايام حيكون عندك مشاكل أو مالكم خلق تفتحو شي، صدقوني اول ناس حيحسو فالموضوع دا هم الي بيذاكرو معاكم وحيساعدوكم تعدوها
المذاكره حتكون شهوووور فا حتجي ايام ما حتقدرو تفتحو كلمه، فا اخرجو مع بعض وغيرو جو ، مو معناته ما تخرجو مع اهاليكم لا طبعا عيشو حياتكم طبيعي لكن مهم جدا انكم تخرجو مع الي بتذاكرو معاهم عشان ما يكون بس الشي الي تتجمعو عشانه هوا الدراسه والستريس..
طبيعي جدا انكم تاخدوا اجازه عن المذاكره ٥ ايام وأكثر، في ايام كنا نتجمع وولا نقدر نقرأ كلمه، فا كنا ندور رابع ونقلبها بلوت 😂
مهم جدا انكم تخلصو اللوق بوك وتجهزوه من بدري لانو وقت التسليم حيكون في وقت صعب وحرفيا اللوق بوك حياخد منكم ٣-٤ ايام تجهيز فا مهم من بدايه السنه تعرفو ايش ناقص وتسووه
نجي للمهم
النصيحه الذهبيه الاولى: ابداو بدري ابداو بدري ابداو بدري
هذي اهم نصيحه صدقوني
لانو المذاكره ما حتكون مهمه قد المراجعه
وصدقوني حتقراو بعض الأحيان اكثر من مره وحتنسو الين ليله الاختبار، لكن ما تقلقو دا شي طبيعي
النصيحه الذهبيه الاولى: ابداو بدري ابداو بدري ابداو بدري
هذي اهم نصيحه صدقوني
لانو المذاكره ما حتكون مهمه قد المراجعه
وصدقوني حتقراو بعض الأحيان اكثر من مره وحتنسو الين ليله الاختبار، لكن ما تقلقو دا شي طبيعي
نحنا بدأنا البدايه الفعليه في ١ أبريل، كنا نخلص الدوام نرجع ناكل وبعدها ع المغرب نجتمع
فالبداية كنا نذاكر ٤ ساعات ونرجع عشان ننام لانو ورانا دوامات او كولات، لكن مع الوقت حتزيد ساعات المذاكره..
فالبداية كنا نذاكر ٤ ساعات ونرجع عشان ننام لانو ورانا دوامات او كولات، لكن مع الوقت حتزيد ساعات المذاكره..
حاولنا انو اذا احد فينا اونكول نروح عندو فالمستشفى ونذاكر معاه هناك لكن طبعا كنا اول ما نتجمع الاونكول تجيلو حاله كريتيكال فا فشلت الخطه طبعا 😅
مصادرنا كانت شوارتز اخر نسخه وكاميرون اخر نسخه رغم انو الهيئه اجتمعت معانا وقالولنا المصدر حيكون النسخه الي قبل، لكن اكتشفنا بعدين اننا جالسن نمشي على اخر ابديت حتى لمن الكونسالتنتس كانو يشرحلونا شي كانو دايما ابديت فا انا انصح في اخر نسخه
سابيستون كنا نرجعلو في بعض الأحيان اذا كنا مختلفين او ما قدرنا نوصل للي نبغاه من شوارتز او كاميرون وطبعا ملخص M&M كان شي رهيب جدا ولازم تخلصوه اكثر من مره
طبعا قرأنا كل شي بالتفصيل وما قلنا انو دا يجي او ما يجي، كل شي كنا نذاكرو حرفيا
كنا نخلص التشابتر من شوارتز وبعدها من كاميرون وقبل ما نروح للي بعدو كنا نقرأ mcq وكان اعتمادنا في البدايه على rush و بعدين بدأنا نزود المصادر حقت كتب الاسئله عشان نتأكد انو مافي شي ما قريناه
كنا نخلص التشابتر من شوارتز وبعدها من كاميرون وقبل ما نروح للي بعدو كنا نقرأ mcq وكان اعتمادنا في البدايه على rush و بعدين بدأنا نزود المصادر حقت كتب الاسئله عشان نتأكد انو مافي شي ما قريناه
كل شي لازم تقراوه اكثر من مره خصوصا HBP & colorectal لو تقدرو تقراوه اكثر من 10 مرات اقراوه
فيه شي مهم جدا جدا جدا وناس كثير ما يهتمو فيه الي هوا السب سبيشاليتي
صدقوني الرسوب بسببها مو بسبب الأشياء حقتنا فالجنرال سيرجري فا لازم تذاكروها
-Vascular
-Thoracic رغم انو يعتبر من الجنرال
-Anesthesia
-Critical care
-Pediatric
-Skin and soft tissue برضو جنرال
Plastic surgery
صدقوني الرسوب بسببها مو بسبب الأشياء حقتنا فالجنرال سيرجري فا لازم تذاكروها
-Vascular
-Thoracic رغم انو يعتبر من الجنرال
-Anesthesia
-Critical care
-Pediatric
-Skin and soft tissue برضو جنرال
Plastic surgery
النصيحه الذهبية الثانيه انكم تلخصو كل شي لانو جدا صعب انكم ترجعو لكل شي
