حدث ذات ليلة "الوظيفة الملعونه"
أهلا أنا نور وأن صح التعبير أنا نور الدين.
مش عارف من وين نبدا قصتي بس أنا شاب عمري28 سنه خريج هندسه وعاطل عن العمل وكنت ندور علي وظيفة وأي وظيفة لأني كنت محتاج لفلوس وفي يوم من الأيام كنت ماشي لأقاربي مريت بطريق كان كلها شجر
أهلا أنا نور وأن صح التعبير أنا نور الدين.
مش عارف من وين نبدا قصتي بس أنا شاب عمري28 سنه خريج هندسه وعاطل عن العمل وكنت ندور علي وظيفة وأي وظيفة لأني كنت محتاج لفلوس وفي يوم من الأيام كنت ماشي لأقاربي مريت بطريق كان كلها شجر
كنت مشغل الأغاني كعادتي وندندن🎶وفجأة شفت شي استوقفني فرديت عليه عشان كنت متخل أني نحلم فلما رديت لقيت أن اللي شفته كان صح! كانت لافته قدام مزرعه فيها فيلا مكتوب عليها أنهم محتاجين حارس للمزرعة بمرتب 10000 د بصراحة اللي صدمني الرقم! قلت أكيد صاحب الإعلان مجنون
ليش يعطي 10000 د لحد عشان بس يحرس بالمزرعة!كنت نقول فيها وأنا نضحك وفجأة فكرة أنه ليش ما نكون أنا الحد هذا! ولقيتهم حاطين رقم في الإعلان عشان تتصل بيهم! فخذيت الرقم واحتفظة بيه لوقت أخر وكملت طريق لأقاربي في الليل بعد ما روحت لحوشنا
كنت في السرير مش عارف نرقد كنت نفكر في الوظيفة و الشي الوحيد اللي مش لطيف فيها وهو الموقع! المكان بعييد بكككل يعني محتاج 3 ساعات عشان نوصل وطريق مقطوعة وكلها قطع أراضي ماحد باني فيهن وشوية شجر والمرزعة الوحيده! ومافيش أي شخص ساكن قريب عالعموم أنا مديون لناس واجد وعاطل عن العمل
وهذه فرصه ذهبيه بسبب المبلغ كنت نقول عالأقل نشتغل شهرين عندهم بعدها رقدت وأنا نخطط ونحلم😴 جاء ثاني يوم بعد الفطور قمعزة في داري واتصلت بالرقم لكن محد رد! واستمريت في محاولات الإتصال لكن محد رد!شكيت ساعتها أنه ممكن يكون الشي هذا مجرد خدعة لأنه واضح من الأجر وأيضا معقول ماحد غيري
شاف الإعلان! بعدها وبحوالي الساعه 6 مساءا جاني إتصال وكان الإتصال من صاحب المزرعه المزعوم! فتحت المكالمه شويه رد عليه واحد كان اسلوبه لبق وقتله أني كنت متصل بخصوص الإعلان فرحب بيه وفرح جدا وعلى طول قالي ح نتلاقوا بعد أسبوع بعد الساعة 6 مساءا!!
حسيت أنه مش مصدق!
حسيت أنه مش مصدق!
مافهمتش يعني هو عارض ظيفه تافه بمقارنة بالراتب فليش متفاجئي ما هذا الطبيعي وليش محسسني أن أنا الوحيد إللي أتصلت عليه! أنا متأكد أن أي حد مر بالطريق وشاف الإعلان اتصل عليه ولو أن المكان مايجيش في بال حد عالعموم قبلة الدعوه ومر الوقت وجاء اليوم اللي حنتلاقى فيه بصاحب المزرعه
واللي هو محمد السويفي حسب ماعرف بنفسه لما سلمت عليه وكان شخص باين فيه أنه غني وغبي وغامض في نفس الوقت او مش غبي ممكن نقول ساذج مع إني مش عارف شن تفرق عالعموم قالي أنه قبلني للوظيفة بدون أي مقدمات لكن بشرط وهو أني نوافق على لائحه من التعليمات اللي لازم نمشي بيها وعن نفسي وافقة
ع اللائحه من قبل حتى مانشوفها! خذيتها في يدي فابتسم ابتسامه غريبة وقالي واضح أنك واثق من نفسك وقالي عالعموم أول شي لازم تعرفه هو أن ساعات العمل يبداً من الساعة 6 مساءا حتى 4 فجرا! وقالي المهم ماتنساش أنك تقرا المطلوب قلتله أوكي! كنت نتمنى لو أنه الشغل صباحي ولكنه طلع مسائي!
