لما تقعد في الكرسي الوراء السواق في الميكروباص بالذات في النص لازم تفهم انك في مكان استراتيجي لازم تبقى مصحصح عشان انت البتوصل الاجره وترجع الباقي
لو انت مش قد الكرسي ده ياريت ترجع على الكنبه الوراء تنام وتفسي براحتك
ولو انت عاوز تعمل رياضه ومعندكش وقت ممكن تقعد على الكرسي القلاب عشان كل شويه هتقوم تقفل الكرسي وتنزل وبعدين تفتح الكرسي وتركب لما حد يكون نازل
اما لو عاوز تنام فتاخد الكرسي الجانب الشباك وتريح دماغك على الشباك بدل كتف الجانبك وربنا يعينك يا عمنا
اما بقى لو انت لابس العلى الحبل والكوتش ابيض فبكل شياكه افتح الباب الجانب السواق وخد الكرسين واي حد يجي يفتح الباب اتنك وبصوت كله ثقه قولوا خلاص يا صاحبي اودام
اه نسيت لو الاجره فيها فكه ياريت تحاول تحضر الفكه تجنباً للمعارك عشان دايما سواق الميكروباص على حق
في حاجات في الميكروباص العلم مش عارف يفسرها زي كوب الشاي ازاي مبيقعش منه نقطه مع ان السواقه كلها سرعه وغرز وكمان الباب ازاي السواق بيقفلوا لوحده من عنده من غير زراير
بعض الإشارات للميكروباص
ياريت بقى تكتبولنا اجمل العبارات القرتوها على الميكروباص
جاري تحميل الاقتراحات...