1\11
في 2013، كانت معي هالموتو الروسية (يورال، الروس سرقوا التصميم من بي أم دبليو تبع هتلر إيام الحرب العالمية التانية). المهم، كانت عندي صديقة عزيزة من المجتمع المدني يللي بتكره الأحزاب (ما عدا القوات)، ولم تنجح في خلع الثوب الطائفي.
في 2013، كانت معي هالموتو الروسية (يورال، الروس سرقوا التصميم من بي أم دبليو تبع هتلر إيام الحرب العالمية التانية). المهم، كانت عندي صديقة عزيزة من المجتمع المدني يللي بتكره الأحزاب (ما عدا القوات)، ولم تنجح في خلع الثوب الطائفي.
2\11
وفي لحظة تخلّي، قررت طلّعا مشوار على الجنوب لحتى تشوف الوجه الحقيقي للجنوب وأهل الجنوب، ولحتى تشوف الوضع على الأرض بأم العين. وطبعاً، ما خليت مطرح من معتقل الخيام لمارون الراس ولكل نقطة إلها مطرح بذاكرة أو وجدان الإنسان الجنوبي.
وفي لحظة تخلّي، قررت طلّعا مشوار على الجنوب لحتى تشوف الوجه الحقيقي للجنوب وأهل الجنوب، ولحتى تشوف الوضع على الأرض بأم العين. وطبعاً، ما خليت مطرح من معتقل الخيام لمارون الراس ولكل نقطة إلها مطرح بذاكرة أو وجدان الإنسان الجنوبي.
3\11
وآخر شي، أخدتا على معلم مليتا السياحي يللي فيه متحف المقاومة والتحرير، وعملتلا برمة على كل المكان، هي كل الوقت مندهشة ولكن مش طايقة، لأن بصراحة، المخلوقة بتكره الحزب، نقطة. وكل ما كانت تشوف شي رمز خصه بإيران، كان يصير معا سمّة بدن، بس إنه عالخفيف، يعني بين واو وبين نياع!
وآخر شي، أخدتا على معلم مليتا السياحي يللي فيه متحف المقاومة والتحرير، وعملتلا برمة على كل المكان، هي كل الوقت مندهشة ولكن مش طايقة، لأن بصراحة، المخلوقة بتكره الحزب، نقطة. وكل ما كانت تشوف شي رمز خصه بإيران، كان يصير معا سمّة بدن، بس إنه عالخفيف، يعني بين واو وبين نياع!
4\11
وفي ختام الزيارة، عزمتا عالغدا بالمطعم يللي في المعلم السياحي (سياحي بس حربي بإمتياز، كله سلاح وعتاد ومجسدات حربية وعسكرية). وطلبنا لائحة الأكل، وهي عادي رواق، بس هالمرة، أنا يللي عصّبت. كل الأكل برغر وأخواتها، ما في ولا أكلة لبنانية أو إيرانية. صفر! ولا شي!
وفي ختام الزيارة، عزمتا عالغدا بالمطعم يللي في المعلم السياحي (سياحي بس حربي بإمتياز، كله سلاح وعتاد ومجسدات حربية وعسكرية). وطلبنا لائحة الأكل، وهي عادي رواق، بس هالمرة، أنا يللي عصّبت. كل الأكل برغر وأخواتها، ما في ولا أكلة لبنانية أو إيرانية. صفر! ولا شي!
5\11
طلبت المسؤول عن المطعم، وسألته إذا في أكل جنوبي أو إيراني أو شو ما كان، لأن بصراحة، شي مستهجن إنه كل الأكل أمركاني وكإني في عقر دار الشيطان الأحمر مكدونالدز. المهم، أخونا المسؤول ويللي معه كان جوابن، والله يا أستاذ هيدا الموجود، ما تآخذنا.
طلبت المسؤول عن المطعم، وسألته إذا في أكل جنوبي أو إيراني أو شو ما كان، لأن بصراحة، شي مستهجن إنه كل الأكل أمركاني وكإني في عقر دار الشيطان الأحمر مكدونالدز. المهم، أخونا المسؤول ويللي معه كان جوابن، والله يا أستاذ هيدا الموجود، ما تآخذنا.
6\11
جاوبته يعطيكن العافية، بس بتمنى تشوفوا قديش الموضوع جدي. ما فيك تعمل مقاومة ومتحف للمقاومة وآخر شي تنزّل أكل أمركاني وإنت عم تحارب الشيطان الأكبر. هيدا إسمه غزو ثقافي، وما إلا معنى إذا ربحت الحرب العسكرية وخسرت الحرب الثقافية.
عصبوا الشباب وفلوا، ونزلوا البرغر مع بطاطا.
