شفت بالسوشيال ميديا وحدة تشتري رنج 2022 و توقع اوراقها و تسائلت كم لازم يكون دخل الشخص الشهري حتى يقدر يشتري مثل هذه السيارات؟ كتبت هذا الجدول و مبين فيه انك حتى تشتري سيارة سعرها فوق ال 600 الف لازم دخلك الشهري يكون فوق ال 100 الف درهم! يتبع…
يعتمد هذا الجدول على مبدأ يقول انك ماتشتري سيارة اقساطها اكثر عن 10% من دخلك الشهري حتى يكون عندك مبلغ 10% يكفي للبنزين و الصيانة و التامين و خلافه فيصبح المجموع 20%. طبعا اكلك و شربك و سكنك والترفيه و استثماراتك الشهرية تستهلك باقي الراتب. بهذه الطريقة تقدر تعيش مرتاح نوعا ما…
هذا الجدول فيه عدة افتراضيات: الدفعات تكون على خمس سنوات. الدفعة الاولى 20% من قيمة السيارة و تدفع كاش للوكالة والباقي اقساط من البنك و يمكن بيع السيارة القديمة بعد ماتكمل 5 سنوات و استخدام المبلغ للدفعة الاولى. يعني ماينفع كل 3 سنوات تبدل سيارة حسب هذا الجدول…
ايضا هذا الجدول يفترض انك شخص مستقل بذاتك يعني انك تعيش في بيت ايجار او ملك و تدفع اقساطه. الاغلبية يسكنون مع اهلهم ولذلك المصاريف الي كان المفروض ان تستخدم للسكن يتم استخدامها للسيارة. الافضل برأيي حتى لو ساكن بيت اهلك استغل الفرصة و اشتري عقار استثماري او زيد نسبة التوفير…
اعتقد البنوك عندنا تسمح حسب القانون بنسبة استقطاع لحد 50% من الراتب الشهري. لذلك احيانا تشوف ان الشخص يرهق نفسه بالسيارات. عادي شخص راتبه 30 الف و يشتري سيارة بنص مليون لكن بالنهاية كل الراتب تقريبا يروح في اقساطها و صيانتها و بنزينها و يتبقى له القليل فقط للأكل و الشرب و يادوب
شو رايكم اكمل الجدول بامثلة عن نوعية السيارات الي يقدر ياخذها الشخص؟ بشرط تكون جديدة طبعا…
جاري تحميل الاقتراحات...