لما تختار تتعامل مع حد معامله دائمة حاول تختار ناس شبهك
يعني إيه شبهك؟
مش في المستوي الإجتماعي
لأ
وإن كان مهم
بس شبهك في الطباع
شبهك في الأفكار
شبهك في التصرفات
المعارف دي اختياراتك
فانت لازم تتعامل مع ناس تكسبك أمل وطاقة كل يوم
تلقاهم في ظهرك يوم ما تبقي لوحدك والعكس منك🤝
١/

المواقف بتظهر معادن الناس
حاول تدور ع الجوهر مش ع الناس اللي لسه بتتعامل معاك لانهم مستفادين منك خلال يومك أو أي منفعة بينكم
كثير مننا مش بإيده يختار ناس معينة في حياته زي الأهل مثلاً
لأن معاملتك معاهم فرض عليك سواء هما شبهك أو مختلفين عنك
و ف كل الأحوال إحسانك ليهم واجب 💙
٢/

ولو اهلك مش شبهك ومرهق من علاقتك بيهم
فانت أخذت نصيب من حظ الأنبياء ف ابتلائهم
زي سيدنا نوح عليه السلام و ابنه
وسيدنا لوط و زوجته
وسيدنا رسول الله محمد و عمه
الخلاصة✍
مش بالضروري انت كويس
يبقي أهل بيتك وأهلك كويسين
إبتلاء الأهل شديد
لكن
المرء على دين خليله(تخيّر معارفك)✋🤝