البلدية باعتالي جواب بتقولي ان في ميزانية 300 الف يورو اتخصصت للمكان اللي انا عايش فيه وهم بيدعوا الناس انها تدخل تعمل تصويت على الخدمات اللي هم عايزنها. حاطين كل بروجيكت بالبادجيت بتاعته ودي أمثله:
- تحديث الـplayground القريبة مني، ناويين يزرعوا نجيلة أكتر ويحاوطوها بسور عشان العيال الصغيرة و يحطوا كراسي اكتر ويظبطوا الملاعب والخ..
هيعملوا مكان اخضر جديد المفروض انه يكون مكان الالتقاء للسكان ونشاطات عامة وبتاع. وهيزرعوا ١٢ شجرة فاكهة و٥ اشجار مكسرات في الحديقة عشان يحافظوا على الحياة الحيوانية في المنطقة.
هيزرعوا أشجار اكتر. ويظبطوا احواض اشجار القيقب اللي جنبي.
هيعملوا بيوت ديدان أكتر على أرصفة الشوارع ،عشان الناس تقدر تريسايكل الفاكهة والخضار بتوعها بدل ما تترمي في الزبالة، أنا جنب بيتي في فندق للديدان استغربت فشخ اول ما جيت انهم عاملين بيت للديدان الحقيقة، بس الهولانديين شعب قمر؛ احنا اللي فلاحين شوية بس.
هيعملوا كورسات للـGardening على حساب الحكومة عشان الناس تتعلم ازاي تهتم بحدائقهم المنزلية.
هيعملوا ورشة اصلاح دراجات صغيرة جنبنا عشان الأطفال يتعلموا يصلحوا دراجاتهم بنفسهم.
حديقة ألعاب جديدة للأطفال فيها ألعاب من ثقافات تانية عشان يحسنوا تواصل الأطفال وأولياء أمورهم وأجدادهم مع بعضهم من خلال الألعاب دي.
يزرعوا بعض اسطح الـ houseboat عشان يخلوا منظر المكان أجمل ويدعموا التنوع البيولوجي وياحفظوا على الحرارة. ويخلوا "النحل" أسعد في المنطقة.
هيعملوا urban farm قريبة،والسكان ممكن يساهموا في زراعتها، وحتى ممكن أي شخص يحط الزرع بتاعه فيها لما يكون مسافر عشان الجيران ياخدوا بالهم من الزرع دا لغاية ما يرجع.هيحثوا الأطفال انهم يحضروا workshops مجانية عشان يتعلموا ازاي يزرعوا ويساهموا هم كمان.عشان يحولوا المكان لواحة خضراء.
هيعملوا ماركينج اسبيس جديدة للعجل، وصدقوني المكان مليان باركينج اسبيسس اولريدي واللي هو ميرسي على ذوقكم ياحكومة والله.
جاري تحميل الاقتراحات...