1\15
ما هي المنظومة اللبنانية؟
كتار وأنا منن، بيستعملوا مصطلح المنظومة على طول، ومتل العادة، بيجي الرد: سمي! قول مين، أي سياسي؟ أي حزب؟
هالثريد رح يفصّل شو يعني المنظومة وتاريخا، وليش هي على طول ضعيفة ومهزوزة ولكن في ذات الوقت تبدو وكأنها غير قابلة للسقوط.
ما هي المنظومة اللبنانية؟
كتار وأنا منن، بيستعملوا مصطلح المنظومة على طول، ومتل العادة، بيجي الرد: سمي! قول مين، أي سياسي؟ أي حزب؟
هالثريد رح يفصّل شو يعني المنظومة وتاريخا، وليش هي على طول ضعيفة ومهزوزة ولكن في ذات الوقت تبدو وكأنها غير قابلة للسقوط.
2\15
المنظومة اللبنانية أساساتا نحطت بسنة 1860 ومن أهم العرابين كانوا السفير النمساوي أنطون فون بروكيش أوستن (حتى لو ما كان هو يللي نظم المنظومة، هو كان الفرزلي تبع هيديك المرحلة). الدول الراعية: فرنسا، بريطانيا، النمسا، بروسيا (ألمانيا لاحقاً)، روسيا والدولة العثمانية.
المنظومة اللبنانية أساساتا نحطت بسنة 1860 ومن أهم العرابين كانوا السفير النمساوي أنطون فون بروكيش أوستن (حتى لو ما كان هو يللي نظم المنظومة، هو كان الفرزلي تبع هيديك المرحلة). الدول الراعية: فرنسا، بريطانيا، النمسا، بروسيا (ألمانيا لاحقاً)، روسيا والدولة العثمانية.
3\15
الهدف؟ كل دولة عظمى بيطلعلا زبون تحميه بلبنان: فرنسا للموارنة، بريطانيا للدروز، روسيا للأرثودوكس، النمسا وبروسيا كرمال يطلعلن تأثير داخل الدولة العثمانية، والدولة العثمانية هي قوة الأمر الواقع (وحامية السنة). والشيعة ما طلعلن شي.
الهدف؟ كل دولة عظمى بيطلعلا زبون تحميه بلبنان: فرنسا للموارنة، بريطانيا للدروز، روسيا للأرثودوكس، النمسا وبروسيا كرمال يطلعلن تأثير داخل الدولة العثمانية، والدولة العثمانية هي قوة الأمر الواقع (وحامية السنة). والشيعة ما طلعلن شي.
4\15
الهدف الحقيقي؟ التدخل في الشرق وإضعاف الدولة العثمانية يللي بوقتا كانت بعدا من أكبر إمبراطوريات العالم ولكنها كانت أشبه بالرجل المريض يللي ناطر القدر. جبل لبنان كان عبارة عن الفتحة يللي من خلالها هالدول قدرت تحط إجرا بالمنطقة من خلال تأجيج الخلافات وحماية الأقليات.
الهدف الحقيقي؟ التدخل في الشرق وإضعاف الدولة العثمانية يللي بوقتا كانت بعدا من أكبر إمبراطوريات العالم ولكنها كانت أشبه بالرجل المريض يللي ناطر القدر. جبل لبنان كان عبارة عن الفتحة يللي من خلالها هالدول قدرت تحط إجرا بالمنطقة من خلال تأجيج الخلافات وحماية الأقليات.
5\15
خلصنا تاريخ. الدولة العثمانية نتهت وتغيرت الدول ولبنان صار مستقل إلخ إلخ. بس المنظومة ضلت، وحتى بعد إعلان لبنان الكبير والإستقلال وحرب الـ 58 وحرب الـ 75 وإتفاق الطائف، وبعدا لليوم، أقله بالمبادئ الأساسية. شو هني هالمبادئ؟
خلصنا تاريخ. الدولة العثمانية نتهت وتغيرت الدول ولبنان صار مستقل إلخ إلخ. بس المنظومة ضلت، وحتى بعد إعلان لبنان الكبير والإستقلال وحرب الـ 58 وحرب الـ 75 وإتفاق الطائف، وبعدا لليوم، أقله بالمبادئ الأساسية. شو هني هالمبادئ؟
6\15
- لبنان عبارة عن مجموعة طوائف ممثلة بالحكم، وممنوع يكون في دولة مدنية. يعني متل اليوم: أربع دول داخل دولة (مسيحية، دروز، سنة وشيعة). فعلياً صرنا 4 و 4 مكرر، ولكن المبدأ هو ذاته.
