في العامية المصرية مجموعة من الشتائم التي تستخدم كثيراً،دون أن يعرف معناها أو مصدرها ومنها: *فلان دا بلط* وأصلها الكلمة القبطية (بيلتي)وتعنى: مقعد
فيكون المعنى أن فلان دا قليل الحركة وكسول
وزي ما بنقول مبلط فالخط
*جتك شوطة تاخدك* البعض يظن أن كلمة شوطة معناها القذف بالساق👇

زي ما بنقول نشوط الكورة
شوطة أصلها (شووت) القبطية،وتعني كوليرا أو وباء
*الست دى شلق*أصلها الكلمة القبطية(شلاك) أى المط والامتداد،وأيضاً التوتر والانفعال،والست الشلق هى إللي بتستخدم ألفاظ نابية
و تمط في صوتها زي مثلاً: أحمااد ياعوووومار 👇

*أوباش*كلمة قبطية معناها عرايا أوصعاليك وماتحاولش تجيبلها مفرد،هي بتتقال كدا
شوية أوباش
*غراب البين*طب الغراب و معروف، البين دي كلمة مصرية قديمة معناها الشر، أو السوء،
*مدهول* أصلها القبطي (متاهوول) ومعناها،غير
المرتب، أوالمهمل
*جاك خيبة بالويبة*
الويبة كلمة قبطية معناها 👇

وعاء للوزن=كيلتان
معناها جاتك خيبة كبيرة!
*لو معملتش كذا هسويك* كنت فاكره معناها نطبخك لكن أسويك جاية من الكلمة القبطية(سوى) ومعناها (تقطيع الأوصال)يعني هقطعك اظن مروحناش بعيد
*يا ابن الإيه* آخر جملة كنت أتخيل انها تكون شتيمة!
الإيه هى(البقرة)باللغة القبطية!
👇

*ياخراشي*نسبة الى الشيخ الخراشي وكان قاضي عادل يلجأ إليه المصريون وكان كل من يشعر بالظلم...ينادي على الشيخ الخراشي ليحصل على العدل في شكواه.