بكره جاي 15/1
انا كنت 18 سنه... و هي كانت 16 سنه... مع اننا كل يوم كنا مع بعض في النادي و تقريبا بنعمل كل حاجه مع بعض... يعني كنا بنلعب باسكت سوا... و كروكيه ساعات ضد بعض و ساعات في فريق واحد....و لعبنا تنس سنجل مع بعض... و لعبنا كمان Double Mix في فريق واحد...
انا كنت 18 سنه... و هي كانت 16 سنه... مع اننا كل يوم كنا مع بعض في النادي و تقريبا بنعمل كل حاجه مع بعض... يعني كنا بنلعب باسكت سوا... و كروكيه ساعات ضد بعض و ساعات في فريق واحد....و لعبنا تنس سنجل مع بعض... و لعبنا كمان Double Mix في فريق واحد...
بكره جاي 15/2
حتي الكوره كانت بتلعب معايا كوره و كانت بتحب تقف جون و برضه ساعات في نفس الفريق و ساعات في فريق منافس (و كانت بتراهني اني مش هاعرف اجيب فيها اجوان) ... كنا بننزل حمام السباحه مع بعض.. و في أخر اليوم نقعد كلنا الأصحاب مع بعض و كنا هي و انا دايما لازقين في بعض......
حتي الكوره كانت بتلعب معايا كوره و كانت بتحب تقف جون و برضه ساعات في نفس الفريق و ساعات في فريق منافس (و كانت بتراهني اني مش هاعرف اجيب فيها اجوان) ... كنا بننزل حمام السباحه مع بعض.. و في أخر اليوم نقعد كلنا الأصحاب مع بعض و كنا هي و انا دايما لازقين في بعض......
بكره جاي 15/3
بس كل ده كان كوم و مشوار التمشيه بتاعنا و انا موصلها بيتها كان كوم تاني. مش عارف ليه يمكن المشي بيولد تناغم او تواصل معين.. و يمكن المشي بيخلق حاله تأمليه خاصه... و يمكن علشان كنا بنبقي لوحدينا..!!! المهم ان مشوار التمشيه ده كان حدوته تدوب القلب و تخلي الروح مرفرفه.
بس كل ده كان كوم و مشوار التمشيه بتاعنا و انا موصلها بيتها كان كوم تاني. مش عارف ليه يمكن المشي بيولد تناغم او تواصل معين.. و يمكن المشي بيخلق حاله تأمليه خاصه... و يمكن علشان كنا بنبقي لوحدينا..!!! المهم ان مشوار التمشيه ده كان حدوته تدوب القلب و تخلي الروح مرفرفه.
بكره جاي 15/4
كنا بنخرج سوا من النادي علي الساعه 11.30 علشان هي لازم تكون في البيت 12 في الصيف. كنت انا باسيب شنطه النادي علي باب النادي لأني كنت بارجع تاني اسهر مع اصحابي... و كنت باشيل لها شنطنتها. فساتينها كانت واسعه و قصيره و دايما ملونه بألوان ورود وفراشات
كنا بنخرج سوا من النادي علي الساعه 11.30 علشان هي لازم تكون في البيت 12 في الصيف. كنت انا باسيب شنطه النادي علي باب النادي لأني كنت بارجع تاني اسهر مع اصحابي... و كنت باشيل لها شنطنتها. فساتينها كانت واسعه و قصيره و دايما ملونه بألوان ورود وفراشات
بكره جاي 15/5
وكنت دايما باقولها اني نفسي كنت اكون رسمه او نقشه علي كل فستان عندها علشان أكون معاها دايما.كانت خطوتها ضيقه ومشيتها رقيقه كنت باحس ان مشيتها رقصه اكتر منها مشيه وكنت باعرف صوت رجلها علي الأرض و أنا مغمض سواء لابسه كعب لو سهرانين او لابسه Sneakers واحنا في النادي
وكنت دايما باقولها اني نفسي كنت اكون رسمه او نقشه علي كل فستان عندها علشان أكون معاها دايما.كانت خطوتها ضيقه ومشيتها رقيقه كنت باحس ان مشيتها رقصه اكتر منها مشيه وكنت باعرف صوت رجلها علي الأرض و أنا مغمض سواء لابسه كعب لو سهرانين او لابسه Sneakers واحنا في النادي
بكره جاي 15/6
حتي وهيه حافيه و طالعه من حمام السباحه كنت ياعرف اميز صوت كعب رجلها الحافي من ورايا.
