منطق البرهان في تبرير الإنقلاب ما غريب، عبر التاريخ وفي كل الدول في الكوكب الجيوش بتحتاج حاجتين بس عشان تنفذ إنقلاب
١- سردية
٢- سلاح
دورنا الأهم إننا نواصل تكسير سردية "إنقاذ الثورة من المدنيين" الشابك فيها دي في الأحياء والبيوت بالمخاطبات والمنشورات والهتافات
١- سردية
٢- سلاح
دورنا الأهم إننا نواصل تكسير سردية "إنقاذ الثورة من المدنيين" الشابك فيها دي في الأحياء والبيوت بالمخاطبات والمنشورات والهتافات
حاليا قنوات العربية والحدث ما مقصرين معاهو في تحويل أكاذيب السردية دي لحقائق عبر التكرار. وإحتمال إنو قطاعات من الشعب تبدا تتقبل "الحقائق" دي بيزيد مع زيادة تململها من قفيل الشوارع. لازم ندعم التروس بخطاب سياسي قوي مناهض للمواقفهم السياسية الجبانة
الإنقلابات العسكرية ببساطة مجرد عملية نقل سلطة بقوة السلاح، بتتشابه مع الانتخابات في حوجتها لدعم شعبي. البرهان حاول يخلق صورة دعم شعبي متمثلة في دعمو لترك في الشرق والإنتهازيين في شارع القصر، وهو عارف إنو ده ما كفاية
كلامو عن "إشراك الشباب" و "لجان المقاومة" في الحكومة الجديدة
كلامو عن "إشراك الشباب" و "لجان المقاومة" في الحكومة الجديدة
هو محاولة لتوسيع الدعم الشعبي، حيظهروا فعلا شباب و "تكنوقراط" يدعموه وممكن أسع أخمن أسامي بعضهم.
المهم إننا نكون مستعدين للتصدي للأكاذيب الحيطلقها المجلس العسكري والأفراد الحيقدمهم عشان يصنع صورة الحكومة والإستقرار
المهم إننا نكون مستعدين للتصدي للأكاذيب الحيطلقها المجلس العسكري والأفراد الحيقدمهم عشان يصنع صورة الحكومة والإستقرار
للأسف، تاريخ الإنقلابات العسكرية بيوضح إنو المظاهرات والغضب الجماهيري براهم ما بيوقفوا إنقلاب. الإنقلابات بتنهزم لمن سرديتها تنهزم. ده السبب الأساسي البيخلي البرهان يقطع الانترنت، لأنو ما عايز يدي فرصة لخلق خطاب سياسي و سردية بديلة. فلازم نصنعها في الشارع بالوسائل القديمة
وفي رأيي، فتحهم للإنترنت الليلة بعد المؤتمر الصحفي هو جزء من العملية الإعلامية للإنقلاب. عايزين محتوى المؤتمر ينتشر ويقيسوا ردة الفعل المباشرة لأنها بتساعدهم في وضع تكتيكاتهم الجاية. وحيقفلوه تاني
سردية "إنقاذ الإعتصام من كولومبيا" كانت أهم أداة في فض إعتصام القيادة العامة وإعتصامات الولايات في ٢٠١٩ بعد جزء من ممثليننا المدنيين ومن المعتصمين برضو وقعوا في الفخ ودعموها.
أسع بيحاول البرهان يقنع السودانيين إنو جاي ينقذ الثورة من المحاصصة.
لكن الشارع حينقذ السودان من الجيش
أسع بيحاول البرهان يقنع السودانيين إنو جاي ينقذ الثورة من المحاصصة.
لكن الشارع حينقذ السودان من الجيش
جاري تحميل الاقتراحات...