جاوبته يعطيكن العافية، بس بتمنى تشوفوا قديش الموضوع جدي. ما فيك تعمل مقاومة ومتحف للمقاومة وآخر شي تنزّل أكل أمركاني وإنت عم تحارب الشيطان الأكبر. هيدا إسمه غزو ثقافي، وما إلا معنى إذا ربحت الحرب العسكرية وخسرت الحرب الثقافية.
عصبوا الشباب وفلوا، ونزلوا البرغر مع بطاطا.
7\11
أما الآنسة يللي كانت معي فكانت معصبة وعم تقول: بك شي براسك؟ هلأ بيعملولنا شي مصيبة. فكان جوابي: عيب هالحكي، فيكي تكرهي الحزب وجماعته متل ما بدك، بس هودي جماعة أوادم وما عندن هالحركات (قصدي متل القوات). فهي بلعت لسانا، وبالفعل، خلصنا ودفعنا وضهرنا.
أما الآنسة يللي كانت معي فكانت معصبة وعم تقول: بك شي براسك؟ هلأ بيعملولنا شي مصيبة. فكان جوابي: عيب هالحكي، فيكي تكرهي الحزب وجماعته متل ما بدك، بس هودي جماعة أوادم وما عندن هالحركات (قصدي متل القوات). فهي بلعت لسانا، وبالفعل، خلصنا ودفعنا وضهرنا.
8\11
قعدت حضرتا بالقفّورة (العربة يللي بجانب الموتو) وجيت أنا بدي دوّر، وإذ بتقلي: مصارين الموتو كلن برا!
وبالفعل، نرابيش البنزين مقطشين، شرايط مسحوبة، الكربوراتورين مقبوعين قبع (شو تذكرت هالكلمة) والموتو غير قابلة للتشغيل أو السير.
قعدت حضرتا بالقفّورة (العربة يللي بجانب الموتو) وجيت أنا بدي دوّر، وإذ بتقلي: مصارين الموتو كلن برا!
وبالفعل، نرابيش البنزين مقطشين، شرايط مسحوبة، الكربوراتورين مقبوعين قبع (شو تذكرت هالكلمة) والموتو غير قابلة للتشغيل أو السير.
9\11
وعلى بعد حوالي 100 متر، كان في شابين واقفين عم يراقبونا، وحترت، بحس بالخوف أو بعصّب أو بتشكى عند الكستومر سرفيس تبع المقاومة؟ الصبية يللي معي بلشت تعصّب وتبربس بالقواتي، فأنا لعبتا رواق وطلعت صندوق العدة وبلشت جمّع ما تيسر مما تقطّش، والشباب عم يراقبونا من بعيد.
وعلى بعد حوالي 100 متر، كان في شابين واقفين عم يراقبونا، وحترت، بحس بالخوف أو بعصّب أو بتشكى عند الكستومر سرفيس تبع المقاومة؟ الصبية يللي معي بلشت تعصّب وتبربس بالقواتي، فأنا لعبتا رواق وطلعت صندوق العدة وبلشت جمّع ما تيسر مما تقطّش، والشباب عم يراقبونا من بعيد.
10\11
المهم، بعد شي نص ساعة، وبفضل التكنولوجيا العتيقة مشي الحال، ودورت الموتو ومشينا وأنا عامل حالي كتير كول. بس طول الطريق، كنت شايف رفيقتي جنبي عم تطلع فيي وأنا عامل حالي مش شايف، على وجهها إبتسامة خبيثة ونظرة: قلتلي أوادم وما عندن هالحركات؟
المهم، بعد شي نص ساعة، وبفضل التكنولوجيا العتيقة مشي الحال، ودورت الموتو ومشينا وأنا عامل حالي كتير كول. بس طول الطريق، كنت شايف رفيقتي جنبي عم تطلع فيي وأنا عامل حالي مش شايف، على وجهها إبتسامة خبيثة ونظرة: قلتلي أوادم وما عندن هالحركات؟
11\11
للحقيقة، كان طريق الرجعة أطول وأتقل وأصعب مشوار عملته بحياتي. ما كنت معصّب. كنت شوي مبسوط إني قدرت صلحت الموتو وطلعت من الأزمة بأقل خسائر ممكنة. بس كل الطريق كنت حاسس بخيبة أمل بعدني لليوم ما قادر أوصفا، ولا زلت.
للحقيقة، كان طريق الرجعة أطول وأتقل وأصعب مشوار عملته بحياتي. ما كنت معصّب. كنت شوي مبسوط إني قدرت صلحت الموتو وطلعت من الأزمة بأقل خسائر ممكنة. بس كل الطريق كنت حاسس بخيبة أمل بعدني لليوم ما قادر أوصفا، ولا زلت.
جاري تحميل الاقتراحات...