انا طريقتي اني كنت اذاكر على الايباد او السيرفس برو فا كل معلومه مهمه او جدول او القورثم كنت اكبشرها واحطها في برنامج الون نوت حقت مايكروسوفت اوفس، البرنامج خرافي وتقدرو تسوو مجلدات حتساعدكم كثير
انا طريقتي اني كنت اذاكر على الايباد او السيرفس برو فا كل معلومه مهمه او جدول او القورثم كنت اكبشرها واحطها في برنامج الون نوت حقت مايكروسوفت اوفس، البرنامج خرافي وتقدرو تسوو مجلدات حتساعدكم كثير
جلسنا على هذي الطريقه الين جا وقت الاختبار الاورال وكان فرصه ممتازه انو نراجع كل شي في أسبوع تقريبا ونرتب معلوماتنا
قبل الاختبار بشهر او شهرين تقريبا حيكون فيه كورسات في الرياض وجده والدمام، سجلو فيها كلها نصيحه، حيعطوكم الزبده واذا عندكم اسئله حيجوابوكم عليها
قبل الاختبار الرتن بشهرين المفروض انكم تبداو تحلو اسئله قد ما تقدرو
كيف تعرفو انكم حليتو كفايه؟ اذا وصلت ١٠ آلاف اقدر اقلك انو امورك تمام
طبعا حل الاسئله مرهق جدا ومتعب اكثر من المذاكره وحتشوفو التعب بعد او ٢٠٠ سؤال فاليوم لكن لازم تضغطو على نفسكم وتحلو فاليوم تقريبا ٥٠٠ سوال
كيف تعرفو انكم حليتو كفايه؟ اذا وصلت ١٠ آلاف اقدر اقلك انو امورك تمام
طبعا حل الاسئله مرهق جدا ومتعب اكثر من المذاكره وحتشوفو التعب بعد او ٢٠٠ سؤال فاليوم لكن لازم تضغطو على نفسكم وتحلو فاليوم تقريبا ٥٠٠ سوال
المصادر حقت الاسئله
رش
سي ساب
كريستيان
بوردفايتال (اونلاين)
سيرجسكور (اونلاين)
وفيه غيرها ...
رش
سي ساب
كريستيان
بوردفايتال (اونلاين)
سيرجسكور (اونلاين)
وفيه غيرها ...
قبل الاختبار باسبوعين ابداو راجعو كل شي من ملخاصتكم ومن M & M
الاسئله القديمه برضو لازم تقراوها اكثر من مره خصوصا حقت البارت ٢ نحنا قريناها الين سنة ٢٠١٤
الاسئله القديمه برضو لازم تقراوها اكثر من مره خصوصا حقت البارت ٢ نحنا قريناها الين سنة ٢٠١٤
النصيحه الذهبيه الثالثه: قبل الاختبار بيومين او ٣
لا تذاكرو اي شي ابدا ولا تراجعو
اخرجو غيرو جو وابعدو عن أي شي يذكركم بالاختبار
ليلة الاختبار مهم جدا انكم تنامو بدري..
لا تذاكرو اي شي ابدا ولا تراجعو
اخرجو غيرو جو وابعدو عن أي شي يذكركم بالاختبار
ليلة الاختبار مهم جدا انكم تنامو بدري..
اذا اختباركم في مدينه ثانيه لازم تنامو في نفس المدينه، يعني لو انتا من مكه أو الطايف لازم تكون في جده قبل الاختبار بيوم او يومين
صباح الاختبار اشربو قهوتكم وافطر كويس، لحد ياخد بيتا بلوكر الموضوع ما يحتاج لانو مع اول سؤال تقراوه حيطير الستريس
الاختبار طويل ومتعب ، الوقت كافي جدا جدا فا لا تشيلو هم ابدا
الاختبار طويل ومتعب ، الوقت كافي جدا جدا فا لا تشيلو هم ابدا
طبعا حرفيا الاختبار جا فيه كلللل شي ما اتوقع نسو شي لكن في اشياء ركزو عليها اكثر
الورقه الأولى كانت اغلبها كانت HBP والورقة الثايه كانت تقريبا colorectal & sub specialities
لكن حرفيا كل شي جا
الورقه الأولى كانت اغلبها كانت HBP والورقة الثايه كانت تقريبا colorectal & sub specialities
لكن حرفيا كل شي جا
دا تقريبا كان اغلب الأشياء الي فاكرها دحين
لو عندكم اسئله اتفضلو حسابكم قد ما اقدر
اتوكلو على الله وافتكرت انو ما دام في ناس سووها فا انتو تقرو تسووها كمان
ان شاء الله حسوي اكاديميك قروب وحسوي فيها محاضرات اونلاين ونمشي على كل شي وحشرح فيها كل شي وحيكون exam oriented
لو عندكم اسئله اتفضلو حسابكم قد ما اقدر
اتوكلو على الله وافتكرت انو ما دام في ناس سووها فا انتو تقرو تسووها كمان
ان شاء الله حسوي اكاديميك قروب وحسوي فيها محاضرات اونلاين ونمشي على كل شي وحشرح فيها كل شي وحيكون exam oriented
كدا يكون انتهى الثريد، ان شاء الله بعدين نتكلم كلمتين على الاورال، حاليا ركزو على ال written
شكرا لكم وبالتوفيق ان شاء الله
شكرا لكم وبالتوفيق ان شاء الله
جاري تحميل الاقتراحات...