انا كواحد كنت امس في داخليه الوسط حاحكي ليكم عن الحصل لينا امس
حوالي الساعه 12 اتوافدت الناس واتجهوا نحو القياده و العساكر فتحو ليهم ودخلو وبعد 15دقيقه بدوا ضرب الناس كلها اتجهت على شارع الجامعه و الجمهوريه اتجاه الداخليات فالعساكر جوا ساكنهم وبعداك العساكر دخلو الداخليات جوه
حوالي الساعه 12 اتوافدت الناس واتجهوا نحو القياده و العساكر فتحو ليهم ودخلو وبعد 15دقيقه بدوا ضرب الناس كلها اتجهت على شارع الجامعه و الجمهوريه اتجاه الداخليات فالعساكر جوا ساكنهم وبعداك العساكر دخلو الداخليات جوه
دخلو بي كل قوتهم وبدوا يضربوا جوه الداخليه رصاص في الهواء و في رصاص جاء في حيط الداخليه طلعوا الناس كلهم من الغرف و وقفوهم صف وبدوا فيهم حلاقات و دق من طرف اي زول كان موجود اتضرب حتى بتاعين الكافتيريا اتعرضو لي الضرب بعداك قالو اي زول عندو تلفون يطلعوا وبدوا يفتشوا في الصور
اي زول لقو عندو صوره اثناء م هم بضربوا او بفضوا في الناس قلعوا تلفونو بعد كده دخلو على الغرفه سرقوا اي شي تلفونات لابتوبات اي شي م خلو اي شي نهبوا م خلو شي فضوا اي شي من الغرفه و قالو لي الناس نص ساعه تخلو فيها م عايزين زول في محيط القياده ومرقوا
بعد اخلينا وشلنا حاجاتنا مرقنا كان ماف كبري فاتح الا المك اثناء م ماشين في الشارع العساكر بضربوا الناس و الما حلقو ليهو بحلقو لمن وصلنا كبري المك وقفونا دقو اي زول خمسه سيطان و بقولو ليك اجري في الكبري وانت شايل شنطتك وهدومك وبتجري وبقولو ليك قول "عسكريه و كىىىم حمدوك" وانت جاري
حسبي الله ونعم الوكيل فيهم..انا كويس الحمدلله وصلت امدرمان بس من الضرب مشيت المستشفى وطلعت يدي مشقوقه لكن الحمدلله
دا جزء من الكان في وحده من الداخليات
#جريمة_داخلية_الوسط
الشعب اقوى اقوى و الرده مستحيله
الشعب اقوى اقوى و الرده مستحيله
مرقدين الطلبه بدقوا فيهم
#جريمة_داخلية_الوسط
#جريمة_داخلية_الوسط
جاري تحميل الاقتراحات...