- أي مكون قادر يطلب المساعدة من مكون خارجي (مش مهم مين عم يساعد مين، المهم هالخازوق موجود)
- لبنان عبارة عن مجموعة طوائف ممثلة بالحكم، وممنوع يكون في دولة مدنية. يعني متل اليوم: أربع دول داخل دولة (مسيحية، دروز، سنة وشيعة). فعلياً صرنا 4 و 4 مكرر، ولكن المبدأ هو ذاته.
- أي مكون قادر يطلب المساعدة من مكون خارجي (مش مهم مين عم يساعد مين، المهم هالخازوق موجود)
7\15
- هيدا التقسيم على مبدأ الحصص يعني كل كم سنة في مكون رح يحس حاله مظلوم ومحبط، ورح يطلب المساعدة من الخارج: مصر، عرفات، سوريا، ليبيا، السعودية، سوريا، أميركا، إسرائيل، إيران إلخ).
وكل مكون عنده القدرة يخترع قضية البقاء على قيد الحياة (ورح ياكلونا) كرمال يبرر هالمساعدة.
- هيدا التقسيم على مبدأ الحصص يعني كل كم سنة في مكون رح يحس حاله مظلوم ومحبط، ورح يطلب المساعدة من الخارج: مصر، عرفات، سوريا، ليبيا، السعودية، سوريا، أميركا، إسرائيل، إيران إلخ).
وكل مكون عنده القدرة يخترع قضية البقاء على قيد الحياة (ورح ياكلونا) كرمال يبرر هالمساعدة.
8\15
كل مكوّن هو عبارة عن: حزب أو أكتر، طبقة سياسية من أبناء الطايفة ورجال دين الطايفة، ومدارس الطايفة، والشركات يللي عاملة تحالفات مع رجال الدين والسياسيين. وهالشي مكرر مع كل مكوّن. يعني عنا عدد لا بأس به من المجتمعات المنفصلة العايشة بذات البلد ومربوطة بذات اللعبة.
كل مكوّن هو عبارة عن: حزب أو أكتر، طبقة سياسية من أبناء الطايفة ورجال دين الطايفة، ومدارس الطايفة، والشركات يللي عاملة تحالفات مع رجال الدين والسياسيين. وهالشي مكرر مع كل مكوّن. يعني عنا عدد لا بأس به من المجتمعات المنفصلة العايشة بذات البلد ومربوطة بذات اللعبة.
9\15
ما في ولا مكوّن يبني دولة أو إقتصاد أو مجتمع صحي للبلد كله لأن باقي المكونات رح يخافوا ورح يحاربوه. ليش؟ لأن أي مكسب لمكون هو خسارة لباقي المكونات. وبس يضعف مكوّن، بيرجع بيقوى من خلال المظلومية والتبكبك وطلب المساعدة من الخارج، بس ما حدا بيسقط.
ما في ولا مكوّن يبني دولة أو إقتصاد أو مجتمع صحي للبلد كله لأن باقي المكونات رح يخافوا ورح يحاربوه. ليش؟ لأن أي مكسب لمكون هو خسارة لباقي المكونات. وبس يضعف مكوّن، بيرجع بيقوى من خلال المظلومية والتبكبك وطلب المساعدة من الخارج، بس ما حدا بيسقط.
10\15
بالنتيجة، كل المكونات بتضل خايفة من بعضا، وكلها عينا لبرات لبنان كرمال الدعم والمساعدة ضد الآخر، وكلن عينن على الدولة كرمال الحصص مش كرمال يعملوا دولة أو يبنوا بلد. والرابح الوحيد هني الخارج، والسياسيين والتجار. الناس بتقعد على الخازوق كل مرة.
بالنتيجة، كل المكونات بتضل خايفة من بعضا، وكلها عينا لبرات لبنان كرمال الدعم والمساعدة ضد الآخر، وكلن عينن على الدولة كرمال الحصص مش كرمال يعملوا دولة أو يبنوا بلد. والرابح الوحيد هني الخارج، والسياسيين والتجار. الناس بتقعد على الخازوق كل مرة.
