من الإنبوكس: "هل ممكن ترشيحات منك لكتب أقرأها تنقلني من مرحلة اني شخص عنده فكرة ستارت اب .. لمرحلة ان الstartup خلاص ليها نسبة من السوق في whatever الfield بتاعها .. وليها series funding rounds" .... ثريد.
الحقيقة موضوع الستارت أب معقد وبيختلف بحسب الزمان والمكان ونوعية الأشخاص والفكرة وحاجات كتير أوى. وأنا شخصيا مبحبش الثريدز اللى بتبقى عبارة عن هبدة مصادر كتير عن موضوع معين بس هخالف مبدأى فى الثريد دة وهقول بعض الحاجات اللى فى وجهة نظرى مفيدة وهقول ليه.
الستارتابس ليها كذا عنصر ، أولا فهم فكرة يعنى إيه أبنى ستارت أب فى مجال التكنولوجى ، وإزاى الشركات دى كلها كبرت وبقت بمليارات ، وإيه الخصائص اللى خلت شركات تنجح والخصائص اللى خلت شركات تفشل ، وإيه دور التكنولوجيا والتسويق فى الموضوع. والغريب إن مع كل دة الموضوع ملوش قاعدة.
لو عايز تبدأ بحاجة خفيفة ومهمة فطبعا مقالات بول جراهام (@ paulg على تويتر). بول جراهام هو مؤسس Y Combinator ، دة من أهم المستثمرين فى مجال الستارت أبس فى تاريخ السيليكون فالى. هما اللى استثمرو فى AirBnB, stripe, dropbox, Reddit ومئات الشركات اللى قيمتها مئات المليارات دلوقت.
بول جراهام كتب مقالات كتير ممكن تلاقوها هنا ، بس الشوية المهمين أوى:
Subject: Airbnb
Startup = growth
Do Things That Don't Scale
The Fatal Pinch
How not to die
The 18 mistakes that kills startups
Why smart people have bad ideas
paulgraham.com
Subject: Airbnb
Startup = growth
Do Things That Don't Scale
The Fatal Pinch
How not to die
The 18 mistakes that kills startups
Why smart people have bad ideas
paulgraham.com
طبعا بول جراهام كاتب حاجات أكتر بكتير أغلبهم مفيد وفيه درر ، بس عشان متبقاش الدنيا زحمة ابدأ/ابدأى بالكام واحدة اللى ذكرتهم فوق بعد كدة شوفو حاجات تانية.
بعد بول جراهام كتاب Zero to One بتاع بيتر تيل مؤسس باي بال ومن أوائل المستثمرين فى فيسبوك وشركات بمليارات. الكتاب حلو ﻷنه بيديك طريقة تفكير خصوصا لو عايز تشتغل فى الشرق الأوسط هيفرقلك كويس بين الأفكار الجديدة والأفكار اللى معمولة برة وببتنفذ تانى فى بلد مختلفة زى كريم وأوبر.
لو بدأت تشتغل على فكرة كتاب traction حلو كمقدمة عن الجروث وازاى توصل للناس. فى النهاية الستارت أب عبارة عن هتقدر توصل لكام واحد فى وقت قد إيه وبتكلفة كام.
amazon.com
amazon.com
أنا بحب جدا تاريخ التكنولوجى ودة من المواضيع اللى أنا بحب أقرا وأسمع فيها كتير ، مهم نقرأ ونتعلم عن قصص النجاح والفشل عشان بتعرفنا إن مفيش طريق واحد.
كتاب "Blood, Sweat, and Pixels" عن شركات مختلفة فى مجال الألعاب بعضها نجح وبعضها فشل وقصص نجاحهم وفشلهم. حلو وقرايته خفيفة و emotional وeducational. أنصح بشدة بقرائته.
Super Pumped: The Battle for Uber
عن قصة صعود أوبر. كتاب جميل وبيحكى قصة واحدة من أهم الشركات فى العصر الحديث. أنا كاتب ثريد صغنن عن الكتاب هنا بس أنصح بقراية الكتاب كله.
عن قصة صعود أوبر. كتاب جميل وبيحكى قصة واحدة من أهم الشركات فى العصر الحديث. أنا كاتب ثريد صغنن عن الكتاب هنا بس أنصح بقراية الكتاب كله.
