شيخ في مسجد بيخطب واغلب الحاضرين من بسطاء القرية، ووصل إلى حديث:
(حتى لو دخلوا جحر أرنب لدخلتموه.. أخرجه الطبراني)
فسأله احد الحاضرين : الطبراني أخرج الأرنب ؟!
قاله الشيخ :  لا .. أخرج الحديث
سأله الثاني :  من جحر الأرنب ؟!
قال الشيخ : لا يا إبن الحلال .. أخرجه يعني رواه

قاله : هو كان عطشان ؟
رد الشيخ :  قصدي روي الحديث يعني قاله نقلا عن أحد
سأله الثالث : طيب و الأرنب ، إيه اللي حصله ؟!
قال الشيخ: الأرنب  ده  إستعارة بس يا إخوانا
سأله الرابع: يعني الأرنب  مش بتاع الطبراني ؟!
رد الشيخ: لا يا أخي،  الطبراني ما عندوش أرنب

سأله الخامس: طيب الطبراني استعار الأرنب  من مين ؟
الشيخ إتعصب و قالهم :
إلهي ربنا  ياخذني لو جيت  اخطب فيكم تاني !
سأله السادس: ليه يا شيخ عايز تخطب ؟
هو إنت مش متزوج ؟
فنزل الشيخ من علي المنبر و رمي العمة علي الارض، و خرج من المسجد و راح لأقرب حلاق ، وحلق دقنه

راح قرية بعيدة و إشتغل في محل فول وطعمية 
بعد فترة مر عليه واحد من اهل القرية الأولانية وقال له: تعرف لو تربي دقنك حتبقي شبه واحد كان خطيب مسجد عندنا زمان
فسأله الشيخ : و كان  اسمه إيه الخطيب؟
رد عليه : مش فاكر اسمه، لكن أعرف إنه كان مربي  عنده أرنب ومسلفه  للطبراني
منقول