@20B__ في فترة 2014 كذا كان بيتنا نفس هذا الجو، ماحد يسولف مع احد، كنت اجي من المدرسة وعلى غرفتي على طول وما اكلم احد لين اليوم الثاني وكل العائلة كذا البيت صار ميت وفيه سكون مخيف وغريب ومره ما كان عاجبني الوضع وكنت اتمنى اني اسولف مع ابوي وامي زي باقي الناس بس للأسف ما تعودنا على كذا
@20B__ كنت اتمنى ارجع من المدرسة احكي يومي لأمي وفي المساء اسولف مع الوالد او مع اخواني ، جلسة شاي المغرب او قهوة العصر الي هي عادة عند بعض العوائل كانت امنية من امنياتي ،
@20B__ وفي يوم من الايام اكتفيت من كل هذا الجو الكئيب والوضع المحزن وقلت لازم اغير الوضع، وقتها كنت من طلاب التحفيظ وأول شخص استشرته هو شيخنا مشرف الحلقات كنت اشوفه بمقام القدوة وعلمته بالسالفة كلها، سألني سؤال واحد كان مفتاح لكل هاذي المعضلة
@20B__ قالي اذا دخلت البيت تسلم على اهلك؟ تقول السلام عليكم؟ وقتها لاحظت ان فعلا مافي احد في البيت يسلم اذا دخل كلنا عالصامت، قالي المرة الجاية اذا رجعت البيت ادخل وقول السلام عليكم، رجعت البيت وفعلا طبقت الي قاله لي وتفاجأت ، فجأه امي ردت السلام وكان شي ما قد صار من قبل
@20B__ لاني ما قد سلمت عليها اصلا قبل كذا 😅 ، والسلام جاب سؤال والسؤال جاب كلام وسواليف وحبة حبة بدا الجو يفتح شوي وابوي و اخواني يوم شافو التغيير الي صاير بدأو يطبقون نفس الشي صارو اذا دخلو يسلمون والحمدلله حبة حبة صار الكل يحب الكل وبدأت العلاقات تتحسن
@20B__ ويوم شفت الوضع كذا بديت امون زيادة ارسل لهم او اجي اوريهم مقاطع تضحك من جوالي، أسألهم عن ماضيهم وقصصهم يوم كانو صغار، اصور اخواني الصغار وهم يسوون اشياء كيوت وارسلها لهم والحمدلله صارت سفراتنا بدال كلها صمت صارت فيها ضحك وهوشات وسواليف 😂
@20B__ صح إن البداية صعبة ومحرجة ومو مريحة للنفس انك تسوي شي ما تعودت عليه بس صدقني إستمرار الحالة هاذي راح يكون أسوء على المدى الطويل، دامك وصلت هنا فاعلم ان ما بينك وبين الحل الا انك تقرر انك تبغى تغير الوضع الي انت فيه، وصدقني ربي اذا شاف صدق نيتك بيعينك ويساندك.
@20B__ شكرا لك على اعطائي بعضا من وقتك الثمين واتمنى لك التوفيق 💜.
جاري تحميل الاقتراحات...