شيء مؤسف بس ماشي يعني بس حبيت نعرف وين ح نقعد وقت الحراسه فقالي أوكي تعال معاي مشيت معاه للفيلا! خشينا وعرض عليه غرفه كان فارهه وواسعه أنا أساسا مستغرب ليش خشينا جوه الفيلا من المفروض أني نقعد بره وفي مكان ليه مخصص للشي هذا بس على أي حال المهم أني نشتغل وبس وبعد ما انقبلة روحت
للحوش ومعايه ورقت التعليمات والمفاتيح فتحت الورقه وقريت التعليمات اللي كانت غريبة شوي بقد غرابه صاحب الفيلا فكانت تنص على الأتي
1يبداء الدوام من الساعه 6 مساء وممنوع تجي قبل هالوقت والا حيتم فصلك! ولكن تقدر تجي متأخر في حدود الساعة بس!
1يبداء الدوام من الساعه 6 مساء وممنوع تجي قبل هالوقت والا حيتم فصلك! ولكن تقدر تجي متأخر في حدود الساعة بس!
2 اول ماتجي الساعه 11 امشي لدارك بسرعه وسكر على روحك وممنوع أنك تطلع الا بعد الساعه تجي الساعه 2 مساء وطول هالفتره ممنوع انك تطلع حتى لو سمعت أصوات بره او في الفيلا بل حتى لو خبطت عليك أنا شخصيا وطلبت أنك تفتح ومهما أصريت رد بالك تفتح وأنا أساسا مش حنجيك!!
وبعد هالوقت تقدر تطلع
وبعد هالوقت تقدر تطلع
ومن الساعه 2 للساعه 4 تقدر تطلع ودير برمه عالمزرعه ولكن في حال شفت حد كبير في السن قاعد عند اشجار الرمان رد بالك تحكي معاه او تقرب منه او حتى تحبت فيه ولو شفته يحاول يتواصل معاك او يقرب منك اهرب بسرعه لدارك وسكر علي روحك وماتطلع الا بعد الفجر! بالنسبه للمرتب حتستلمه نهايه الشهر
بالتوفيك ؛ محمد السويفي" في عقلي قلت الراجل هذا مش بس مجنون بل حتى قوانينه مجنونه زيه وحاجة غريبة عالمهم انه أغلب الوقت حنقعد فالدار اصلا ومش حنطلع وفي النهايه حناخذ 10000 الموضوع مسلي+حنجيب شوية كتب معايه نستغل بيهن الوقت اللي هو اساسا ضايع! وقعدة واعي الليل كله نفكر وبالمره
عشان نقلب روتيني لأني حنشتغل بالليل وبكره أول يوم وبعد ما جاء الصبح رقدة لين الساعه 4 ونص نضت ولبس بسرعه عشان الطريق طويله وهنا وخطر عليه انه هو قالي اني نقدر نتأخر بس ممنوع نجي بدري وفعلا طلعت ولأن الطريق تاخذ في 3 ساعات عالأقل وصلت الساعه 6 ونص وطلعت المفاتيح وفتحة المزرعه
وأول شي درته جوله تفقديه سريعه للمكان وكان كل شي تمام قمعزة وقعدت نقرا في روايه وحطيت البيلا جنبي وفجأة رن تلفوني حوالي الساعة 10:50 وكان واحد من اصحابي وكان يسأل فيه عن شيء مهم وضطريت نحكي معاه مكالمه طويله خذاني الوقت وبعد ما كملت المكالمة فجأة بديت نسمع في صوت!
