مؤمنة كامل عملت اسم وسلسلة معامل في كل مصر و بمنتهى البساطة باعتها لشركة إماراتية وضيعت اسمها في الأرض مقابل مليار وربع
شفت التعليقات اغلبها انا ابيع اهلي عشان ربع المبلغ دا انا ابيع نفسي عشان ربع المبلغ دا انا احط اسمي في الوحل عشان المبلغ دا عيب يجماعة بقوا كلاب فلوس وتقولوا كلام يحط من شأنكم ويهينكم، فيه حاجات مال الدنيا مش بيشتريها زي كرامتكم مثلاً اللي انتوا لسة هاينينها في التويتة دي
وبتستغربوا الكوايتة بيهينوكم ليه؟ عشان تفكيركم المقزز والاستعداد للتنازل عن اي شئ مقابل القرش حتى الكرامة والأهل.. اخص بجد انا غلطانة اني كنت بدافع عنكم لما الخلايجة يهينوكم.. تستاهلوها بجدارة
انت بتريل عالقرش لدرجة يبقا عندك فلوس مكفياك لكن تسيب امك وابوك في سنهم الكبير يموتوا وانت فالخليج عمال تزود الخميرة، تبقا مقتدر وعاوز اكتر وتسيب مراتك وعيالك في مصر محرومين من الأب وأسرة مفككة وانت بالنسبالهم مش اكتر من زكيبة فلوس
تتحمل الإهانات من طوب الأرض في الخليج وترضاها على كرامتك وتقول عشان الفلوس، تتحمل الغربة وانت أصلا عامل فلوس عشان تجيب فلوس انت اصبحت مستعد تضحي بأي شئ مقابل القرش، بلدك، اهلك، كرامتك، راحتك انت في كلمة واحدة عبد للقرش اللي هيفضل يدوسك طول عمرك.. إنچوي
كلامي جالك عالجرح؟ اه فووووق بقا الفلوس مش هتعوضك امك وابوك اللي بيموتوا وانت بعيد عنهم مش هتعوضك كرامتك ووحدتك مش هتعوضك أسرتك المفككة، فعلاً مش مستغربة التعليقات اللي اغلبها منحطة من ثقافة ربها الأعلى هو القرش.. تستحقوا الإهانة👍
جاري تحميل الاقتراحات...