رتبها

بسم الله الرحمن الرحيم,
هنا شغلي على تصنيع"مقطورة سحب سيارة"
او عربة او سطحة اللي تسمونها 🚙
والشغل كامل تم بالبيت والحمدلله ..
وراح اتكلم عن مراحل التصنيع+التكلفة💸 ⬇️

بالبداية تم شراء المستلزمات الضرورية
وهي:
-سست
-سناره (مركب الرمانة)
-فلنجات
والبدأ بالأشياء الأساسية.

ومن ثم تم البدأ بالجزء الداخلي للتدعيم
وتم تجهيز هالأركان للتدعيم الإضافي .

🌫 | 🔥
هذا مكان الشغل

تصميم المحاور واخذ القياسات+
تم تصميم مدخل بسيط (يكون غرفه للشحم الزائد ويدعم الفلنجة بالشحم على طول)

وهنا تم تصميم قواعد للفنجات
وتم تصميم قواعد سست ثابته ومتحركة.

وهنا لحام قواعد السست 🔥
والله خط اللحام شي نظيف
(خصوصا مع لحام الكهرب القديم)

متع نظرك بالتموج هذا

تركيب القواعد والتأكد من الوزنيات
وتوليف مشحمه (للفلنجات)

بما ان الشغلة من الأصل توليف
فالقاعده ما لها وجه
فتم تصميم وجه (Gasket) من الملف الاخضر الشهير 📗

تم تركيب المحور والانتهاء منه
وقلب المقطورة لتركيب المثلث الداعم الاساسي
وتركيب قاعدة العفريته بالمثلث

وهنا اول تجربه لها
وركبت قواعد الرافعة
والانتهاء من الأشياء الأساسية

وهنا تم اختيار البوية المطلوبة🎨
وتم صبغ الاساس (وفائدته يمنع الصدأ + البوية يكون تماسكها عليه ارتب وأقوى)
وهذي ارقام البويات للي يهمه الامر

وهنا جزء من العمل 🚿

وهنا تم توزيع الألوان بالشكل هذا

تم شراء ألواح خشب سويديه بمتانة 2.5
وتم تركيبها🪓

وهذي اول تجربة
ارتفاع المقطورة امر طبيعي جدا جدا
لكن بما انها اول تجربه كنت احاول اقدم شوي شوي عشان ما تنزل وتكون ضربه قويه
لكن بالأخير ضربة 😂

نظره واضحه بالصبح عن المقطورة

بأخر صورة واضح مكان دخول الرافعة
او الدعاسة اللي تطلع عليها السيارة.

وهنا تم ترتيب الضفيره وتثبيت العواكس واللمبات وتركيب وصلة فيش مواصفات امريكيه .
كل شي معزول

اخيرا باقي شغله ما خلصت منها
-وهي تركيب رفارف فوق الكفرات🎡
جاهزه بس يبغالها لحام لكن التسويف 🤣

ونوصل للتكلفة
كلفتني 3692 ريال
وهذا الشي ممتاز جدا جدا جدا
في محل بالرياض يسوي لك مقطورة
(اقل تحمل)
لأن هالمقطورة صممتها عشان تتحمل
جمس سوبربان 1988,2500HD
وكان سعرها كامل جاهزة من المصنع بالرياض 9000 ريال🙂
فالحمدلله أولاً وآخراً .

جربتها على سيارات كثير والحمدلله ممتازه وثابته وامشي عليها على سرعة 140 في بعض الخطوط السريعة
القاطر: يوكن 2014
المقطوره: كورولا 2013