11\15
طيب ليش ما بتسقط؟
لأن قوة المنظومة هي في إهتزاز موازين القوى بين المكونات. واحد بيضعف، بجيب مساعدة من الخارج. واحد بيقوى، الباقيين بيجيبوا مساعدة من الخارج. والناس بكل مكون مضطرة تقبل لأن خايفة على هوياتها وعلى وجودا.
طيب ليش ما بتسقط؟
لأن قوة المنظومة هي في إهتزاز موازين القوى بين المكونات. واحد بيضعف، بجيب مساعدة من الخارج. واحد بيقوى، الباقيين بيجيبوا مساعدة من الخارج. والناس بكل مكون مضطرة تقبل لأن خايفة على هوياتها وعلى وجودا.
12\15
يعني صارت حروب وإنهيار إقتصادي وإفلاس وتفجير عاصمة، وتغيرت موازين القوى ومكونات خسرت ومكونات ربحت، بس آخر النهار، المنظومة ثابتة لأنها عبارة عن 4 منظومات وكل وحدة منن عندا راعي خارجي بيضمن بقاء اللعبة مستمرة. وطبعاً، الناس بتضل قاعدة على الخازوق.
يعني صارت حروب وإنهيار إقتصادي وإفلاس وتفجير عاصمة، وتغيرت موازين القوى ومكونات خسرت ومكونات ربحت، بس آخر النهار، المنظومة ثابتة لأنها عبارة عن 4 منظومات وكل وحدة منن عندا راعي خارجي بيضمن بقاء اللعبة مستمرة. وطبعاً، الناس بتضل قاعدة على الخازوق.
13\15
الأمل الوحيد بإنهاء هالمنظومة هو إنه الناس تشوف إنه المنظومة عايشة على حسابا متل السرطان. ولما يصير في إرادة حقيقية من هالنوع، ساعتا الخارج بياكل هوا وبيترك المنظومة تنتهي، مش متل ما عمل ماكرون لما إجا بعد تفجير المرفأ ليعوّم المنظومة ويحافظ عليها.
الأمل الوحيد بإنهاء هالمنظومة هو إنه الناس تشوف إنه المنظومة عايشة على حسابا متل السرطان. ولما يصير في إرادة حقيقية من هالنوع، ساعتا الخارج بياكل هوا وبيترك المنظومة تنتهي، مش متل ما عمل ماكرون لما إجا بعد تفجير المرفأ ليعوّم المنظومة ويحافظ عليها.
14\15
ختاماً، حامي المنظومة حالياً هو الحزب. هو الوحيد يللي شايل المنظومة على كتافه. يعني حتى الأحزاب يللي ضد الحزب عارفين إنه لولا الحزب ورضى وحماية الخارج، هالمنظومة منتهية لأنها أفلست على الآخر على كل الأصعدة. والحزب ما عنده مشكل يحكم من خلال جثة شبه دولة معفنة.
ختاماً، حامي المنظومة حالياً هو الحزب. هو الوحيد يللي شايل المنظومة على كتافه. يعني حتى الأحزاب يللي ضد الحزب عارفين إنه لولا الحزب ورضى وحماية الخارج، هالمنظومة منتهية لأنها أفلست على الآخر على كل الأصعدة. والحزب ما عنده مشكل يحكم من خلال جثة شبه دولة معفنة.
15\15
كرمال هيك، بس قول إنه المعارضين من الداخل مش معارضين، ما قصدي إنن خونة أو إنن منافقين (هني للأمانة منافقين). بس لأنن معارضين كرمال يشيلوا طرف ويقعدوا محله، وعلى شرط تضل هالمنظومة الإستغلالية المستبدة المعفنة باقية ومستمرة. من هيك: لا قيامة للبنان إلا بتغيير المنظومة.
كرمال هيك، بس قول إنه المعارضين من الداخل مش معارضين، ما قصدي إنن خونة أو إنن منافقين (هني للأمانة منافقين). بس لأنن معارضين كرمال يشيلوا طرف ويقعدوا محله، وعلى شرط تضل هالمنظومة الإستغلالية المستبدة المعفنة باقية ومستمرة. من هيك: لا قيامة للبنان إلا بتغيير المنظومة.
جاري تحميل الاقتراحات...