#ثريد_يزيد
كل ما ارتفع مستوى تعليم الشخص او ثقافته بشكل اكبر عن المجال اللي هو فيه او اهتمامه
يصير يركز على منظور القيمة اكثر من السعر
على سبيل المثال
الفنان بوجهة نظره ان بعض اللوح تسوى اكثر من مليون ريال
لان عارف قيمة الشي
بالمقابل لو شخص ماعنده خلفية بيعترض على السعر مباشرة

هذا بالتسويق ينطبق على كلمة الجمهور المستهدف
لان صعب جدا ترضي كل الناس ومب كل الناس جمهورك
فيه اللي بيعترض على السعر واللي بيعترض ان منتجك ما يستاهل والاعتراضات كثيرة
لكن الخلاصة عميلك المستهدف هو اللي يعرف قيمة منتجك ويعرف قيمة السعر مقابل الجودة
تذكر صعب ترضي كل احد👌🏼

مثال ثاني والامثلة كثيرة
فيه فعاليات بموسم الرياض تكلفة الخدمة او الدخول او اللعبه
ممكن توصل اكثر من الف ريال
البعض راح يعترض على السعر ويقول غالية ويعطيك الاسباب حقته
لكن العميل المستهدف هو اللي راح يدفع الف ريال بدون اعتراض
تذكر صعب ترضي كل الناس ومب كل الناس جمهورك👌🏼

عشان كذا انت لازم تعرف وتدرس مين عميلك
مين اللي مستعد يدفع للمنتج
هل انت تستهدف شريحة كبيرة او جمهور خاص؟
كل ما كان جمهورك كبير كل ما كان عامل السعر مهم
مثال تايوتا جمهورها المستهدف الطبقة المتوسطة
المرسيدس جمهورها المستهدف الطبقة الغنية
وغيرها من الامثلة الكثيرة