ثريد عن "الشخصية الحساسة" وفهم الشخصية وطرق التعامل معها :
قبل نبدا السرد الحساب بيكون مختص بالمحتوى المفيد ان شاء الله و نلبي رغبتكم وطلباتكم في أي وقت بإذن الله .. تابعني وفعل التنبيهات عشان لا يفوتك شي ❤️
- فضلوا التغريدة وأرجعوا لها أخر الليل 👍
- فضلوا التغريدة وأرجعوا لها أخر الليل 👍
الشخصية الحساسة هي التي عندها حساسية متزايدة وعميقة للجهاز العصبي والاستجابة المفرطة للمنبهات الجسدية والعاطفية والاجتماعية ، ويعاني أكثر من 20% من سكان العالم من الحساسية المفرطة (نسبه كبيره) ، إلا أن الطرف الآخر لا يمكنه تقبلها، وبالتالي تؤثر سلبيا على الصحة النفسية كثير.
بعض من معاناتهم. ما يتحملون الازعاج بشكل مثلا ما يروح مناسبات أو ما يحب الموسيقى العالية هذا انا على فكره اكره ما عندي الازعاج في المقاهي أيضا ما يقدر يشوف مقاطع مرعبه أو فيها مشاهد عنيفة ما يتحمل. يزعل بسرعه أو تتعبه الكلمة البسيطة حتى لو مجرد مزح. يتحسس من كل شيء.
صفاته يتوتر ويقلق ويصدع كثير ، صعبة يترك أفكاره السلبية اللي تضايقه ، إذا كان يومه جدأ سيء مايأكل تمام ، يعصب بشكل كبير أكثر من غيره وهذا من حقه إذا انظلم أو صارت له مواقف سيئه ، بعض الأحيان يصير عنده أخذ المواقف مسئلة شخصية لا تجي تقوله لا تزعل أنا أمزح هنا ترا هنا أنت إحتمال
تأخذ عدواه معه إلي الأبد لأنه يتأذى بكل سهولة. يتعب من الانتقادات كثير... التجمعات يكون غالبا محرج ولا يرتاح ابدا بعضهم هنا يكتب تغريدات أكره العزايم أو متى ارجع البيت بسرعه 😅
عيوب الشخص الحساس.. يتأثر في كلام الناس بشكل كبير يبعد عنهم عمدا وينعزل بسبب التأثير اللي يجي عليه..... يحس في الذنب كثير إذا زعل منه شخص حتى لو الشخص قاله ما زعلت..... أفكاره وأوهامه اللي براسه تسيطر عليه حتى في المواقف التافهه... يعصب بسرعه و يتضايق
فيه علاقه بين مرض الاكتئاب والشخصية الحساسة هم أكثر الناس اللي يمكن يجيهم خصوصًا اللي مرو بتجارب سيئة في حياتهم هؤلاء الوضع عندهم أسوأ بكثير وتجدونه يحصل راحته في البعد عن الناس ويهرب كثير من المواجهه لأنها تتعبه.
كيف تتعمل الشخص الحساس : كن واضح وصريح إذا وجه لك سؤال عطه جوابك ، خلك هادي معه لا تعصب استخدم أسلوب البرود ، إذا بدأ يصارخ ويبكي قل له أنك ما تحب كذا وخله يهدأ وتبين يكون هادي.... راقب حركات جسده إذا حسيت إذا تعبان اسئله إذا ياخذ راحه خصوصا اذا بانت عليه أعراض التوتر والعصبية.
اطلب منه يساعدك في مشاكلك في دوامك أو الدراسة كلامك معه خله راقي وخلك واضح لا تصير غامض ترا يكره كذا ، إذا عندك صديق حساس وتبي تروح تتمشي معه أبعد عن الأماكن المكشوفة اللي فيها إزعاج أصوات عالية وكذا لأنكم كذا ما راح تنبسطون سوا..... أغلب الحساسين يحتاجون منكم شي بسيط و
وهو اظهرو لهم الحب تكلمو معهم عن مزياهم والأمور اللي تحبونها فيهم عززو ثقتهم في أنفسهم وعلاقتهم ، أغلب الحساسين ناقصهم هذا النوع من المحادثات لازم تبينون لهم قيمتهم ومكانتهم في المجتمع ❤️
معلومه عن الشخصية الحساسة مو مرض نفسي بل نمط من أنماط الشخصيات لكن إذا كنت شخص حساس هذي عدة أمور راح تساعدك أن شاء الله ، أولا حافظ على سلامتك الداخلية حب نفسك أنت شخص ممتاز حب الناس ، لا تأخذك مشاعر الحزن والقلق والتوتر كلها ترا مؤقته ، أعمل تمارين تساعدك في الاسترخاء وتزيدك
طاقة إيجابية لا تاخذ الأمور بشكل شخصي الا الأمور اللي تستحق فعلاً أما المواضيع التافهه أنت أقوى من أنها تهزك لأنك مثل الجبل لا تعطيهم فرصة يأخذون منك ثقتك في نفسك أتفقنا🤝
أهم ثلاثة أسئلة حول الشخص الحساس ، هل الشخص الحساس ضعيف شخصية ؟ الجواب لا فقط ينقصه الثقة بالنفس ،هل الشخص الحساس عنده ذكاء ؟ نعم عنده نسبة عالية من الذكاء وتشوفه متفوق دراسيا وعمليا ، وش أهم مزاياه الشخص الحساس قلنا الذكاء ولا يحقد على الآخرين ترا بس اذا كرهك يبي يبعد عنك
الأشخاص الحساسين مراعين لمشاعر غيرهم يحبون الصدق وعندهم ابداع في أكثر من مجال والشخصية الحساسة ليست شخصية سيئة فيهم إيجابيات كثيرة .
الفقرة ما قبل الأخيرة ٣ أشياء مهمة لازم تعرفونها عن أي شخص حساس في مشاعره الداخلية بعمق الكلمه تتعبه لكن تعود ما يحب المشاكل. صحيح يكره الطلعات والتجمعات لكن مو معانته ما يقدر العلاقات ويحب الأصدقاء .
بقى أن أقول الشخص الحساس يدقق على كل كلمة شاردة أو واردة ويعتبر أن الكلام المقصود هو فيه وهذا هو أحد أهم أسباب دخوله في المرض النفسي بشكل متدرج مع مرور الوقت اذا ماحاول يخفف من هذه النظرة السلبية وهو المسؤول الأول عن مساعدة نفسه قبل أحد يساعده.
يعطيكم العافيه وان شاء الله أنكم أستمتعتوا بالقراءة دعمك لي بمتابعتي والنشر يحفزني لتقديم الأفضل وشكرًا على الدعم ❤️
جاري تحميل الاقتراحات...