ماما وبابا نادراً ما كانوا يتخانقوا مع بعضهم قدامنا يعني انا مش فاكرة من خناقتهم الا خناقه او اتنين فكان لما بابا يتعصب ويقول لماما خدي حاجتك وامشي عند اهلك! امي كانت تلمني انا واخواتي وتدخل بينا اوضة نومها 😂.. المهم مع الايام كبرت وكان جوايا سؤال معين واتجرأت وسالتها:
👇👇
👇👇
ماما انتي ليه لما كان بابا يقولك امشي كنتي تاخدينا وتدخلي الاوضة؟ قالتلي اولا انتم اهم حاجة في حياتي كلها انتم وابوكم في كفة والعالم كله في كفه تانية، انا عشان صغيرة مفهمتش قوي فسألتها طب وبتدخلي الاوضة ليه؟
ردت وقالتلي وانا اسيب البيت ليه هو عايز يمشي يخرج يلف شوية بالعربية
👇👇
ردت وقالتلي وانا اسيب البيت ليه هو عايز يمشي يخرج يلف شوية بالعربية
👇👇
ويرجع لا انا عندي اهل غيره ولا هو عنده اهل غيري انا منه وهو مني .. انا برده 🙄🙄 هي ماما بتقول كلام كبير قوي عليا ولا انا صغيرة مش فاهمة حاجة وقتها قلت ما علينا.. بس لما كبرت فهمت امي عايزة توصلي ايه؟ ان كنزك في الدنيا وثروتك ولادك ربتيهم كويس هتحصدي كويس👇👇
ومش كل التربية دا غلط وعيب وحرام واسكتي يا بت وتعالى يا واد لالالا التربية بتاعتهم زمان كانت كلها أفعال لما طلعنا لقيناها ماشية جوا دمنا بعد ما خلفت بناتي اكتشفت اني فعلا مليش غيرهم وان الست هي فعلا عمود البيت بس برده الراجل الاربع حيطان بتوع البيت
👇👇
👇👇
الست تربي وتلبس وتعلم بأوامر وقيادات عليا من الأب مش بتعمل دا من فراغ، والاولاد مهما كانوا والبنات بالذات دايماً محتاجين اب هو مش مجرد ATM لا هو مطحون عشان تبقوا احسن الناس يمكن انا دماغي وتربيتي دقة قديمة بس طلعت من بيت انا راضية جدا بحياتي ولو الحياة بتتعاد هحب اعيش نفس التجربة
جاري تحميل الاقتراحات...