رتبها

ثريد تحليل مباراة الأهلي vs البنك الأهلي
🔴 بين أخطاء اللاعبين و قراءة موسيماني وادرته علي الخط
🔴 جودة خالد جلال وازاي تفوق و خنق ٣-٤-٣
🔴افضل ضغط عالي
🔴 هل الأهلي كان سئ ولا البنك الأهلي اللي كان كويس ؟
🔴 فجوة ديانج
كل الأسئلة دي هايجاوبها الثريد ..يارب يعجبكم 🤗 ..و

هل الإسماعيلي كان سئ ولا البنك الاهلي جيد ؟!
كان رأيي قبل المباراة ان موسيماني مايبدأش ب ٣-٤-٣ ليه
أولا لان المفاجأة هي سبب الفوز علي الإسماعيلي بالنتيجة الكبيرة ..ده دفع خالد جلال لدراسة الأهلي بعد ماشاف الطريقة وحضرلها كويس وده سبب تاني انك تلخبط كارتيرون في القمة علشان ..

نتفادي مواجهة ماحدث في مباراة البنك ..وانك تحطه بين خيارين يحضر ل ٣-٤-٣ ولا ٤-٢-٣-١ ؟!
دي كفيلة تلخبط اي محلل اداء او مدير فني لان الطريقتين مختلفين تمام عكس الزمالك اللي مثبت طريقته من سنين وسهل التحضير لمواجهته لكن ده مش معناه سهولة المواجهة لكن بيمهد الطريق للفوز

لما تقيم اداء فريق او موسيماني لازم تشوف المنافس قدم ايه و موسيماني واجه ده ازاي
باعتبر فريق البنك الأهلي قدم افضل نسخة لفريق في الدوري المصري من حيث الإنتشار و الضغط العالي ورقابة رجل لرجل والتحول الهجومي والدفاعي
فرض خالد جلال اسلوبه من خلال ضغط عالي و رقابة رجل ل رجل ..

بطول الملعب وعرضه وساعده انه لعب بطريقة لعب متطابقة مع المنافس ٣-٤-٣
فأصبح في تعادل رقمي في كل الخط بل كان افضل انتشارا وتفوق عددي في كل اجزاء الملعب !
الضغط بمهاجم (فادي فريد) علي مراكز بناء الهجمات ( بدر، ايمن ، حمدي) ماعطل بناء الهجمات والتحول السريع للهجوم

حديثا المدرب اللي بيتفوق في الضغط و يتغلب علي ضغط المنافس فهو اقرب للفوز بنسبة كبيرة
ضغط فريق البنك عالي منع اشتراك لعيبة الدفاع في الهجمات و قفل زوايا التمرير الأمامي و خلي لعيبة الأهلي دايما تستلم بضهرها للمرمي وارهقهم بدينا وذهنيا و دفعهم لإرتكاب الأخطاء خطأ تلو الأخر ..

في الصورة افشة وميكيسوني( عقل الفريق) غير قادرين علي بناء الهجمة ودايما عليهم رقابة وده خلاهم اما مايتحركش بدون كرة او انهم يحرصوا فقط علي عدم فقدان الكرة و بالتالي توقف التمريرات المفتاحية او الإبداعية ودي من ضمن الأخطاء اللي ارتكبت في ظل الضغط العالي من المنافس

في مباراة الإسماعيلي وضحنا تفوق الأهلي عدديا في منطقة القلب و الأطراف ..علي العكس تمام في مباراة البنك ، تفوق الخصم عدديا في الأطراف والقلب مما يتيح له تفوق دفاعي و خيارات تمرير اكتر اثناء التحول او الهجوم
وكمان الغي ميزة الأطراف وطريقة اللعب

الصورة ١من مباراة الإسماعيلي بيوضح فارق تمركز الأطراف ( معلول و اكرم) و دول تقريبا اكبر ميزة في طريقة ٣-٤-٣ ماقدرتش تستفيد وعلشان كدة موسيماني غير الطريقة
صورة ٢
علي معلول غير قادر علي التحول ووقف لتحولات ال wing back بتاع البنك الأهلي ..يعني الخصم بنفس الطريقة تفوق في التنفيذ

هل ده بسبب اللاعبين ولا المدرب !؟
قلت سابقا ان الكرة لا تتعلق فقط بأداءك ولكن بأداء المنافس و متفيرات كتير منها حالة اللاعبين سواء فنيا او بدنيا ..
الصورة كمان بتوضح اللي كان بيعمله بانون بيتعمل عليك .
انتشار وسط البنك وتحركات اللاعبين ساعد علي ذلك ، في الصورة بانون خارج منطقته

بسبب تحرك المهاجم لاسفل و تحركات محمد هلال اللي لعب دور كبير في التحولات و صناعة اللعب بنزوله لاسفل ( عكس افشة و ميكسوني)
في الصورة هلال خيار تمرير للدفاع و تحرك لاسفل لبناء الهجمة

ماذا فعل موسيماني نتيجة لتفوق البنك داخل الملعب ؟
تغيير طريقة اللعب اثناء المباراة يحسب للمدير الفني واللاعبين لان ده بيحتاج لشغل كبير علشان تقدر تنفذ ده بسهولة
ماهي سلبيات ٣-٤-٣ ؟ هي الأطراف الدفاعية او المناطق بجوار ال LCB و ال RCB ..
علشان كدة تحول ميكيسوني وتاو لأجنحة

و اعطي افضلية كبيرة في الشوط التاني ما صدر احساس للجماهير بإن العيب في ٣-٤-٣ و ان ده بسبب ٤-٢-٣-١ ولكن ايضا كان السبب الأكبر في مباغتة موسيماني زي ماخصل للإسماعيلي وقرائته للمباراة وده رجع التفوق العددي و سبب مشاكل لخطة جلال بسبب طمع لعيبته في الفوز واختلاف تمركز لاعبي الاهلي

معناه ان المدير الفني القادر علي التغيير والتنفيذ اثناء المباراه له الافضلية بمعني انك مش شرط تبدا متفرق انك هاتنهي كدة وده الفارق بين لعيبة وفريق بيطبق اكتر من طريقة اثناء المباراة او المسابقات المختلفة

هل عوض اكرم غياب #ديانج ؟!
في رأيي لا يوجد لاعب قادر علي تعويض غيابه
اثناء الدفاع والهجوم و التحولات دايما ديانج في المكان المناسب وده اللي بيسهل عليه تنفيذ باقي المهام بشكل سلس و مميز
في صورة واحد اكرم تحول ل Rb و لكن لايوجد لاعب وسط للمساندة ..كان ممكن اكرم يدخل للعمق

كمان الصورة بتبين تحرك خاطئ من افشة وشريف انهم دخلوا في حضن الدفاع واستسلموا للرقابة و ماحصلش ان حد فيهم رجع لصناعة اللعب علشان يطور الهجمة ونفس الكلام في الصورة التانية

بعد الثريد الطويل اتمني يكون عجبكم التحليل وشكرا للمتابعة
لا تنسوا ال retweet و ال Like لضمان وصول المحتوي والتحليل لاكبر عدد ممكن
#الاهلي_فوق_الجميع #الاهلي_البنك_الاهلي #موسيماني #الدوري_المصري #تحليل

@AlAhly @TheRealPitso @AlAhlyTV @KoraPlusEG @KoraStats @11OnceSport @EFA @ONTimeSports @ShobierOfficial @caf_online_AR @FilGoal @Yallakoranow @ArqamAlAhly @Squawka @GoalAR

@rattibha

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة