نزلت لشرب فنجان قهوه امس لقيت واحد قاعد بيشتم المسيحيين اللي بيشتموا الرسول و هما بيعملوا ماعرفش ايه في كنائسهم ، قام راجل مسيحي قال إن تصرف زكريا بطرس لا يعير عن المسيحيين و ان العلاقه بين المسلمين و المسيحيين مثاليه و أننا شعب واحد
قام الراجل اللي كان بشتم المسيحيين مأكد علي كلامه و تباري الاتنين في النازل في مأثر و جمال صفات الشعب المصري و تلاحمه و وحدته و حلاوته
و بعدين اتفقوا أن دي مواضيع في ناس بتقومها عشان تعمل ترند لكن لا تعبر عن الواقع و اتفقوا أن في مواضيع كتير واخده ترند لكن لا تعبر عن الواقع زي موضوع التحرش
و قالوا إنه موضوع مبالغ فيه و كمان بيتكلموا عن التحرش بالبنات بس لكن مش بيتكلموا عن تحرش البنات بالذكور
و اتفقوا مع بعض علي كده و تباروا في حكي قصص عن تحرش البنات بيهم و انتم ازاي البنات مش سايباهم في حالهم
و هنا امنت بكلامهم عن وحده و تلاحم الشعب المصري و وحده عنصري الامه
جاري تحميل الاقتراحات...