انا هقول هنا كلام هيزعل اخواتنا اللي بيولعو الفتنه
زكريا بطرس في نظرى عدو لمصر لانه ينشر فتنه .
لكنه يستخدم لسانه في محاولة هدم ثوابت الاسلام من كتب الاسلام بدون عنف بينما مجانص و امثاله متفرغون لفتاوى الجهاد و النكاح و مفيش واحد كلف نفسه يرد عليه بالحجه و مكتفيين بشتمه

و قرروا ان يتعاملو معه باسلوب غريب جدا و هو عدم الرد عليه ولا اعلم ان كانو لم يستطيعوا مجابهته بالفكر او انهم قرروا اتباع سياسة النعامه بدفن راسهم في الرمال و اعتقادهم ان محدش واخد باله منهم و تفرغوا لشغل اامسلمين بما يحدث لاخوتهم في بورما و الهند بمبدأ شوف العصفوره يا وله

في رأيي لو اردت ان تهزم منافسك في الشطرنج لا يمكنك استعمال زهر طاوله او ورقة كوتشينه بحجه ان كلها العاب
ولا ان تواجه منافس كرة قدم بفنون الكاراتيه
لابد ان تواجه الفكر بالفكر و السلاح بالسلاح و اللسان باللسان حتى تنال احترام من حولك

عارفين ليه محدش رد علي زكريا بطرس ؟؟ علشان ميحرقوش الكارت اللي ممكن يولعو بيه مصر في اي لحظه بمجرد ما يقرروا ينشرو اي فيديو له و طبعا الناس الغلابه دمهم هيتحرق و يقرروا ياخدوا حق النبي فيبقي سهل توجيههم لحرق و قتل الابرياء لمجرد انهم مسيحيين زى زكريا .. افيقو ياهووه