الجزء الثاني:
وقالي عالعموم تعال نردك للدار ورد بالك تطلع زي ماقتلك ووقتها قتله اوكي ولحقته وهو يمشي ويتلفت وفجأه ونحن نمشوا خطر عليه البند اللي في التعليمات اللي قالي فيه أني لازم نحذر منه حتى هو وأنه مش حيجي هنا أساسا!! ووقتها وقفت نفكر في من الشخص اللي قدامي ولما وقفت قال
وقالي عالعموم تعال نردك للدار ورد بالك تطلع زي ماقتلك ووقتها قتله اوكي ولحقته وهو يمشي ويتلفت وفجأه ونحن نمشوا خطر عليه البند اللي في التعليمات اللي قالي فيه أني لازم نحذر منه حتى هو وأنه مش حيجي هنا أساسا!! ووقتها وقفت نفكر في من الشخص اللي قدامي ولما وقفت قال
وهو واقف قدامي ليش وقفت ي نور وهو علي وضعه لفت رقبته 180 درجه وكأنه مافيش عضام وقالي بصوت يخوف تبي تطلع ي نور ماتحاولش لأنك مش حتقدر ووقتها قعدت نوخر وعديت نجري شور البوابه الرئيسيه ونجري ونطيح ونرد نصبي ونجري وهو كان واقف مكانه ماتحركش لكن الشجر قعد يتحرك ويجي
قدام البوابه ويحاول يمنعني أني نهرب لكن وبكل قوتي قعدت نجري ووصلت للساس ورقيت بسرعه وطحت ولكن رجلي نلوت فقعدت مش قادر نمشي لكن قعدت نسحب في روحي لعند السياره ونبحت في الباب اللي قاعد ينفتح من تلقاء نفسه وركبت في السيارة وولعتها وفجأه شفت في المرايه صاحب المزرعه جاي شوري
وشغلت السيارة بسرعه في محاولة هرب قعدت نجري بسرعه ولما وصلت قريب نهاية الشارع وهو في بدايته مد يديه لين وصلن في السياره وقعد ماسك فيها وأنا نميل يمين ويسار نحاول نطيحه وفجأه طاح لكن مشيت شوي بعدها نزلت بيه السياره عالتراب وخشت في شجره وهنا فقدة الوعي شوي بعدها وعيت
لقيت راجل واقف عند. راسي واضح انه توا طلعني من السياره كان يسأل فيه إذا كنت بخير قتله أنا تمام برغم أنه في ألم في رجلي عالعموم ساعدني الراجل واللي هو سواق شاحنه وركبني معاه بحتت للساعه وكان حوال 5 الفجر وكانت الشمس دوبك طالعه وهنا حسيت اني تريحت وبعدها ركب صاحب الشاحنه
ومشينا ولاحظت أننا ماشين باتجاه الشارع اللي فيه المزرعه وهنا خفت لكن بعد ما مرينا بالشارع شفت شي صدمني شي خلاني مش قادر نستوعب شي واللي هو أن المزرعه لما مرينا بيها كان شكلها مهجور من زمان بكل والبوابه متاعتها مسكره بالشريط الأصفر ومحطوط قدامها لافته تحذيريه بدل من لافتة الاعلان!
وهنا وأنا في منتهى الصدمه قلت للراجل وقف بسرعه!! ووقف الراجل بسرعه يحساب قدامنا حيوان او شي بس بعدما نزلت ووقفت قدام المزرعة وأنا مصدوم من الخرابه اللي قدامي وأنا نقول اني مش مصدق! فجأه سألني الراجل ممكن تفهمني شن قصتك فقتله أن المزرعه هذه من امتى مهجوره ووين محمد السويفي!
وهنا تنهد الراجل وقالي انت من أمتى مش جاي هنا؟! تي محمد السويفي توفى في العركه اللي صارت في 2003 هنا أنت وين كنت عايش وهنا جتني الصدمه الأكبر قتله توفى كيف توفى وأمتى قالي المزرعه هذه مش كانت لعبدالعزيز بات محمد وبعد ماتوفى باته عيال عمه وبكل وقاحه قعدوا يبوا يورثوا
معاه وقعدوا يجيبوا في حاجات أوراق مزوره تفيد بأن المزرعه هذه لجدهم اصلا وقعدوا يجروا عالموضوع لكن ما حصلوا شي وفي الأخر في يوم 27 فبراير 2003حوالي الساعة "6 قريب المغرب" جوا عيال عمه السبعه لعنده في الفيلا وماكنوش ناويين خير وصارت مشكلة كبيره بينهم وصلت للضرب ووقتها هجم الحارس
متاع محمد علي واحد من عيال عمه وبدت العركه وفي وسط العركه جات الفرصة لولد عمه يوسف أنه يضرب محمد وهذا اللي صار ضربه بحديده علي راسه وطاح وقعد راسه يصب دم وخوته ضربوا الحارس بموس قتلوه وهربوا وبعدها توفى محمد من النزيف وهو اصلا المكان هذا ملعون صدقني اصلا باتي كان يشتغل
فيه ويعرفه زمان كان يشتغل عند شايب الشايب كان ساكن هنا قبل مايشريها عبدالعزيز وفي يوم لقوا الشايب ميت وهو مقمعز عند شجر الرمان ومطعون خمس طعنات!! ويقال انه عفريته مازالت ساكنه المكان وحتى من زمان موتن خمس عزايز خذتهن ماكينة حصاد باتي قالي كل يوم بعد الساعه11 يشوف في مشهد موتهن
وهو يتكرر وبعد القصة اللي صارت وموت محمد الدوله خذت المزرعه خصوصا انه مافيش حد يبي يشري مزرعه مقتول فيها واحد ولكن الدوله ما استفادتش منها وقعدت زي ما انت شايف خرابه وشويه شجر صايف!
الشي اللي صار يمكن مايصدقش بس هو صار معاي ولكن عالأقل قادر نفهم سر اللافته اللي شفتها وكل الأحداث اللي صارت الساعه 6 ومن وقتها معاش قعدت نلتفت لأي إعلان غريب الأطوار وكويس أني طلعت سالم من هالمزرعه وهذه كانت قصتي مع الوظيفة الملعونه......النهايه❤
نتمنى انها تكون عجبتكن
نتمنى انها تكون عجبتكن
جاري تحميل الاقتراحات...