من كام شهر كده قررت الدخول في #البورصة_المصرية كان وقتها يقال ان البورصه واقعه وحابب اقولكم الواقع المرير اللي شوفته هناك اولا لقيت اسهم شركات خسرانه لكن اسهمها زادت عشرات الاضعاف ووقتها تعجبت ازاي ده بيحصل والرقابه الماليه واقفه بتتفرج
يمكن بحكم شغلي في مجال التجاره رفضت اشتغل في اسهم الشركات دي مع ان مكسبها كان بيوصل 100% في فتره قليله جدا لكن مخاطرها عاليه وهي اسهم بلا قيمه او قيمتها قليله جدا ومعظم الافراد كانت شغاله فيها وبخمد ربنا دلوقتي اني رفضت الاسهم دي #البورصة_المصرية
تعجبت وقتها ازاي الرقابه الماليه سايبه الميكرات دي تاخد السهم بعشر قروش مثلا ويقعد يرفع السعر لحد ما يوصل 1 جنيه وده كان بيتم بان يكون الميكر عامل كذا محفظه تبعه ويقعد يبيع ويشتري ويدور الاسهم في المحافظ ده والسعر يزيد والافراد تدخل تجري #البورصة_المصرية
حصل كده في اسهم كتير وميكرات معروفه بالاسم والرقابه ساكته وده خلي الميكرات تفجر لدرجة سهم زي المنصوره للدواجن رفعوا السعر من 20 قرش ل 3 جنيه وعشرين قرش والشغل بملايين الاسهم وكان في الاخر الافراد تتحبس فوق بعد ما الميكر يكون باع عليهم والسعر ينزل #البورصة_المصرية
وفي يوم وليله ادرة #البورصة_المصرية قررت انها تفوق وتحارب الميكرات دي بس مش علشان هما حراميه وبيسرقوا فلوس الناس لا علشان عايزين منهم ضرايب بزياده ويعملوا ملفات ضريبيه وده ادي لانهيار تام للبورصه بقالنا شهرين الاسعار بتنزل في الاسهم دي 20% يوميا بدون مبالغه ولو سهم زاد يوفقوه
ممكن حد يقول يستاهلوا علشان اللي دخل طماع لكن احب اقوله ان الاسهم القويه برضو اتأثرت لان في حاجه اسمها مارجن وده عباره ان شركة تداول الاوراق تدي لواحد مثلا محفظته قيمتها مليون تديله فلوس مليون جنيه كمان لكن علشان تضمن حقها لو المحفظه اللي بقت ب 2 مليون نزلت ل 60% تبيع اجباري
وبيحصل حاجه اسمها مارجن كول فلو المحفظه دي معاها فيها اسهم قويه الاسهم بتترمي وده بيعمل حاله من الانهيار في #البورصة_المصرية وده اللي حاصل دلوقتي والرقابه الماليه وادراةه البورصه واقفه تتفرج بل بالعكس بتساعد انه ده يحصل وناس كتير بتفلس حرفيا
القائمين علي #البورصة_المصرية متعمدين انهيارها وبيضحكوا علي الناس بالمؤشر وانها بتكسب واعرفكم برضو المؤشر ده اكتر وزن فيه لسهم البنك التجاري الدولي يبقي كل الاسهم خسرانه خساره رهيبه والتجاري طالع تلاقي المؤشر طالع وطبعا ضحكوا علي الناس يوم الغاء قانون الطوارئ بكده
يومها فعلا الاسهم كانت بتنزل جامد والمؤشر طالع ورئيس #البورصة_المصرية يطلع علي القنوات يقولك البورصه كسبت اه يا بجاحتك يا اخي واحب اقول للقائمين علي المؤسسات والصناديق المصريه ربنا ينتقم منكم لانهم بدل ما يسندوا البورصه هما اول ناس ابتدت الانهيار ده ورموا الاسهم باسعار رخيصه
لانهم عارفين انهم هايشتروها تاني باسعار ارخص ويعملوا حاجه اسمها تريده عكسيه انا الحمد لله خسارتي في #البورصة_المصرية قليله حوالي 6% لان في ناس كتير خسرت كل فلوسها واللي خسران 60 و70 % في البانيك الاخير ده اللي الناس بتندبح فيه حرفيا واخر حاجه اقولها حسبنا الله ونعم الوكيل
نسيت اقول فساد تاني في #البورصة_المصرية هو تركيع بعض اسهم شركات قويه ماليا جدا زي مدينة نصر تحت مرئي ومسمع الرقابه الماليه بيكون السهم قيمته الحقيقه 10 جنيه مثلا وموجود علي الشاشه ب 2 علشان يتسرق نت الافراد بقررات مريبه من مجلس الاداره للشركات دي ويتلم من ناس تبعهم
جاري تحميل الاقتراحات...