كنا اول مانخرج من باب النادي في شارع محمود مختار اللي عند الأوبرا كنا بنشبك ايدينا في ايدين بعض و كانت كتافنا ساعات تخبط في بعض غصبن عننا و كتير كانت بتخبط لأننا كنا بنبقي قاصدين
حتي وهيه حافيه و طالعه من حمام السباحه كنت ياعرف اميز صوت كعب رجلها الحافي من ورايا.
كنا اول مانخرج من باب النادي في شارع محمود مختار اللي عند الأوبرا كنا بنشبك ايدينا في ايدين بعض و كانت كتافنا ساعات تخبط في بعض غصبن عننا و كتير كانت بتخبط لأننا كنا بنبقي قاصدين
بكره جاي 15/7
و فاكر كويس ان ايدينا و هي لامسه بعض كنا بنحسس من وقت لتاني علي اي حته مقشره في ايدينا من مضارب التنس او من كور الباسكت او من اي نشاط بنعمله في النادي....كنا حافظين كل الأثار اللي في ايدينا من اللعب (هي كانت بتستعمل ايدها الشمال)...
و فاكر كويس ان ايدينا و هي لامسه بعض كنا بنحسس من وقت لتاني علي اي حته مقشره في ايدينا من مضارب التنس او من كور الباسكت او من اي نشاط بنعمله في النادي....كنا حافظين كل الأثار اللي في ايدينا من اللعب (هي كانت بتستعمل ايدها الشمال)...
بكره جاي 15/8
ولما حد مننا يكتشف تقشيره جديده في ايد التاني حصلت في نفس اليوم كنا بنضغط علي ايدين بعض علامه اننا اكتشفنا حاجه جديده..... و كانت الضغطه دي غالبا بيبقي بعديها نظره في عنين بعض... زي ماتقولوا كده اللي اكتشف الأثر الجديد بيقول للتاني "شوفت انا حافظ لمسه ايدك ازاي ! "
ولما حد مننا يكتشف تقشيره جديده في ايد التاني حصلت في نفس اليوم كنا بنضغط علي ايدين بعض علامه اننا اكتشفنا حاجه جديده..... و كانت الضغطه دي غالبا بيبقي بعديها نظره في عنين بعض... زي ماتقولوا كده اللي اكتشف الأثر الجديد بيقول للتاني "شوفت انا حافظ لمسه ايدك ازاي ! "
بكره جاي 15/9
و زي مايكون التاني بيقول للأولاني "ايوه فعلا... دي جديده" كل ده كان بيحصل و احنا بنتكلم في مواضيع كتيره يمكن عن المذاكره او عن البيت او عن مشكله في المدرسه.... زي ماتقولوا كده شفايفنا كانت بتقول حاجه بس ارواحنا كانت بتقول حاجات تانيه اكتر و أعمق بكتير
و زي مايكون التاني بيقول للأولاني "ايوه فعلا... دي جديده" كل ده كان بيحصل و احنا بنتكلم في مواضيع كتيره يمكن عن المذاكره او عن البيت او عن مشكله في المدرسه.... زي ماتقولوا كده شفايفنا كانت بتقول حاجه بس ارواحنا كانت بتقول حاجات تانيه اكتر و أعمق بكتير
بكره جاي 15/10
كانت كل ضغطه ايد بيتبعها بجانب البصه في عينين بعض ابتسامه من شفايفها .. ابتسامه كده من اللي بتخطف الروح دي... ابتسامه من اللي بتغير شكل الدنيا كلها و تخليها حلوه...
لما كنا بنوصل كوبري قصر النيل كنا بنمشي علي الرصيف اليمين واحنا متجهين علي التحرير....
كانت كل ضغطه ايد بيتبعها بجانب البصه في عينين بعض ابتسامه من شفايفها .. ابتسامه كده من اللي بتخطف الروح دي... ابتسامه من اللي بتغير شكل الدنيا كلها و تخليها حلوه...
لما كنا بنوصل كوبري قصر النيل كنا بنمشي علي الرصيف اليمين واحنا متجهين علي التحرير....
بكره جاي 15/11
كان شعرها بني فاتح.. و كان واصل لبعد كتفها بحاجه بسيطه... و كنت دايما باقولها اني باحب شكل شعرها لما الهوا يطيره.... و ده حقيقي جدا... لدرجه اني في مرات كتيره كنت باحس ان كل الهوا اللي موجود في الكون بيبقي ماشي يدور علي خصلات شعرها هي بالتحديد علشان يحركه ......
كان شعرها بني فاتح.. و كان واصل لبعد كتفها بحاجه بسيطه... و كنت دايما باقولها اني باحب شكل شعرها لما الهوا يطيره.... و ده حقيقي جدا... لدرجه اني في مرات كتيره كنت باحس ان كل الهوا اللي موجود في الكون بيبقي ماشي يدور علي خصلات شعرها هي بالتحديد علشان يحركه ......
بكره جاي 15/12
المهم لما كنا بنمشي علي كوبري قصر النيل و الهوا يحرك شعرها كانت عيني مش بتفارق وشها و شعرها لأني ماكنتش عايز لحظه تفوت من غير ما أشوف المنظر بتاع خصلات شعرها لما ترجع علي وشها بعد الهوا مايطيره و هي تبتدي تشيله من علي عينيها علشان تعرف تشوف...
المهم لما كنا بنمشي علي كوبري قصر النيل و الهوا يحرك شعرها كانت عيني مش بتفارق وشها و شعرها لأني ماكنتش عايز لحظه تفوت من غير ما أشوف المنظر بتاع خصلات شعرها لما ترجع علي وشها بعد الهوا مايطيره و هي تبتدي تشيله من علي عينيها علشان تعرف تشوف...
بكره جاي 15/13
كنت كتير باساعدها اني ازيح شعرها من علي عينيها... و كنت بابقي متلخبط انا باعمل كده علشان شعرها يرجع يطير تاني و لا علشان مش عايز حاجه تخبي عينيها اللي كانت لون شعرها بالظبط...!!
كنا بنوصل أخر كوبري قصر النيل و ندخل يمين علي جاردن سيتي...
كنت كتير باساعدها اني ازيح شعرها من علي عينيها... و كنت بابقي متلخبط انا باعمل كده علشان شعرها يرجع يطير تاني و لا علشان مش عايز حاجه تخبي عينيها اللي كانت لون شعرها بالظبط...!!
كنا بنوصل أخر كوبري قصر النيل و ندخل يمين علي جاردن سيتي...
بكره جاي 15/14
في الوقت ده بنكون قربنا من بيتها ضغطات ايدينا كانت بتبقي اعنف كأننا بنتمسك بوجودنا مع بعض اكتر وكأننا مش عايزين الطريق يخلص مع اننا كنا هانشوف بعض تاني يوم بالكتير علي الساعه 12 الضهر لكن ضغطه الأيدين كانت بتزيد وصوابعنا كانت بتبقي معلمه علي ايدين
في الوقت ده بنكون قربنا من بيتها ضغطات ايدينا كانت بتبقي اعنف كأننا بنتمسك بوجودنا مع بعض اكتر وكأننا مش عايزين الطريق يخلص مع اننا كنا هانشوف بعض تاني يوم بالكتير علي الساعه 12 الضهر لكن ضغطه الأيدين كانت بتزيد وصوابعنا كانت بتبقي معلمه علي ايدين
بكره جاي 15/15
كنا بنخش شمال من عند السفاره البريطانيه... و دي كانت علامه ان خلاص...... النهارده بيخلص..... و بكره جاي
كنا بنخش شمال من عند السفاره البريطانيه... و دي كانت علامه ان خلاص...... النهارده بيخلص..... و بكره جاي
جاري تحميل الاقتراحات...