ليه العساكر فضو الاعتصام؟ليه في التوقيت داك تحديداً قبل التوقيع مع قحت و الشراكة؟ هل تفتكروا كانو قايلين انهم حيقدرو ينفردو بالسلطة بعد الشعب كله ثار ضد حكم العسكر؟ الإجابة لا
العساكر فضو الاعتصام بالوحشية دي عشان يختو شوكة حوت بين المدنيين و الشعب و يخلقو فتنة "السقوط الناعم" ↪️

و يكون في عدم ثقة تجاه المدنيين في تحقيق العدالة اللي هي شبه مستحيلة وهم "لسة في كرسي الحكم". عشان لما يغدرو بيهم زي ما حصل في الانقلاب يكون سقوطهم ساهل مع سخط الشعب ضدهم..نفس السيناريو بيحصل هسي اسالو نفسكم سؤال:ليه وتيرة العنف بدت تزيد مع صمود حمدوك؟ليه حصلت مجزرة 17 فوفمبر؟ ↪️

حتلقو نفس الإجابة: عشان يختو شوكة حوت بين الشعب و حمدوك و يحملوه مسؤولية الدم و يخلقو فتنة بينه و بين الشعب عشان لما يغدرو بيه زي ما هم ناويين يكون سقوطه اسهل و بمباركة الشعب و ينفردو هم بالسلطة..
بيكررو نفس السيناريو بغباء و للاسف بيمسكو الناس من يدهم البتوجعهم (الشهداء) ↪️

الناس تبقي واعية.. حمدوك عمره ما حيكون خصم علي الثورة و ابداً ما يمنع انه نواصل في الدعوة لسقوط العساكر و استمرار المواكب و الهتاف ضدهم ما ضد الرجل الدخل عرين الاسد براه عشان البلد و عشان يوصل بيها للانتخابات و نخلص من كابوس الحكم العسكري للأبد ↪️

الكونغرس لسة مواصل في دعوته لاصدار العقوبات الفردية ضد العساكر.. احنا نشوف ثورتنا من برة و حمدوك يحافظ علي البلد اقتصاديا من جوة و العساكر البل جايهم جايهم و حق الشهداء جاي عاجلًا لا اجلا بإذن الله ✌🏽
#مليونية25نوفمبر
#الردة_مستحيلة