@rico4_ للأمانة القصه مب لي لأكبر أخواني من أمي قبل ٤٠ سنه م الحين
امي متزوجه قبل ابوي بشخص وجابت منه ولد ولما صار عمره ٣سنوات تطلقت منه بسبب انه مدمن واخذت اخوي معاها لما جاء عمره ٥سنوات تقدم لها ابوي وتزوجته وشرطت ولدها معاها واخذته معاها بعد الزواج وابوي م قصر معاه بشيء حملت امي يتبع
امي متزوجه قبل ابوي بشخص وجابت منه ولد ولما صار عمره ٣سنوات تطلقت منه بسبب انه مدمن واخذت اخوي معاها لما جاء عمره ٥سنوات تقدم لها ابوي وتزوجته وشرطت ولدها معاها واخذته معاها بعد الزواج وابوي م قصر معاه بشيء حملت امي يتبع
@rico4_ حملت امي بأخوي الثاني وكانت تقول لنا كل هالفتره ماتنام الا وهي ضامته وتشم ريحته ودموعها ع خدها خايفه م اليوم الي بياخذونه اهل طليقها فيه، المهم يوم ولادتها بأخوي ولددته الفجر ، وجاو اهل طليفها لديره أبوي،
@rico4_ طبعاً ابوي ما يقرب لامي ومن منطفه ثانيه ولابينهم اي تواصل ولا كان فيه جوالات معاهم على ايامهم جايين فجأه من غير علم لأمي بجيتهم ،، قالو بياخذون ولدهم وصادف انه في نفس اليوم الي ولددت امي فيه اخوي الثاني ،،
@rico4_ ابوي رفض انهم ياخذونها وامي بالحاله ذيك ،، قالت امي انهم من الساعه ٧ الصباح الين ١٠ وهم يتخانقون اهل طليقها يبون ياخذونه وابوي رافض الا برضى أمي ،، قالت وقمت على شان أقصر الشر وقلت راضيه
@rico4_ لان في زمنهم الحضانه للاب مش للأم،، وأخذوه من امي ومن بعدها قالت احس قلبي انتزع من مكانه وجلست الاربعين كله ماتحب ولدها الي ولدته ولا تدري عن نفسها ولا الناس تقول كأنه حلم ماهي قادره تستوعب انه اخذوه خلاص
@rico4_ وخصوصاً انه في ديره ثانيه ولا تدري عنه ولا عن اخباره،، وهو متعلق في امي كثير واذا راحت مشوار مع ابوي يخاف ماترجع له وامي كانت ماتروح الا وهو معاه تخاف يجون اهل طليقها وياخذونه وهي مب عنده مرت الايام امي نحفت حيل لدرجه الكل يعلق ع نحفها من كثر فقدها له
@rico4_ كانت اذا جات عند جدتي تشوفه احياناً مب كل مره يجيبونه عند جدتي وينام معاها ويجلس ويروح قبل تروح امي مع ابوي بس كانت اذا راحت لديره خوالي كأنه عيد على يمكن تشوف ولدها وتشم ريحته ولاتروح الا في السنه مره بس واحياناً في السنتين مره
@rico4_ وكبر وحنا كبرنا ولما صار يسوق صار يجينا كل سنه مره يزور امي فيها،، وماعنده اخوان من ابوه بس احنا ،، وكان قاطع مايجي امي الا نادراً بعدها عرفو اخواني انه مدمن واخذوه وعالجوه ودور له وظيفه وتوظف وامي انبسطت واخيرا بيصير زي اخواني الباقين ويستقر وتقر عينها فيه
@rico4_ بس برضو كان قاطع لما كبرت انا صرت اتواصل معاه من جوال امي واشوف اخباره وصرت شوي شوي امون عليه اكتشفت ان فراق امي مأثر عليه مررره واهل ابوه مدمنين كلهم وصار زيهم وكل ماعالجوه اخواني رجع بعدها قاطعوه اخواني بس انا الي اتواصل معاه وامي لعل وعسى يتغير
@rico4_ الين عرفنا انه بيتزوج وفرحنا كثير انو اخيراً بيستقر وتكلفو اخواني بأغلب مصاريف الزواج وفعلاً حضرنا زواجه وقمنا فيه وانبسططت انو اخيرا راح يكون له أسره ،، ويعيش جو العائله الي انحرم منه ،،بس للاسف زوجته طلبت الطلاق والحين ع وشك الانفصال
@rico4_ ولما كلمته قال ماني قادر اعيش مع احد ماتعودت ع المسؤليه ولاعارف للبنات ولا وش يبون او يحبون ماني قادر افهمها ولاهي قادره تفهم وضعي واني وحيد من لما وعيت على هالدنيا قالي ترا ماني مبسوط اني مااشوفكم والله اني احبكم بس ماادري ليش انا كذا ماني مرتاح اني بعيد عنكم
@rico4_ هالكلام قبل اسبوعين ورجع اخوي لنقطه الصفر 💔لا وظيفه ولا عائله ولازوجه عكسنا انا واخواني من ابوي وامي حياتنا مستقره وامي وابوي حولنا وتزوجنا وخلفنا،، حنا مابقى طريقه ماسويناها ع شان يكون معانا ويتعود علينا احس عنده عقد من الطفوله لازم له علاج بس هو في ديره وحنا في ديره
@rico4_ طولت كثيير بس حبيت اتكلم بالتفاصيل اخوي تدمر من بعد امي عنه واهمال ابوه له الله يرحمه ،، هذي من محادثته معاي اخر مره
💔💔 ادعو له الله يسعدكم بالهدايه
💔💔 ادعو له الله يسعدكم بالهدايه
@rico4_ على اني اقرب اخواني له وافهمه اكثر منهم الا اني عجزت على مدار ٩سنوات اخليه يتخطئ طفولته وماضيه 💔💔 احسس بألم اني ابي اساعده بس ماني عارفه كيف وهو اساساً مايبي يساعد نفسه !
جاري تحميل الاقتراحات...