كان صوت موسيقى تقليديه عبارة عن دربوكة وزمارة وصوت مجموعه من النساء يصفقن وصوت أله زي ماكينه الحصاد استغربت من الأصوات وهنا بحتت لتلفوني وكان الساعه فيه 11:10 يعني كان من المفروض اني نكون جوه الدار ومسكر علي روحي قبل عشر دقايق! هنا كنت خايف لأن مش عارف شن سر الصوت
وفي نفس الوقت كنت نبي نمشي لباب الفيلا واللي قاعد في الجهه اللي يجي منها الصوت لكن كنت خايف مع ذلك مشيت ورجليه كانن يرجفن من التوتر وطمرت وراء الشجر وألقيت نظره عن شن قاعد يصير واللي شفته فجأني بل صدمني شفت مجموعه من النساء قاعدات ووحده منهن كانت سمينه كانت ماسكه
دربوكه وتغني وجبنها راجل ماسك الزماره وجنبهم وحده كانت تحمص في لوز او قليه مش متأكد الصراحه ووحده كانت ترغوي في الشاهي كانت تزغرت وكانوا كلهم يضحكوا وكان في شخص ثاني راكب في مكينة حصاد وكانت المكينه تحصد لين الماكينه فجأه مسكت في جرد وحده من الصبايا وسحبتها وفجأة
هذاك الأغاني قلبت عياط. الصراخ كان تقريبا في كل مكان والمكينه كل شوي ساحبه واحد منهم وبعد ما عفست عليهم اختفوا كلهم بالمكينه بكل ورد الوضع كيف ما كان وبعدها حاولت نتسلل للفيلا عشان نبي نخش للدار وفجأة حسيت أنه في شخص قاعد يلحق فيه وكل ماحاولت نعرف من كان يختفى وفجأه
خشيت للفيلا وعديت نجري شور المطبخ بس مالقيت شي ندافع بيه عن نفسي وهنا سمعت صوت الباب انفتح وشوي شوي بديت نسمع في خطوات متردده طمرت وراء باب المطبخ وكنت ميت من الرعب وصوت الخطوات كان متجه شور المطبخ بعدها شفت الباب وهو ينفتح شوي شوي وأنا قلبي قريب يوقف
وبعد ما الشخص اللي يلحق فيه فتح الباب عالأخر رديت الباب عليه بالقوه في محاوله لضربه وهنا سمعت صوت كلب مسعور ولما بحتت شفت الكلب يجري طالع بره بعد ما خبطه بالباب توقعت أنه كل شي انتهى ونقدر نهرب للدار شفت الساعه وكانت 12:45 ولما رفعت راسي شفت خيال حد وصوت رجليه وهو نازل من
الدروج وهنا قلت أني خلاص مش حنقدر نتحمل لازم نهرب من المكان هذا وهنا هربت نجري بسرعه بره وفجأه سمعت صوت حد جاي من عند أشجار الرمان يقول ساعدوني وقلت يمكن يكون حد محتاج لمساعده فعلا ولما مشيت شور مصدر الصوت لقيته شايب وأول ماوصلت سكت وقعد يبحت فيه زين وساعتها تذكرت ان صاحب
المزرعه قالي عن الشايب بس قالي اني لازم نتجنبه وممنوع اني نبحت فيه حتى! وفجأه وأنا نسترجع في التعليمات الشايب وقف وبدا يتحرك شوري ساعتها قعدت نجري وهو يجري في جرتي ويقولي ارجى يوليدي نبي نحكي معاك بس أنا استمريت في الجري وبعد ما التفتت ماشفتش الشايب وراي ولما رديت نحت قدامي لقيته
كان واقف وهو مبتسم ابتسامه تخوف وقالي مش قتلك استنى نبي نحكي معاك ليش هربت وقعد يقدم وانا نوخر وهنا طحت وماشفت شي ولما رفت راسي لقيت الشايب موقف وبعدها طاح كان وراه محمد البوسيفي صاحب المزرعه وقالي وهو معصب مش قتلك انتبه وممنوع تطلع من الدار وقالي عالعموم تعال+
جاري تحميل الاقتراحات...