وثائقى General Magic تحفة فنية عن مجموعة عملت تابلت فى آبل فى أوائل التسعينات والتابلت فشل فشل ذريع. طبعا بعدها بعشرين سنة آبل عملت الآيباد والمجموعة اللى فشلت دى طلع منها اللى عمل Android و Ebay وiPod وحاجات كتير. generalmagicthemovie.com
نيجى بقى لموضوع مهم ومن أسوأ الحاجات فى رأيى لو إنت فى البيئة المصرية: تسويق الستارت أب على إنها حاجة سهلة وglorious. الموضوع عكس كدة تماما عشان كدة أنصح بشدة بالكتب دى اللى بتبين صعوبة الموضوع.
كتاب The Hard Thing About Hard Things كاتبه Ben Horowitz دة راجل عمل شركة باعها لHP بأكتر من مليار دولار. الشركة كانت هتفلس كذا مرة ورفد الناس أكتر من مرة وقصة رهيبة فى التفانى والإصرار وبتبين قد إيه الموضوع صعب.
Startup by Jerry Kaplan
دة واحد كان بيحاول يعمل تابلت فى التسعينات بردو ودخل منافسة عنيفة ضد مايكروسوفت وآبل والشركة فشلت بعد ما خد ملايين الدولارات من الfunding. كتاب رائع ولو قريته هتكره بيل جيتس :) ... بيل جيتس فى وقته كان مكروه زى مارك وبيزوس دلوقت.
دة واحد كان بيحاول يعمل تابلت فى التسعينات بردو ودخل منافسة عنيفة ضد مايكروسوفت وآبل والشركة فشلت بعد ما خد ملايين الدولارات من الfunding. كتاب رائع ولو قريته هتكره بيل جيتس :) ... بيل جيتس فى وقته كان مكروه زى مارك وبيزوس دلوقت.
Shoe Dog: A Memoir by the Creator of Nike
قصة مؤسس شركة Nike. آه يانى ياما كتاب رهيب ويوريك مدى إصرار الراجل دة رغم كل اللى اتعمل فيه.
قصة مؤسس شركة Nike. آه يانى ياما كتاب رهيب ويوريك مدى إصرار الراجل دة رغم كل اللى اتعمل فيه.
بحب جدا المحاضرة دى من مؤسس أوبر فى 2010 لما كان لسة بادئ بيحكى عن الشركتين اللى قبل أوبر. مستثمرين قاضوه وشريك خانه وخد المهندسين كلهم وحاجة كدة أنا قتلت واتقتلت. 20 دقيقة درر. youtube.com
ننتقل من الصعبانيات للfundraising: طبعا طبعا كتاب Venture Deals. الكتاب مش سهل قرايته ومليان terminologies بس مهم وبيشرح أسس اللعبة. لازم تاخدو بالكم إن الكتاب من وجهة نظر أمريكية وحاجات كتير من اللى بيقولها مش موجودة فى أوروبا ولا مصر. دايما إسأل محامى فى البلد اللى انت فيها.
وأخيرا وليس آخرا مهم جدا متابعة ما يحدث فى أمريكا ﻷن أمريكا أم الدنيا فى عالم السوفتوير واللى بيحصل عندهم بيحصل فى أوروبا وعندنا فى الشرق الأوسط بعد كذا سنة.
أنا بقالى فترة نفسى أعمل ليست فيها الحسابات اللى بتابعها على تويتر فى أمريكا بس معنديش وقت. بدأت ولسة مخلصتش. ممكن تتابعو الليست اللى مش خلصانة هنا ولو مستعجلين شوفو أنا عامل فولو لمين واعملولهم فولو هتشوفو نفس الحاجات اللى أنا بقراها.
بس كدة دى لستة مصادر أتمنى تكون مفيدة ولو جالى أفكار تانية هضيفها للثريد. بالتوفيق.
طيب أنا قولت بما إنى بدأت خلينى أخلص ... ليستة الحسابات اللى بتابعها فى أمريكا عشان أعرف اللى بيحصل فى مجال الtech دلوقتى جاهزة. موعدش إنى هعملها أبديت بس دى بداية كويسة ﻷى حد عايز يشوف اللى بشوفه ومنها تويتر أكيد هيبدأ يطلعله recommendations.
جاري تحميل الاقتراحات...