لطلاب الجامعه استثمر وقتك في الحاجات هذي عشان تقدر تتخرج وانت مبدع في تخصصك وتكون جاهز لمرحله ما بعد الجامعه :
١- طور لغتك الانجليزيه.
٢- خصص وقت تدرس فيه كل محاضرها بيومها وتبحث عن كل معلومها تاخذ وتوسع معلوماتك فيه.
٣- اقرأ عن الحاجات اللي بتخصصك وشوف المشاريع اللي فيه.

٤- اعمل على بناء CV قوي لك خلال دراستك بالجامعه من دورات ومسابقات على تخصصك وغيرها 👍🏻.
٥- اذا كنت مبرمج المشاريع اللي تسويها ارفعها على النت وحط الرابط بالـ CV لانه يعتبر اثبات لهم انك سويته والمهم تكون فاهم شغلك.
٦- حاول تاخذ وتتعلم من تجارب الدكاتره بالجامعه * راح تستفيد 👍🏻

٧- خصص وقت لتعليم الذاتي ادرس الحاجات اللي تأسسك من الصفر في تخصصك اربع سنوات مع التعليم الذاتي راح تتخرج وانت فاهم👍🏻.
٨- استفيد من تجارب غيرك بالتخصص وركز على نقاط القوه فيك ونقاط الضعف عشان تقدر تمشي صح.
٩- خصص يوم واحد في الاسبوع تختبر نفسك فيه عشان تشوف انت فهمت ولالا👍🏻❤️.

١٠- احرص على التطبيق العملي حتى لو تغلط مره ومرتين بس بعدها راح تمشي صح التطبيق العملي راح يخليك تبدع اكثر.
١١- التدريب التعاوني مهم ركز عليه اختار مكان كويس تتدرب فيه عشان تتعلم حاجات كثير وتشوف سوق العمل كيف طريقته وكيف بيئه الوظايف هالشيء راح يعلمك حاجات كثير❤️👍🏻

اجتهد واتعب على نفسك وخصص وقتك انك تستثمره انت قدامك ٤ سنوات تبني نفسك فيها ، ورزقك راح يجيك بالكامل كل اللي عليك تحسن الظن بالله وتتوكل على الله وتفعل الاسباب ، الله يوفقكم❤️❤️